თენგიზ ჩარკვიანი უცხოელი ვარსკვლავებისთვის ფეხსაცმელებს ქმნის
1 629 ნახვა
ლონდონში მოღვაწე 33 წლის დიზაინერი თენგიზ ჩარკვიანი დღეს უმთავრესად ქალის ფეხსაცმლის დიზაინს ქმნის და სამომავლოდ მამაკაცის ხაზზე მუშაობაც აქვს დაგეგმილი.
მას საკმაოდ კარგი სკოლა აქვს გავლილი ისეთ შესანიშნავ დიზაინერთან, როგორიც იყო ალექსანდრ მაქქუინი. მასთან მუშაობის შესაძლებლობის გამო ვივიენ ვესტვუდთან თანამშრომლობაზე უარი თქვა. რამდენიმე დღით თბილისში ჩამოსულ დიზაინერთან ''რეიტინგს'' ექსკლუზიური ინტერვიუს ჩაწერის საშუალება მიეცა...
- თბილისში დავიბადე და გავიზარდე. ბავშვობიდან ვხატავდი, თუმცა ამას ყურადღებას არ აქცევდნენ. სამხატვრო აკადემიაში ჩაბარება მინდოდა, მაგრამ ოჯახმა უცხო ენები მირჩია. მეორე კურსი დავხურე თუ არა, მივხვდი, რომ ეს პროფესია არ მიზიდავდა და დედასთან შეთანხმებით, ინგლისში ენის შესასწავლად გავემგზავრე. იქ დედას მეგობრები ცხოვრობდნენ და მათთან რამდენიმე თვით წავედი, მაგრამ აღარ დავბრუნებულვარ. ორი წელი ენას ვსწავლობდი, შემდეგ ხელოვნების კურსი გავიარე. ამას მოჰყვა ლონდონის ხელოვნების უნივერსიტეტში სწავლა ხუთწლიანი პროგრამით, აქედან ერთი ტანსაცმლის შექმნას ითვალისწინებდა, ხოლო დანარჩენი ოთხი წელი - ფეხსაცმლის დიზაინის. თავიდან ადაპტაცია გამიჭირდა, მეგონა, ინგლისური ვიცოდი, თუმცა ენის კურსის გავლის შემდეგ მივეჩიე იქაურობას და დავრჩი. 19 წლიდან დღემდე თბილისში რამდენიმე დღით, სულ ორჯერ ვარ ჩამოსული.
- როგორია თქვენი ჩაცმის სტილი? როგორ იცვამენ ყოველდღიურად ლონდონში და პირველი რა გხვდებათ თვალში თბილისში ჩამოსულს?
- მგონია, რომ მოდა სწრაფი ტემპით იცვლება. თუ ერთ სეზონზე ერთი ფერი იყო მოდაში და მეორეზე - სხვა, დღეს ასე აღარ არის. ლონდონში დიზაინერების ნებისმიერ ჩვენებაზე ერთი კონკრეტული ფერი არ დომინირებს. ეს ერთგვარი გათვლაა, რომ მეტი ადამიანი დაინტერესდეს ამა თუ იმ დიზაინერის პროდუქციით.
რაც შეეხება ჩემს სტილს, არ ვიცი, ის რამდენად მაქვს. უფრო სწორად, მე სტილის არ მჯერა და ვფიქრობ, რომ არ აქვს მნიშვნელობა, რა გაცვია, მთავარია, სამოსს როგორ ირგებ და წარმოაჩენ. თბილისში ჩაცმასთან დაკავშირებით რაღაც დაუწერელი და ცოტა არ იყოს, ჩემთვის გაუგებარი მიდგომაა. აქ კაცმა არ შეიძლება, განსხვავებული ფერის სამოსი ატაროს. თბილისში ფერადი ტანსაცმლით რომ ჩამოვდიოდი, თავიდან, ქუჩაში ყველა მიყურებდა. უცხოპლანეტელივით მაშტერდებოდნენ და ამიტომ ახლა უკვე სულ შავებში ჩაცმული დავდივარ. ახლაც თბილისურად მაცვია, რომ ზედმეტი ყურადღება არ მივიპყრო. რაც შეეხება თბილისელი ქალების ყოველდღიურ ჩაცმულობას, განსხვავებულად ჩაცმული და
საკუთარი სტილის ადამიანი იშვიათად მინახავს. შეიძლება, მიზეზი ის იყოს, რომ მრავალფეროვანი პროდუქცია არ შემოდის, ზუსტი შეფასება გამიჭირდება.
