ზურა კობეშავიძეს შვილისთვის მილიონერი გოგონა უნდა
1 549 ნახვა
ზურა კობეშავიძემ საკმაოდ საინტერესო საესტრადო ცხოვრება განვლო, მისი შვილი დიმა კი ახლა დგამს ნაბიჯებს მუსიკალურ სფეროში. მამისთვის არ უკითხავს, ისე გავიდა რამდენიმე კონკურსზე, ''X ფაქტორში'' კასტინგზეც მის გარეშე გამოცხადდა, შემდეგ ჯერზე კი მამა მის საგულშემატკივროდ მივიდა.
- ბატონო ზურა, გინდოდათ თქვენი შვილისთვის მომღერლის კარიერა?
- ბავშვობიდან სიმღერის დიდი სურვილი ჰქონდა, ჩვენ დაუკითხავად წავიდა ყველგან, მათ შორის, 16 წლის გახლდათ, როდესაც ''ჯეოსტარის'' კასტინგში მიიღო მონაწილეობა, მარინა ბერიძე გახლდათ ჟიურიში მაშინ, მაგრამ არ შეარჩიეს. პირველ ''ვოისშიც'', სადაც მისი ნათლია მერაბ სეფაშვილი იყო ჟიურის წევრი, რაღაც ეტაპი გაიარა, მაგრამ ვერ გავიდა, შემდეგ ''საქართველოს ვარსკვლავზეც'' იყო, უთხრეს, რა კარგად მღერიო, მაგრამ იქაც არ მიიწვიეს, ძალიან დასწყდა გული…, შევატყვე, რომ ელოდებოდა. გულის სიღრმეში მეც მწყდებოდა გული.
რაც შეეხება თქვენს კითხვას, მინდოდა თუ არა, დიმა მომღერალი ყოფილიყო, მეც არ მიკითხავს მამისთვის. ''სუხიშვილების'' ანსამბლი დავტოვე და ესტრადაზე გადავინაცვლე, რადგან ამის ძალიან დიდი სურვილი მქონდა. მე კი მინდა, რომ კარგი ექიმი გამოვიდეს და ეს გზაც აქვს არჩეული, მაგრამ მისი გადასაწყვეტია. სამედიცინო ფაკულტეტს წელს ამთავრებს.
დიმა:
- ცხოვრებაში არ მითხოვია ზურასთვის, სადმე დამეხმარე-მეთქი. მქონდა კომპლექსი, არ ეთქვათ, ზურას შვილია და ამის გამო გაიყვანეს კონკურსზეო. მინდოდა, ისე მემღერა, რომ ხალხისთვის არ მიმეცა ამის თქმის საშუალება, ამიტომაც არ ვეუბნებოდი, როცა კონკურსზე გავდიოდი და ასევე მისი ხასიათის გამო, რომ არ ენერვიულა, ცოტა ფიცხი ადამიანია.
- დიმა, ექიმობა თუ მომღერლობა?
- საქართველოში ეს სფერო მაღალ დონეზე რომ იყოს, შენი თავისა და სხვისი გამოკვების შესაძლებლობას რომ გაძლევდეს, სხვა პროფესიაზე არ ვიფიქრებდი, მაგრამ მაინც გადავწყვიტე, სხვა პროფესია მქონოდა. ექიმობა სულაც არ უშლის ხელს სიმღერას.
- ბატონო ზურა, ''X ფაქტორზეც'' თქვენ დაუკითხავად წავიდა?
- დიახ, შემდეგ გავიგე, როდესაც პროდიუსერებმა სთხოვეს, პირველ გამოსვლას მეც დავსწრებოდი. მართალი გითხრათ, არ მინდოდა, რადგან თავადაც ვკომპლექსდებოდი, როდესაც ჩემს კონცერტს ოჯახის რომელიმე წევრი ესწრებოდა, ისე ვნერვიულობდი, ხან გიტარის სიმი მიწყდებოდა, ხან რა მემართებოდა და ხან - რა. ჩემი ოჯახის წევრები ყველაზე მკაცრი კრიტიკოსები არიან.
