გიორგი მახარაშვილი მომღერალი საცოლეს ტაილანდში მეორედ სთხოვს ხელს
1 784 ნახვა
მომღერალი გიორგი მახარაშვილი და ლეკა მიქაძე ზაფხულში ქორწინდებიან. იმის მიუხედავად, რომ ნიშნობა უკვე ჰქონდათ, ერთად არ ცხოვრობენ. მომღერალმა გაგვანდო, რომ ლეკა დაღვინებაში დაეხმარა, უფრო დინჯი გახადა და ცხოვრებისეული საკითხებისადმი სერიო-ზული დამოკიდებულებისკენ უბიძგა.
- ოჯახის შექმნა რამ გადაგაწყვეტინა?
- ჩემმა ერთმა ძმაკაცმა მოიყვანა ცოლი, მათ შემხედვარეს მეც მომინდა დაოჯახება. ხუთი თვის წინ სუფრასთან ვისხედით და ცოლქმრობაზე ვლაპარაკობდით. პირველად სწორედ მაშინ შევთავაზე ლეკას, რომ მომავალი წლის 13 ივლისს, ჩემს დაბადების დღეზე, დავქორწინებულიყავით. ასეც მოხდება, თუმცა თარიღი ცოტა ადრე გადმოვწიეთ, რომ ქორწილის დღეს სიცხემ არ შეგვაწუხოს. არ მინდა, 6 წელი აქეთ-იქით დედმამიშვილებივით ვიაროთ.
- შეუღლების შემდეგ ცალკე გადახვალთ?
- არა, დედაჩემსა და მამაჩემთან ერთად ვიქნებით. ჩემი ოჯახის წევრები, იმის მიუხედავად, რომ მე და ჩემი საცოლე ჯერ კიდევ ცალ-ცალკე ვცხოვრობთ, უკვე ლეკაზე გადაერთვნენ. ჩემი და გათხოვილია, ამიტომ ლეკას გამოჩენამდე ყურადღების ცენტრში მე ვიყავი. სადილად ჩემს საყვარელ საჭმელს ამზადებდნენ. დღეს ლეკას სურვილების ახდენას ცდილობენ, შვილივით მიიღეს. დედაჩემი მწვანე ტყემლის შემოსვლას მოუთმენლად ელოდება, რომ რძლისთვის მოამზადოს.
- ამბობენ, ერთ ოჯახში ორი დიასახლისი ვერ მოთავსდებაო...
- მაგას არ იტყოდნენ, დედაჩემს რომ იცნობდნენ. ოჯახებში კონფლიქტები ხდება ხოლმე, მაგრამ მალევე გვარდება.
- ცოლისა და დედის დაპირისპირებისას ვის მხარეს დაიჭერ?
- არც მწვადს დავწვავ და არც შამფურს. ლეკასკენ გადავიხრები, მაგრამ არა ისე მკვეთრად, რომ დედაჩემს ეწყინოს.
- როგორ გგონია, რა არის წყვილის ჰარმონიული ურთიერთობის ღერძი?
- ერთმანეთის გაბედნიერების სურვილი. მატერიალურ მხარეს, რა თქმა უნდა, გარკვეული მნიშვნელობა აქვს, თუმცა აუცილებელი არ არის, ქალს ყოველდღე მანქანა ან სხვა ძვირად ღირებული საჩუქარი უყიდო იმისთვის, რომ გაახარო. მაგალითად, გუშინ ლეკას ლაღიძის წყალი მოუნდა და მივუტანე. ძალიან ესიამოვნა. ხომ ელემენტარულია? ნებისმიერს შეუძლია იმავეს გაკეთება, მთავარია, მოინდომოს. სწორედ წვრილმანები აბედნიერებს ქალს. თავად ლეკამაც ყოველთვის იცის, როგორ უნდა გამახაროს.
- ოჯახში შემომტანი ქალი უნდა იყოს თუ მამაკაცი?
- მაგას მნიშვნელობა არ აქვს. საბოლოოდ ყველაფერი ერთ ქვაბში იხარშება.
- შეეგუები, რომ ცოლმა ღამის ცვლაში იმუშაოს?
- საწინააღმდეგო არაფერი მექნება, რადგან მეც მის გვერდში ვიქნები. ლეკას დღესაც უწევს ღამის 4 საათამდე მუშაობა, მაგრამ არ ვაპროტესტებ.