- სულ მაღალქუსლიანი ფეხსაცმლის ნიმუშები გაქვთ. რას ქმნიდით თავიდან და დღემდე რა ცვლილება განიცადა თქვენმა დიზაინმა?
- ფეხსაცმლის დიზაინის შექმნა ყოველთვის განსაკუთრებით მომწონდა. მინდოდა, ის არა მხოლოდ ყოველდღიური ფეხსაცმელი ყოფილიყო, არამედ ერთგვარი ხელოვნების ნიმუში, რომე-ლიც მაღაზიაში ვიტრინაზე დაიდებოდა. მისი მორგება შესაძლებელი იქნებოდა, მაგრამ აბსტრაქტული ხასიათის გამო, ბევრი მის ტარებას ვერ გაბედავდა. ჯერ ამ მიმართულებით ვმუშაობდი და შემდეგ უკვე ყოველდღიური ფეხსაცმლის შექმნაზე გადავინაცვლე. ვფიქრობ, ქუსლი ამაღლებს და ალამაზებს ქალის ფიგურას. ვისაც ქუსლიანი ფეხსაცმელი აცვია, უფრო ამაყად დადის. ყველაზე მაღალი 13სანტიმეტრიანი ფეხსაცმელი გამიკეთებია, წინ ''პლატფორმის'' გარეშე. სამკუთხედი ცხვირი დღეს ისევ აქტუალურია.
დღეს ლონდონში ჩემი სახლის ყველა კუთხე ფეხსაცმლითაა სავსე, მაგრამ მათ შორის ჩემი არც ერთი არ არის. რაც შეეხება სამოსს, დიდი ხანია, ამ კუთხით არ მიმუშავია. შეკვეთით მაქვს შექმნილი რამდენიმე არაყოველდღიური კოსტიუმი, მათ შორის არის ერთი ბიონსესა და ლედი გაგასთვის შეკერილი რამდენიმე კაბა, თუმცა დღეს ამ კუთხით არ ვმუშაობ.
- თანამშრომლობთ დიზაინერებთან, რომელთა კოლექციებთან ერთად თქვენი შექმნილი ფეხსაცმლის წარდგენა ხდება...
- დიახ. ჯერ არ მქონდა უნივერსიტეტი დამთავრებული, როცა ფეხსაცმლის დიზაინის შექმნაზე კონკურსი გამოცხადდა. მონაწილეობა მივიღე და ფინალისტი გავხდი. რამდენიმე დიდმა გამოცემამ, რომელთა შორის არის ''ვოგი'', ჩემზე სპეციალური სტატიები დაწერა. ამან ცნობილი ხალხი და დიზაინერები დააინტერესა. ერთი წელი ვმუშაობდი ალექსანდრ მაქქუინთან. მანამდე ერთ დღეს მქონდა შეხვედრა-გასაუბრება ვივიენ ვესტვუდისა და ალექსანდრე მაქქუინის სახლის დიზაინერებთან. თან წაღებული მქონდა პორტფოლიო, სადაც ჩემი დიზაინით შექმნილი ფეხსაცმელები იყო წარმოდგენილი. ამ შეხვედრის შემდეგ ორივემ თანხმობა განაცხადა ჩემს მიღებაზე, მაგრამ მე მაქქუინი ვარჩიე. მაქქუინთან მუშაობის განმავლობაში მაძლევდნენ თემას, რომლის მიხედვითაც ვქმნიდი ესკიზს, შემდეგ უკვე იხატებოდა და იჭრებოდა თარგი, რის მი-ხედვითაც იქმნებოდა კოსტიუმი. მაქქუინი იშვიათად მოდიოდა, ძირითადად, შოუების წინ. ის წინასწარ გვიგზავნიდა თავისი ესკიზებით სავსე დიდ ფაილს, რომლის განვითარებას ჩვენ ვახდენდით და მთელ კოლექციას ვხატავდით. ყველაფერს სარა ბარტონი ხელმძღვანელობდა. მოგეხსენებათ, მაქქუინმა დედის გარდაცვალება ვერ გადაიტანა და დეპრესიის ნიადაგზე თავი მოიკლა. ახლა მაქქუინის სახლს სათავეში სარა ბარტონი უდგას, ის პირველივე დღიდან მუშაობდა ამ დიზაინერთან.
