''სამჯერ მიყვარდა… მეგონა ჩემს სიყვარულს იმსახურებდნენ …''
1 469 ნახვა
ჩვენი რუბრიკის დღევანდელი სტუმარია მსახიობი, ბიზნესმენი და პოლიტიკური ფიგურა ასმათ ტყაბლაძე. ქალბატონი ასმათის აზრით, უსიყვარულობისთვის მხოლოდ ნარცისები ან სოციოპათები არიან განწირული.
- მრავალი სახის სიყვარული არსებობს... ერთ-ერთია პატრიოტიზმი.
- ჩემს ბავშვობაში მოდაში იყო რუსული ენა, ამიტომ მშობლები ცდილობდნენ, რუსულ სკოლებში ეტარებინათ თავიანთი შვილები. 5 წლის ასაკში დედას გამოვუცხადე, რომ ქართველი ვარ და ქართულ სასწავლებელში მინდოდა განათლების მიღება. ყოველთვის მიყვარდა ჩემი სამშობლო და ენა. ცოტა რომ წამოვიზარდე, ვამბობდი, ბევრი შვილი უნდა გავაჩინო და ჩემი ერი გავამრავლო-მეთქი, თუმცა ჩემი ცხოვრება სხვაგვარად წარიმართა... ერთი ქალიშვილი მყავს, მაგრამ ღირსეული.
- დედა და ბებია რას გასწავლიდნენ?
- ხალხის სიყვარულსა და სტუმართმოყვარეობას. მე არ მივესალმები ეგოცენტრიზმს, მიმაჩნია, რომ ადამიანი მოყვასის სიყვარულისა და სხვისი დახმარებისთვისაა გაჩენილი. ბებო მე და ლალის ხშირად გვიმეორებდა: ''სტუმარი რომ მოვა, აუცილებლად გამოუტანეთ ყველა ის კერძი, რაც გაქვთ. თუ ოჯახში საჭმელი არ მოიძებნება, წყალი შესთავაზეთ. იქნებ, სწყუროდეს?"
ჩემს ოჯახში არაჩვეულებრივ ხინკალს აკეთებდნენ, მათი ფუსფუსისას მეც ამიტაცებდა სურვილი და ვერთვებოდი საქმეში. თეატრში რომ მივედი, სოფიკო ჭიაურელმა მკითხა, ხინკლის კეთება თუ იციო, კი-მეთქი, თუმცა დამოუკიდებლად არასდროს გამიკეთებია. მთხოვა, გამასინჯე შენი მომზადებული ხინკალიო. სიტყვებს უკან ხომ არ წავიღებდი? ვცადე და ძალიან გემრიელი გამომივიდა.
- საზღვარგარეთ გასტროლებზე გიწევდათ სიარული. თაყვანისმცემლები გაწუხებდნენ?
- 1977 წელს პარიზში ვიყავი. მეზობელმა სომხების ოჯახში მიმიყვანა. მდიდრები იყვნენ, უზარმაზარი სახლ-კარი ჰქონდათ. მათ ახლობელს მოვეწონე და მთხოვა, ცოლად გავყოლოდი. კატეგორიული უარი განვაცხადე. უსიყვარულოდ გათხოვება არ შემეძლო. ძლიერი ქალი ვარ, თავად შემიძლია ფულის გამომუშავება, ამიტომ ქონებაზე არ გადავრეულვარ. თან შეიძლებოდა, სომხებს საქართველოში აღარასდროს ჩამოვეყვანე. ვერ მივატოვებდი დედას და წინაპრების საფლავებს, მათი ძვლებიც კი მიყვარს!
- ხალხს უყვარხართ. როგორ გაგრძნობინებენ ამას?
- ერთხელ მითხრეს: როგორც სესილიამ გვაჩვენა ბებიის სახე, შენც ისე დაგვანახვე დედამთილის სახეო. ძალიან გამიხარდა ამ სიტყვების მოსმენა. სიამოვნებით გავაგრძელებდი ფილმებში თამაშს.
- რამდენჯერ ყოფილხართ შეყვარებული?