- როგორ ფიქრობ, შენს საცოლეს ყველაზე მეტად რა მოსწონს შენში?
- კამათის შემდეგ წყენას გულში დიდხანს არ ვიტოვებ. ერთხელ ჩვენი საერთო ნაცნობი (ბიჭი) შეგვხვდა და ძალიან ბევრი ილაპარაკა, მარტონი რომ დავრჩით, ლეკამ მითხრა, მომწონს, რომ სხვებივით ჭორიკანა არ ხარ და მოზომილად ლაპარაკობო.
- შენ და ლეკამ შეყვარებულების სტატუსი როდის შეიძინეთ?
- პირველად ერთად რომ გავედით წასახემსებლად. აშკარა იყო, რომ მხოლოდ მეგობრობა არ გვაკავშირებდა. მისთვის სიყვარული არ ამიხსნია, ყველაფერი თავისთავად მოხდა. როგორ მივხვდი, რომ შეყვარებული ვიყავი? მარტო სიარული აღარ მინდოდა. ამჟამად ვაპირებ, ტაილანდში წავიყვანო და იქ რომანტიკულ ვახშამზე კიდევ ერთხელ ვთხოვო ხელი.
- საკუთარი თავი მამის ამპლუაში წარმოგიდგენია?
- ბავშვები მიყვარს, მაგრამ მათთან ურთიერთობა არ ვიცი. დისშვილი მყავს, რომელიც ხელში არ ამყავდა, სანამ ერთი წელი არ შეუსრულდა. მეშინოდა, უნებურად რამე არ დამეშავებინა მისთვის. ჩემი შვილი სულ ჩემთან ერთად იქნება. სადაც უნდა წავიდე, მანქანაში მეყოლება. თან გადავყვები: ღამეებს გავუთენებ, პამპერსის გაკეთებას ვისწავლი და გამოვუცვლი, დავბან, 4 საათში ერთხელ ფაფას ვაჭმევ. სანამ დაიბადება, მუცელში დაველაპარაკები და ვუმღერებ. ძალიან მინდა, გოგონა გაჩნდეს, რომელსაც გამოვპრანჭავ, გემოვნებიანად ჩავაცმევ, `დასტოინი~ და `სწერვა~ იქნება. ერთ დღეს თუ გავიგებ, რომ შეყვარებული ჰყავს, გავაფრენ... ყველა ვარიანტში მკაცრად გავაკონტროლებ.
- ლეკას რომანტიკული სიურპრიზებით ანებივრებ?
- ერთადერთი გოგონაა, ვისაც ეზოში მივაკითხე და ძმაკაცებთან ერთად ვუმღერე. ლეკა იმსახურებს ყურადღებას, ჩემთვის უნაკლო ადამიანია. ვცდილობ, დიდი დრო გავატარო მასთან ერთად, ხუმრობით ლეკას მძღოლსაც მეძახიან.
- ამბობ, რომ პირველად 22 წლის ასაკში შეგიყვარდა...
- კი, ლეკა ჩემი პირველი სიყვარულია. სიყვარულმა უკეთესობისკენ შემცვალა, ცხოვრების მიზანი გამიჩნდა, მომავალსა და სამსახურზე დავიწყე ფიქრი. თავის დროზე მე და ლეკამ ერთმანეთი ჩვენი ყოველდღიურობის განუყოფელ ნაწილად ვაქციეთ. ვერ წარმომიდგენია, ისეთი რა საქმე უნდა მქონდეს, რომ ლეკა თან არ წავიყვანო...
- ქორწინებამდე თანაცხოვრებაზე არ გიფიქრიათ?
- ორივეს გვირჩევნია, ცალ-ცალკე ვიცხოვროთ, რომ საბოლოო გადაწყვეტილების მიღების საშუალება გვქონდეს, კიდევ ერთხელ დავფიქრდეთ და ავწონ-დავწონოთ ჩვენი განზრახვა.
- თუ ლეკას მიმართ მამაკაცი დიდ ინტერესს გამოამჟღავნებს, იეჭვიანებ?