დღესდღეობით ყოველ სეზონზე ვთანამშრომლობ სამოთხ დიზაინერთან. როცა კოლექციას ქმნიან, მიგზავნიან სამოსის ესკიზებს, მათთან შეთანხმებით ვხატავ ფეხსაცმლის დიზაინს, შემდეგ უკვე ერთად ვსხდებით და დეტალებს ვაზუსტებთ. რასაკვირველია, მათ აქვთ საკუთარი აზრის გამოთქმის საშუალება და თუ რამეს ცვლილება სურთ, ხელახლა ვამუშავებ ჩემს ესკიზს.
- საქართველოში თუ იცნობენ ამ დიზაინერებს?
- ერთერთი ასეთი ჯულიენ მაკდონალდია, რომელიც ერთხანს ''ჟივანშის'' მთავარი დიზაინერი გახლდათ და მასთან მეოთხე წელია ვთანამშრომლობ. ასევე ვმუშაობ დიზაინერ თომას ტოდთან, რომელიც ინგლისში საუკეთესო ახალგაზრდა დიზაინერად დაასახელეს.
- ჩვენებების შემდეგ ფეხსაცმელი სად იყიდება?
- ორი აგენტი მყავს, გაყიდვებისა და პიარის მიმართულებით. პიარის აგენტის დახმარებით ჩემი ფეხსაცმელი მოდის სხვადასხვა ჟურნალში ხვდება და ცნობილი ხალხი ატარებს, ხოლო გაყიდვების აგენტი პროდუქციის მაღაზიებში განაწილების საკითხს აგვარებს.
- ჩამოვთვალოთ ის ადამიანები, რომელთაც სხვადასხვა დროს მოირგეს თქვენი ფეხსაცმელი.
- არ ვიცი, რამდენად არიან საქართველოში ცნობილები, თუმცა, ესენი არიან მომღერლები: ელი გულდინგი, ელიზა დულიტლი, დაიან ჯეზ ფლამერი, ნიკოლ შერზინგერი - ''ფუსი ქეთ დოლზის'' ერთერთ წევრი; მსახიობი ნატალი დორმერი (''სამეფო კარის თამაშებიდან''), კაია სკოლარიო, რომელიც ''კარიბის ზღვის მეკობრეების'' მეხუთე ნაწილში მონაწილეობს და სხვა.
წყარო: reitingi.ge
მას საკმაოდ კარგი სკოლა აქვს გავლილი ისეთ შესანიშნავ დიზაინერთან, როგორიც იყო ალექსანდრ მაქქუინი. მასთან მუშაობის შესაძლებლობის გამო ვივიენ ვესტვუდთან თანამშრომლობაზე უარი თქვა. რამდენიმე დღით თბილისში ჩამოსულ დიზაინერთან ''რეიტინგს'' ექსკლუზიური ინტერვიუს ჩაწერის საშუალება მიეცა...
- თბილისში დავიბადე და გავიზარდე. ბავშვობიდან ვხატავდი, თუმცა ამას ყურადღებას არ აქცევდნენ. სამხატვრო აკადემიაში ჩაბარება მინდოდა, მაგრამ ოჯახმა უცხო ენები მირჩია. მეორე კურსი დავხურე თუ არა, მივხვდი, რომ ეს პროფესია არ მიზიდავდა და დედასთან შეთანხმებით, ინგლისში ენის შესასწავლად გავემგზავრე. იქ დედას მეგობრები ცხოვრობდნენ და მათთან რამდენიმე თვით წავედი, მაგრამ აღარ დავბრუნებულვარ. ორი წელი ენას ვსწავლობდი, შემდეგ ხელოვნების კურსი გავიარე. ამას მოჰყვა ლონდონის ხელოვნების უნივერსიტეტში სწავლა ხუთწლიანი პროგრამით, აქედან ერთი ტანსაცმლის შექმნას ითვალისწინებდა, ხოლო დანარჩენი ოთხი წელი - ფეხსაცმლის დიზაინის. თავიდან ადაპტაცია გამიჭირდა, მეგონა, ინგლისური ვიცოდი, თუმცა ენის კურსის გავლის შემდეგ მივეჩიე იქაურობას და დავრჩი. 19 წლიდან დღემდე თბილისში რამდენიმე დღით, სულ ორჯერ ვარ ჩამოსული.