- დავიწყებ იქიდან, რომ შეუძლებელია, ადამიანმა ცხოვრება ისე განვლოს, რომ ერთხელ მაინც არ შეუყვარდეს ვინმე. უსიყვარულოდ ცხოვრობენ ნარცისები ან სოციოპათები. მე სამჯერ მიყვარდა. განა იმიტომ, რომ მამაკაცების ცვლა მიყვარს, უბრალოდ, მეგონა, ჩემს სიყვარულს იმსახურებდნენ. დღევანდელი გადმოსახედიდან ვხვდები, რომ მწარედ შევცდი. ჩემს გრძნობებს ახალგაზრდულ გამოუცდელობას მივაწერ, ემოციებსა და რომანტიკას ვიყავი აყოლილი. სამწუხაროდ თუ სასიხარულოდ, გატაცებასა და ნამდვილ სიყვარულს ერთმანეთისგან მხოლოდ მაშინ არჩევ, როდესაც მამაკაცს წარსულში ტოვებ.
- როგორ ფიქრობთ, ხშირ შემთხვევაში ცოლიანი მამაკაცები რატომ გეტრფოდნენ?
- მე ის პერიოდი გავაცდინე, როდესაც ჩემი თაობის მამაკაცები უცოლონი იყვნენ. ბიჭებს ძმებად აღვიქვამდი და არა კაცებად. მერე გავაცნობიერე, რომ ჩემ ირგვლივ ყველა დაოჯახდა. ჩემი თაყვანისმცემლები ცოლიან კაცებად გადაიქცნენ.
- შეიძლება, მამაკაცს ორი ქალი ერთდროულად უყვარდეს?
- კი. მე ვიცნობ მასეთ კაცებს, თუმცა უფრო ხშირია, როდესაც მამაკაცს ცოლისადმი სიყვარული განელებული აქვს, მაგრამ ოჯახს აფასებს და არ ანგრევს. სამაგიეროდ, მას საყვარელი ჰყავს. არაკანონიერ ურთიერთობას, რა თქმა უნდა, მალავს. თუ საყვარელი ცოლს რეკვასა და ნერვების აშლას არ დაუწყებს, კაცს ღმერთმა შეარგოს მასეთი რომანი. ერთხელ მეგრელს ჰკითხეს, საყვარელი უფრო ტკბილია თუ ცოლიო, მან კი მიუგო, პასუხი სახელწოდებაშიაო.
- როგორია ქალის ცხოვრება მამაკაცის თანადგომის გარეშე?
- მე იმდენად ძლიერი ვარ, რომ კაცის დანაკლისს ვერ ვგრძნობ, ვერც შევეგუებოდი, რომ ვინმეს დირექტივებით მეცხოვრა, ან სხვისი მფარველობის ქვეშ ვყოფილიყავი.
- სიყვარულს რა ანადგურებს?
- ღალატი და ტყუილი. ორივე ძალიან მტკივნეულია. ასეთ დროს თუ თავმოყვარეობა გაქვს, როგორი რთულიც უნდა იყოს, კაცისგან მიდიხარ. ქალებს ვურჩევდი, არ მიეძალონ მამაკაცებს და არ ჩააკვდნენ. მათ ცხოვრებაში სხვა სიყვარულიც მოვა.
- რას აფასებთ კაცში?
- ვაჟკაცობას. სიმხდალეს ვერ ვიტან.
- მნიშვნელოვანი გადაწყვეტილების მიღებისას გონებას უნდა მივენდოთ თუ გულს?
- გონებას. ის უფრო იშვიათად ცდება, ვიდრე გული.
- სიყვარული და კარიერა ერთმანეთს ხელს უშლის?
- ზოგჯერ კი, ზოგჯერ - არა. თუ უშლის, ქალს არჩევანის გაკეთება უწევს, ოჯახი თუ საყვარელი საქმე. პირადად მე იმხელა ბედნიერებას მანიჭებს თვითრეალიზება და დამოუკიდებლობა, რომ სხვაგვარად ცხოვრება ვერც წარმომიდგენია.
- ქორწინებამდე ინტიმური კავშირი დასაშვებია?