- გიორგი მახარაშვილი თბილისში საკმაოდ ცნობილი პიროვნებაა, შესაბამისად, არა მგონია, ვინმემ გაბედოს ლეკას შეწუხება. თუ ვინმე შეუგნებელი ამ ნაბიჯს გადადგამს, თავის ადგილს მივუჩენ და მეორედ აქტიურობის სურვილი აღარ გაუჩნდება.
წყარო: reitingi.ge
- ოჯახის შექმნა რამ გადაგაწყვეტინა?
- ჩემმა ერთმა ძმაკაცმა მოიყვანა ცოლი, მათ შემხედვარეს მეც მომინდა დაოჯახება. ხუთი თვის წინ სუფრასთან ვისხედით და ცოლქმრობაზე ვლაპარაკობდით. პირველად სწორედ მაშინ შევთავაზე ლეკას, რომ მომავალი წლის 13 ივლისს, ჩემს დაბადების დღეზე, დავქორწინებულიყავით. ასეც მოხდება, თუმცა თარიღი ცოტა ადრე გადმოვწიეთ, რომ ქორწილის დღეს სიცხემ არ შეგვაწუხოს. არ მინდა, 6 წელი აქეთ-იქით დედმამიშვილებივით ვიაროთ.
- შეუღლების შემდეგ ცალკე გადახვალთ?
- არა, დედაჩემსა და მამაჩემთან ერთად ვიქნებით. ჩემი ოჯახის წევრები, იმის მიუხედავად, რომ მე და ჩემი საცოლე ჯერ კიდევ ცალ-ცალკე ვცხოვრობთ, უკვე ლეკაზე გადაერთვნენ. ჩემი და გათხოვილია, ამიტომ ლეკას გამოჩენამდე ყურადღების ცენტრში მე ვიყავი. სადილად ჩემს საყვარელ საჭმელს ამზადებდნენ. დღეს ლეკას სურვილების ახდენას ცდილობენ, შვილივით მიიღეს. დედაჩემი მწვანე ტყემლის შემოსვლას მოუთმენლად ელოდება, რომ რძლისთვის მოამზადოს.
- ამბობენ, ერთ ოჯახში ორი დიასახლისი ვერ მოთავსდებაო...
- მაგას არ იტყოდნენ, დედაჩემს რომ იცნობდნენ. ოჯახებში კონფლიქტები ხდება ხოლმე, მაგრამ მალევე გვარდება.
- ცოლისა და დედის დაპირისპირებისას ვის მხარეს დაიჭერ?
- არც მწვადს დავწვავ და არც შამფურს. ლეკასკენ გადავიხრები, მაგრამ არა ისე მკვეთრად, რომ დედაჩემს ეწყინოს.
- როგორ გგონია, რა არის წყვილის ჰარმონიული ურთიერთობის ღერძი?
- ერთმანეთის გაბედნიერების სურვილი. მატერიალურ მხარეს, რა თქმა უნდა, გარკვეული მნიშვნელობა აქვს, თუმცა აუცილებელი არ არის, ქალს ყოველდღე მანქანა ან სხვა ძვირად ღირებული საჩუქარი უყიდო იმისთვის, რომ გაახარო. მაგალითად, გუშინ ლეკას ლაღიძის წყალი მოუნდა და მივუტანე. ძალიან ესიამოვნა. ხომ ელემენტარულია? ნებისმიერს შეუძლია იმავეს გაკეთება, მთავარია, მოინდომოს. სწორედ წვრილმანები აბედნიერებს ქალს. თავად ლეკამაც ყოველთვის იცის, როგორ უნდა გამახაროს.
- ოჯახში შემომტანი ქალი უნდა იყოს თუ მამაკაცი?
- მაგას მნიშვნელობა არ აქვს. საბოლოოდ ყველაფერი ერთ ქვაბში იხარშება.
- შეეგუები, რომ ცოლმა ღამის ცვლაში იმუშაოს?
- საწინააღმდეგო არაფერი მექნება, რადგან მეც მის გვერდში ვიქნები. ლეკას დღესაც უწევს ღამის 4 საათამდე მუშაობა, მაგრამ არ ვაპროტესტებ.
- როგორ ფიქრობ, შენს საცოლეს ყველაზე მეტად რა მოსწონს შენში?
