ქეთი ჰოლმსი ტომ კრუზს შვილის გამო შორდება

როგორც ცნობილი გახდა, ქეთი ჰოლმსისა და ტომ კრუზის ურთიერთობის გაუარესების მიზეზი საიენტოლოგია გახდა. ეს ფილოსოფია ეფუძნება სწავლებას, რომლის მიხედვითაც, ადამიანები უკვდავი არსებები არიან, რომელთაც თავიანთი არსებობის ჭეშმარიტი მნიშვნელობა დაკარგეს. 

ტომ კრუზი სწორედ ამ ფილოსოფიის მიმდევარია, რამაც ქეთი ბოლო დროს სერიოზულად შეაშფოთა.

ქეთის შიშის მთავარი მიზეზი კი ის გახდა, რომ ტომს გადაწყვეტილი ჰქონდა მათი ექვსი წლის გოგონას, სურის დახურულ საიენტოლოგიურ სკოლაში მიბარება. 

მსგავს სასწავლო დაწესებულებებში ბავშვები სწავლობენ და ცხოვრობენ მშობლებისგან დამოუკიდებლად. ჰოლმსს ეშინია შვილის გამო და ამიტომაც ის არა მარტო განქორწინებას ითხოვს, არამედ ტომისთვის მამობის უფლების ჩამორთმევასაც. 

ასე რომ, ამ ჰოლივუდური წყვილის განქორწინება ნელ-ნელა სკანდალის მასშტაბებს იძენს. ვნახოთ, როგორ განვითარდება მოვლენები.