ყველაფერი, რაც ქართული მოდის ინდუსტრიის შესახებ უნდა იცოდეთ - რას წერს მსოფლიოში სახელგანთქმული "VOGUE"

პირველიდან ექვსი მაისის ჩათვლით თბილისში პირველი Mercedes-Benz Fashion Week Tbilisi ჩატარდა. მის გრაფიკში ორგანიზატორმა სოფო ჭყონიამ თავისი პროექტები ჩართო - დამწყები დიზაინერების კონკურსი BeNext და Art Georgia.

ეს ყველაფერი მსოფლიოში სახელგანთქმული, გავლენიანი მოდის ჟურნალის, "VOGUE"-ს სტატიის თემა გახდა.

გთავაზობთ სტატიის ქართულ თარგმანს, რომელშიც გამოცემა წამყვან ქართველ დიზაინერებს აცნობს მკითხველს.


სოფო ჭყონია



ახალგაზრდა დიზაინერების კონკუსების BeNext-ს და Art Georgia-ს დამაარსებელი, დოკუმენტური ფილმების ციკლის "აიკონები და მუზები" ავტორი და მოდის კვირეულის Mercedes-Benz Fashion Week Tbilisi იდეოლოგი. სოფო თბილისსა და პარიზში ცხოვრობს, ბევრს მოგზაურობს და აქტიურადაა დაკავებული ახალგაზრდა ტალანტების გაპიარებით მოდის სამყაროში.

საოცარი სილამაზის და მანერების მქონე ქალი გეგმავს თავის ქვეყანაში მოდის განვითარებას და ამისთვის ძალებს არ იშურებს. მრავალრიცხოვანი სტუმრები ინგლისიდან, იტალიიდან, საფრანგეთიდან და იაპონიიდან - მისი პირადი დამსახურებაა.

ლაკო ბუკია

ახალგაზრდა დიზაინერი თბილისიდან. დამთავრებული აქვს ლონდონის კოლეჯში მოდის ბაკალავრიატი, მაგისტრატურა გაიარა ნიუ-იორკში, დიზაინის სკოლა ”პარსონს”-ში. შექმნილი აქვს რამდენიმე შოუ ლონდონის მოდის კვირეულზე და გახნილი აქვს საკუთარი ბუტიკი თბილისში. მოდის კვირეულზე მან წარმოადგინა კოლექცია ”პორტრეტი” - რამდენიმე სამოსი სახასიათო გრაფიკული პრინტებით.

ნატუკა ქარქაშიძე

ონლაინ მაღაზია N-duo-concept.com-ს მფლობელი, მოდის ბლოგერი, ”სთრითსთაილ” ფოტოგრაფების რჩეული და კრეატიული დირექტორი ბრენდ -DUO Concept-ში.

ბესარიონი


ბესარიონი ქართველი დიზაინერია, რომელიც უკვე ათ წელზე მეტია მოსკოვში ცხოვრობს. ტანსაცმლის ბრენდს, რომელიც 2009 წელს შექმნა, ახასიათებს, როგორც ნარევს ”ფუტურისტულ ავანგარდსა და რენესანსის კლასიკას” შორის. თბილისის მოდის კვირეულზე მან შავ-თეთრში გადაწყვეტილი სამოსი წარმოადგინა.

სიმონ მაჩაბელი

დიზაინერმა და კოსტუმების მხატვარმა სიმონ მაჩაბელმა განათლება ლონდონსა და ედინბურგში მიიღო. მოდის კვირეულზე მან წარმოადგინა ოთხი ერთეულისგან შემგარი კოლექცია ნახევრად მიტოვებულ სივრცეში.

ლალო დოლიძე

ლალო დოლიძე გახლავთ ბრენდ Lalo Cardigans-ს თანადამაარსებელი და ერთ-ერთი ყველაზე კარგი სტილის გრძნობის მქონე გოგონა თბილისში.

თამუნა ინგოროყვა

ერთ-ერთი მთავარი ქართველი დიზაინერი თამუნა ინგოროყვა ქმნის ბურჟუაზიულ და

ელეგანტურ კოლექციებს. იყენებს დეკოლტის ელემენტებს და ფრაქტურულ მატერიებს თავშეკავებულ სტილში. ადგილობრივ გოგონებს ის რომანტიკული საქორწინო კაბების გამო უყვართ, თუმცა თავის კოლექციებში მშვენივრად მუშაობს მასკულინურ ჭრილშიც.

ატელია "კიკალა"

ადგილობრივი პუბლიკის რჩეული ბრენდის დიზაინერი ლადო ბოკუჩავა აგრძელებს ფაქტურებსა და ფერად სამოსზე მუშაობას კიკალა ატელიეს კოლექციებში. პალტო და ჟილეტი, რომელიც აპლიკაციებითაა გაწყობილი და შეკერილია ბეწვის და ტყავისგან, არის კოლექციის მთავარი ჰიტი. აგრეთვე ბეწვის კაბები ასიმეტრიული ქვედა ბოლოებით, ჟაკეტები, ლაქიანი სვიტერები და გამჭირვალე კაბები ოქროსფერი და ვერცხლისფერი აპლიკაციებით.

კონკურსი BeNext

”მე ბევრი სტუდენტური კოლექცია მაქვს ნანახი. ჩრდილოეთის ქვეყნები ძლიერები არიან მინიმალიზმში. სლავებს ყოველთვის ამოიცნობ ფერებით, - ამბობს კონკურსის დასრულების შემდეგ ჯოვანი ოტონელო, მილანური stituto Europeo di Design-ს წარმომადგენელი, - აქ, ყველაზე მეტად აღმოსავლეთის და დასავლეთის ნაზავი მომეწონა. ზოგი კოლექციები საერთოდ ინტერნაციონალურია, ზოგზე გადაჭრით შეიძლება იმის თქმა, თუ სადაურია დიზაინერი”.

ორი დღის შემდეგ ოტონელომ იმპროვიზირებული კონსულტაციების ჟანრში სემინარი გამართა სტუდენტებისთვის. ამითაა კარგი BeNext - ჟიურიში არიან სასწავლო დაწესებულებების წარმომადგენლები, რომლებთანაც პირდაპირი ურთიერთობაა შესაძლებელი. მთავარი ნომინაციების გარდა, არის ბევრი საგზური და სტიპენდიები მილანურ Istituto Marangoni, IED, Haute Future Fashion Academy, Domus Academy და პარიზულ L'Ecole-ში.