- როგორია თქვენი ჩაცმის სტილი? როგორ იცვამენ ყოველდღიურად ლონდონში და პირველი რა გხვდებათ თვალში თბილისში ჩამოსულს?
- მგონია, რომ მოდა სწრაფი ტემპით იცვლება. თუ ერთ სეზონზე ერთი ფერი იყო მოდაში და მეორეზე - სხვა, დღეს ასე აღარ არის. ლონდონში დიზაინერების ნებისმიერ ჩვენებაზე ერთი კონკრეტული ფერი არ დომინირებს. ეს ერთგვარი გათვლაა, რომ მეტი ადამიანი დაინტერესდეს ამა თუ იმ დიზაინერის პროდუქციით.
რაც შეეხება ჩემს სტილს, არ ვიცი, ის რამდენად მაქვს. უფრო სწორად, მე სტილის არ მჯერა და ვფიქრობ, რომ არ აქვს მნიშვნელობა, რა გაცვია, მთავარია, სამოსს როგორ ირგებ და წარმოაჩენ. თბილისში ჩაცმასთან დაკავშირებით რაღაც დაუწერელი და ცოტა არ იყოს, ჩემთვის გაუგებარი მიდგომაა. აქ კაცმა არ შეიძლება, განსხვავებული ფერის სამოსი ატაროს. თბილისში ფერადი ტანსაცმლით რომ ჩამოვდიოდი, თავიდან, ქუჩაში ყველა მიყურებდა. უცხოპლანეტელივით მაშტერდებოდნენ და ამიტომ ახლა უკვე სულ შავებში ჩაცმული დავდივარ. ახლაც თბილისურად მაცვია, რომ ზედმეტი ყურადღება არ მივიპყრო. რაც შეეხება თბილისელი ქალების ყოველდღიურ ჩაცმულობას, განსხვავებულად ჩაცმული და
საკუთარი სტილის ადამიანი იშვიათად მინახავს. შეიძლება, მიზეზი ის იყოს, რომ მრავალფეროვანი პროდუქცია არ შემოდის, ზუსტი შეფასება გამიჭირდება.
- სულ მაღალქუსლიანი ფეხსაცმლის ნიმუშები გაქვთ. რას ქმნიდით თავიდან და დღემდე რა ცვლილება განიცადა თქვენმა დიზაინმა?
- ფეხსაცმლის დიზაინის შექმნა ყოველთვის განსაკუთრებით მომწონდა. მინდოდა, ის არა მხოლოდ ყოველდღიური ფეხსაცმელი ყოფილიყო, არამედ ერთგვარი ხელოვნების ნიმუში, რომე-ლიც მაღაზიაში ვიტრინაზე დაიდებოდა. მისი მორგება შესაძლებელი იქნებოდა, მაგრამ აბსტრაქტული ხასიათის გამო, ბევრი მის ტარებას ვერ გაბედავდა. ჯერ ამ მიმართულებით ვმუშაობდი და შემდეგ უკვე ყოველდღიური ფეხსაცმლის შექმნაზე გადავინაცვლე. ვფიქრობ, ქუსლი ამაღლებს და ალამაზებს ქალის ფიგურას. ვისაც ქუსლიანი ფეხსაცმელი აცვია, უფრო ამაყად დადის. ყველაზე მაღალი 13სანტიმეტრიანი ფეხსაცმელი გამიკეთებია, წინ ''პლატფორმის'' გარეშე. სამკუთხედი ცხვირი დღეს ისევ აქტუალურია.
დღეს ლონდონში ჩემი სახლის ყველა კუთხე ფეხსაცმლითაა სავსე, მაგრამ მათ შორის ჩემი არც ერთი არ არის. რაც შეეხება სამოსს, დიდი ხანია, ამ კუთხით არ მიმუშავია. შეკვეთით მაქვს შექმნილი რამდენიმე არაყოველდღიური კოსტიუმი, მათ შორის არის ერთი ბიონსესა და ლედი გაგასთვის შეკერილი რამდენიმე კაბა, თუმცა დღეს ამ კუთხით არ ვმუშაობ.
- თანამშრომლობთ დიზაინერებთან, რომელთა კოლექციებთან ერთად თქვენი შექმნილი ფეხსაცმლის წარდგენა ხდება...