- კამათის შემდეგ წყენას გულში დიდხანს არ ვიტოვებ. ერთხელ ჩვენი საერთო ნაცნობი (ბიჭი) შეგვხვდა და ძალიან ბევრი ილაპარაკა, მარტონი რომ დავრჩით, ლეკამ მითხრა, მომწონს, რომ სხვებივით ჭორიკანა არ ხარ და მოზომილად ლაპარაკობო.
- შენ და ლეკამ შეყვარებულების სტატუსი როდის შეიძინეთ?
- პირველად ერთად რომ გავედით წასახემსებლად. აშკარა იყო, რომ მხოლოდ მეგობრობა არ გვაკავშირებდა. მისთვის სიყვარული არ ამიხსნია, ყველაფერი თავისთავად მოხდა. როგორ მივხვდი, რომ შეყვარებული ვიყავი? მარტო სიარული აღარ მინდოდა. ამჟამად ვაპირებ, ტაილანდში წავიყვანო და იქ რომანტიკულ ვახშამზე კიდევ ერთხელ ვთხოვო ხელი.
- საკუთარი თავი მამის ამპლუაში წარმოგიდგენია?
- ბავშვები მიყვარს, მაგრამ მათთან ურთიერთობა არ ვიცი. დისშვილი მყავს, რომელიც ხელში არ ამყავდა, სანამ ერთი წელი არ შეუსრულდა. მეშინოდა, უნებურად რამე არ დამეშავებინა მისთვის. ჩემი შვილი სულ ჩემთან ერთად იქნება. სადაც უნდა წავიდე, მანქანაში მეყოლება. თან გადავყვები: ღამეებს გავუთენებ, პამპერსის გაკეთებას ვისწავლი და გამოვუცვლი, დავბან, 4 საათში ერთხელ ფაფას ვაჭმევ. სანამ დაიბადება, მუცელში დაველაპარაკები და ვუმღერებ. ძალიან მინდა, გოგონა გაჩნდეს, რომელსაც გამოვპრანჭავ, გემოვნებიანად ჩავაცმევ, `დასტოინი~ და `სწერვა~ იქნება. ერთ დღეს თუ გავიგებ, რომ შეყვარებული ჰყავს, გავაფრენ... ყველა ვარიანტში მკაცრად გავაკონტროლებ.
- ლეკას რომანტიკული სიურპრიზებით ანებივრებ?
- ერთადერთი გოგონაა, ვისაც ეზოში მივაკითხე და ძმაკაცებთან ერთად ვუმღერე. ლეკა იმსახურებს ყურადღებას, ჩემთვის უნაკლო ადამიანია. ვცდილობ, დიდი დრო გავატარო მასთან ერთად, ხუმრობით ლეკას მძღოლსაც მეძახიან.
- ამბობ, რომ პირველად 22 წლის ასაკში შეგიყვარდა...
- კი, ლეკა ჩემი პირველი სიყვარულია. სიყვარულმა უკეთესობისკენ შემცვალა, ცხოვრების მიზანი გამიჩნდა, მომავალსა და სამსახურზე დავიწყე ფიქრი. თავის დროზე მე და ლეკამ ერთმანეთი ჩვენი ყოველდღიურობის განუყოფელ ნაწილად ვაქციეთ. ვერ წარმომიდგენია, ისეთი რა საქმე უნდა მქონდეს, რომ ლეკა თან არ წავიყვანო...
- ქორწინებამდე თანაცხოვრებაზე არ გიფიქრიათ?
- ორივეს გვირჩევნია, ცალ-ცალკე ვიცხოვროთ, რომ საბოლოო გადაწყვეტილების მიღების საშუალება გვქონდეს, კიდევ ერთხელ დავფიქრდეთ და ავწონ-დავწონოთ ჩვენი განზრახვა.
- თუ ლეკას მიმართ მამაკაცი დიდ ინტერესს გამოამჟღავნებს, იეჭვიანებ?
- გიორგი მახარაშვილი თბილისში საკმაოდ ცნობილი პიროვნებაა, შესაბამისად, არა მგონია, ვინმემ გაბედოს ლეკას შეწუხება. თუ ვინმე შეუგნებელი ამ ნაბიჯს გადადგამს, თავის ადგილს მივუჩენ და მეორედ აქტიურობის სურვილი აღარ გაუჩნდება.
წყარო: reitingi.ge