- მისასალმებელია ლამაზი ქორწილი და ტკბილი ოჯახის შექმნა, მაგრამ თუ ქალი სიყვარულით ინტიმურ კავშირს დათანხმდა, ეს არ უნდა იყოს მრავალჯერადი. ჯვარს არ უნდა აცვან და ცხოვრება არ უნდა გაუმწარონ.
წყარო: reitingi.ge
- მრავალი სახის სიყვარული არსებობს... ერთ-ერთია პატრიოტიზმი.
- ჩემს ბავშვობაში მოდაში იყო რუსული ენა, ამიტომ მშობლები ცდილობდნენ, რუსულ სკოლებში ეტარებინათ თავიანთი შვილები. 5 წლის ასაკში დედას გამოვუცხადე, რომ ქართველი ვარ და ქართულ სასწავლებელში მინდოდა განათლების მიღება. ყოველთვის მიყვარდა ჩემი სამშობლო და ენა. ცოტა რომ წამოვიზარდე, ვამბობდი, ბევრი შვილი უნდა გავაჩინო და ჩემი ერი გავამრავლო-მეთქი, თუმცა ჩემი ცხოვრება სხვაგვარად წარიმართა... ერთი ქალიშვილი მყავს, მაგრამ ღირსეული.
- დედა და ბებია რას გასწავლიდნენ?
- ხალხის სიყვარულსა და სტუმართმოყვარეობას. მე არ მივესალმები ეგოცენტრიზმს, მიმაჩნია, რომ ადამიანი მოყვასის სიყვარულისა და სხვისი დახმარებისთვისაა გაჩენილი. ბებო მე და ლალის ხშირად გვიმეორებდა: ''სტუმარი რომ მოვა, აუცილებლად გამოუტანეთ ყველა ის კერძი, რაც გაქვთ. თუ ოჯახში საჭმელი არ მოიძებნება, წყალი შესთავაზეთ. იქნებ, სწყუროდეს?"
ჩემს ოჯახში არაჩვეულებრივ ხინკალს აკეთებდნენ, მათი ფუსფუსისას მეც ამიტაცებდა სურვილი და ვერთვებოდი საქმეში. თეატრში რომ მივედი, სოფიკო ჭიაურელმა მკითხა, ხინკლის კეთება თუ იციო, კი-მეთქი, თუმცა დამოუკიდებლად არასდროს გამიკეთებია. მთხოვა, გამასინჯე შენი მომზადებული ხინკალიო. სიტყვებს უკან ხომ არ წავიღებდი? ვცადე და ძალიან გემრიელი გამომივიდა.
- საზღვარგარეთ გასტროლებზე გიწევდათ სიარული. თაყვანისმცემლები გაწუხებდნენ?
- 1977 წელს პარიზში ვიყავი. მეზობელმა სომხების ოჯახში მიმიყვანა. მდიდრები იყვნენ, უზარმაზარი სახლ-კარი ჰქონდათ. მათ ახლობელს მოვეწონე და მთხოვა, ცოლად გავყოლოდი. კატეგორიული უარი განვაცხადე. უსიყვარულოდ გათხოვება არ შემეძლო. ძლიერი ქალი ვარ, თავად შემიძლია ფულის გამომუშავება, ამიტომ ქონებაზე არ გადავრეულვარ. თან შეიძლებოდა, სომხებს საქართველოში აღარასდროს ჩამოვეყვანე. ვერ მივატოვებდი დედას და წინაპრების საფლავებს, მათი ძვლებიც კი მიყვარს!
- ხალხს უყვარხართ. როგორ გაგრძნობინებენ ამას?
- ერთხელ მითხრეს: როგორც სესილიამ გვაჩვენა ბებიის სახე, შენც ისე დაგვანახვე დედამთილის სახეო. ძალიან გამიხარდა ამ სიტყვების მოსმენა. სიამოვნებით გავაგრძელებდი ფილმებში თამაშს.
- რამდენჯერ ყოფილხართ შეყვარებული?