- დიახ. ჯერ არ მქონდა უნივერსიტეტი დამთავრებული, როცა ფეხსაცმლის დიზაინის შექმნაზე კონკურსი გამოცხადდა. მონაწილეობა მივიღე და ფინალისტი გავხდი. რამდენიმე დიდმა გამოცემამ, რომელთა შორის არის ''ვოგი'', ჩემზე სპეციალური სტატიები დაწერა. ამან ცნობილი ხალხი და დიზაინერები დააინტერესა. ერთი წელი ვმუშაობდი ალექსანდრ მაქქუინთან. მანამდე ერთ დღეს მქონდა შეხვედრა-გასაუბრება ვივიენ ვესტვუდისა და ალექსანდრე მაქქუინის სახლის დიზაინერებთან. თან წაღებული მქონდა პორტფოლიო, სადაც ჩემი დიზაინით შექმნილი ფეხსაცმელები იყო წარმოდგენილი. ამ შეხვედრის შემდეგ ორივემ თანხმობა განაცხადა ჩემს მიღებაზე, მაგრამ მე მაქქუინი ვარჩიე. მაქქუინთან მუშაობის განმავლობაში მაძლევდნენ თემას, რომლის მიხედვითაც ვქმნიდი ესკიზს, შემდეგ უკვე იხატებოდა და იჭრებოდა თარგი, რის მი-ხედვითაც იქმნებოდა კოსტიუმი. მაქქუინი იშვიათად მოდიოდა, ძირითადად, შოუების წინ. ის წინასწარ გვიგზავნიდა თავისი ესკიზებით სავსე დიდ ფაილს, რომლის განვითარებას ჩვენ ვახდენდით და მთელ კოლექციას ვხატავდით. ყველაფერს სარა ბარტონი ხელმძღვანელობდა. მოგეხსენებათ, მაქქუინმა დედის გარდაცვალება ვერ გადაიტანა და დეპრესიის ნიადაგზე თავი მოიკლა. ახლა მაქქუინის სახლს სათავეში სარა ბარტონი უდგას, ის პირველივე დღიდან მუშაობდა ამ დიზაინერთან.
დღესდღეობით ყოველ სეზონზე ვთანამშრომლობ სამოთხ დიზაინერთან. როცა კოლექციას ქმნიან, მიგზავნიან სამოსის ესკიზებს, მათთან შეთანხმებით ვხატავ ფეხსაცმლის დიზაინს, შემდეგ უკვე ერთად ვსხდებით და დეტალებს ვაზუსტებთ. რასაკვირველია, მათ აქვთ საკუთარი აზრის გამოთქმის საშუალება და თუ რამეს ცვლილება სურთ, ხელახლა ვამუშავებ ჩემს ესკიზს.
- საქართველოში თუ იცნობენ ამ დიზაინერებს?
- ერთერთი ასეთი ჯულიენ მაკდონალდია, რომელიც ერთხანს ''ჟივანშის'' მთავარი დიზაინერი გახლდათ და მასთან მეოთხე წელია ვთანამშრომლობ. ასევე ვმუშაობ დიზაინერ თომას ტოდთან, რომელიც ინგლისში საუკეთესო ახალგაზრდა დიზაინერად დაასახელეს.
- ჩვენებების შემდეგ ფეხსაცმელი სად იყიდება?
- ორი აგენტი მყავს, გაყიდვებისა და პიარის მიმართულებით. პიარის აგენტის დახმარებით ჩემი ფეხსაცმელი მოდის სხვადასხვა ჟურნალში ხვდება და ცნობილი ხალხი ატარებს, ხოლო გაყიდვების აგენტი პროდუქციის მაღაზიებში განაწილების საკითხს აგვარებს.
- ჩამოვთვალოთ ის ადამიანები, რომელთაც სხვადასხვა დროს მოირგეს თქვენი ფეხსაცმელი.
- არ ვიცი, რამდენად არიან საქართველოში ცნობილები, თუმცა, ესენი არიან მომღერლები: ელი გულდინგი, ელიზა დულიტლი, დაიან ჯეზ ფლამერი, ნიკოლ შერზინგერი - ''ფუსი ქეთ დოლზის'' ერთერთ წევრი; მსახიობი ნატალი დორმერი (''სამეფო კარის თამაშებიდან''), კაია სკოლარიო, რომელიც ''კარიბის ზღვის მეკობრეების'' მეხუთე ნაწილში მონაწილეობს და სხვა.
წყარო: reitingi.ge