- დავიწყებ იქიდან, რომ შეუძლებელია, ადამიანმა ცხოვრება ისე განვლოს, რომ ერთხელ მაინც არ შეუყვარდეს ვინმე. უსიყვარულოდ ცხოვრობენ ნარცისები ან სოციოპათები. მე სამჯერ მიყვარდა. განა იმიტომ, რომ მამაკაცების ცვლა მიყვარს, უბრალოდ, მეგონა, ჩემს სიყვარულს იმსახურებდნენ. დღევანდელი გადმოსახედიდან ვხვდები, რომ მწარედ შევცდი. ჩემს გრძნობებს ახალგაზრდულ გამოუცდელობას მივაწერ, ემოციებსა და რომანტიკას ვიყავი აყოლილი. სამწუხაროდ თუ სასიხარულოდ, გატაცებასა და ნამდვილ სიყვარულს ერთმანეთისგან მხოლოდ მაშინ არჩევ, როდესაც მამაკაცს წარსულში ტოვებ.
- როგორ ფიქრობთ, ხშირ შემთხვევაში ცოლიანი მამაკაცები რატომ გეტრფოდნენ?
- მე ის პერიოდი გავაცდინე, როდესაც ჩემი თაობის მამაკაცები უცოლონი იყვნენ. ბიჭებს ძმებად აღვიქვამდი და არა კაცებად. მერე გავაცნობიერე, რომ ჩემ ირგვლივ ყველა დაოჯახდა. ჩემი თაყვანისმცემლები ცოლიან კაცებად გადაიქცნენ.
- შეიძლება, მამაკაცს ორი ქალი ერთდროულად უყვარდეს?
- კი. მე ვიცნობ მასეთ კაცებს, თუმცა უფრო ხშირია, როდესაც მამაკაცს ცოლისადმი სიყვარული განელებული აქვს, მაგრამ ოჯახს აფასებს და არ ანგრევს. სამაგიეროდ, მას საყვარელი ჰყავს. არაკანონიერ ურთიერთობას, რა თქმა უნდა, მალავს. თუ საყვარელი ცოლს რეკვასა და ნერვების აშლას არ დაუწყებს, კაცს ღმერთმა შეარგოს მასეთი რომანი. ერთხელ მეგრელს ჰკითხეს, საყვარელი უფრო ტკბილია თუ ცოლიო, მან კი მიუგო, პასუხი სახელწოდებაშიაო.
- როგორია ქალის ცხოვრება მამაკაცის თანადგომის გარეშე?
- მე იმდენად ძლიერი ვარ, რომ კაცის დანაკლისს ვერ ვგრძნობ, ვერც შევეგუებოდი, რომ ვინმეს დირექტივებით მეცხოვრა, ან სხვისი მფარველობის ქვეშ ვყოფილიყავი.
- სიყვარულს რა ანადგურებს?
- ღალატი და ტყუილი. ორივე ძალიან მტკივნეულია. ასეთ დროს თუ თავმოყვარეობა გაქვს, როგორი რთულიც უნდა იყოს, კაცისგან მიდიხარ. ქალებს ვურჩევდი, არ მიეძალონ მამაკაცებს და არ ჩააკვდნენ. მათ ცხოვრებაში სხვა სიყვარულიც მოვა.
- რას აფასებთ კაცში?
- ვაჟკაცობას. სიმხდალეს ვერ ვიტან.
- მნიშვნელოვანი გადაწყვეტილების მიღებისას გონებას უნდა მივენდოთ თუ გულს?
- გონებას. ის უფრო იშვიათად ცდება, ვიდრე გული.
- სიყვარული და კარიერა ერთმანეთს ხელს უშლის?
- ზოგჯერ კი, ზოგჯერ - არა. თუ უშლის, ქალს არჩევანის გაკეთება უწევს, ოჯახი თუ საყვარელი საქმე. პირადად მე იმხელა ბედნიერებას მანიჭებს თვითრეალიზება და დამოუკიდებლობა, რომ სხვაგვარად ცხოვრება ვერც წარმომიდგენია.
- ქორწინებამდე ინტიმური კავშირი დასაშვებია?
- მისასალმებელია ლამაზი ქორწილი და ტკბილი ოჯახის შექმნა, მაგრამ თუ ქალი სიყვარულით ინტიმურ კავშირს დათანხმდა, ეს არ უნდა იყოს მრავალჯერადი. ჯვარს არ უნდა აცვან და ცხოვრება არ უნდა გაუმწარონ.
წყარო: reitingi.ge