- თქვენ ხართ თქვენი შვილის კრიტიკოსი?
- ისეთ თამაშში ჩაერთო, რომ არ გავაკრიტიკო, არ შეიძლება. დიმას, რომ ვუკვირდები, ძალიან მაგარი ვოკალური მონაცემები აქვს, შესრულების ტექნიკაც წინ წასწია. კონკურსზე ყველაფერს აქვს მნიშვნელობა, როგორი განწყობა გექნება ემოციურად, როგორ ფორმაში გექნება ხმა. მგონი, დღევანდლამდე ყველაფერი ნორმალურად არის. მაქვს შენიშვნები, მაგრამ ძირითადად, ყველაფერი ხუთიანზე შეასრულა. ბოლო გამოსვლა განსაკუთრებით მომეწონა.
- დიმა, მამის გარდა, კიდევ ვის აზრს აქვს შენთვის მნიშვნელობა.
- დედაჩემის, რომელიც ჩემი ვოკალის პედაგოგია. მასთან ერთად ვამუშავებ კონკრეტულ ფრაზებს, შემდეგ მამა გამზადებულს უსმენს და თავის შენიშვნებს მეუბნება, ხშირად ვკამათობთ.
- ალბათ, განსხვავებული მუსიკალური გემოვნება გაქვთ.
- დიახ, ასეა, მაგრამ რაზეც გამზარდეს, რეი ჩარლზის, სტივ ვანდერის მუსიკა ძალიან მიყვარს, თუმცა ჩვენი მშობლები ამაზე დარჩნენ, ახლის მიღება კი არ სურთ. თუკი მუსიკოსები არიან, მით უმეტეს.
ზურა:
- ხანდახან ისეთ სიმღერას უსმენს, ვეკითხები, ეს მუსიკა სად შეაკერინე-მეთქი (იცინიან). თუმცა მერე ჩემს თავს წარმოვიდგენ, როცა ახალგაზრდობისას ვუსმენდით ''ლედ ზეპელინს'', ''ბლექ საბატს'', ''დიფ ფარფლს'', მშობლები გვეუბნებოდნენ, დაუწიეთო, ხმა მთელ ვაკის პარკს ესმოდა (იღიმის). მე მაინც ვფიქრობ, რომ ჩვენი პერიოდის მუსიკა უფრო მდიდრული და სავსე იყო. რა ვქნა, ჩემში იმდენად არიან ვირტუოზი მუსიკოსები, მაგალითად, ჯორჯ ბენსონი, რომ სხვები ''კუკლებივით'' ჩანან.
- კიდევ არის რაიმე თემა, რაზეც კამათობთ?
- გვიანობამდე არ უყვარს შინ მოსვლა, ღამის ხუთ საათამდე. დედამისი მეუბნება, აცალე ცხოვრებაო. მერე დავფიქრდები ხოლმე, მეც ხომ გვიანობამდე ვიყავი გარეთ-მეთქი.
- დიმა, ''X ფაქტორში'' შენი მენტორი გიორგი გაბუნიაა. როგორ შეაფასებ მას, როგორც მენტორს?
- ჩემი მენტორისგან რასაც ველოდი, იმას უკვე გადააჭარბა. რაც უკვე გააკეთა, მეტს რაღას უნდა ველოდე? როგორიც მეგონა, ისეთი პიროვნება არ აღმოჩნდა. ცოტა გვეშინოდა მისი. ძალიან გამგები ადამიანია. არც ერთ რეპეტიციას არ აცდენს, სამსახურიდან გადმოდის, გვისმენს, ვოკალის პედაგოგები გვყავს და ამ მხრივ შენიშვნებს არ გვაძლევს, თუკი გამოთქმა არ მოეწონა, გვისწორებს ხოლმე. ძალიან დაუზარელია. როცა გვშია, საჭმლის მოტანაც შეუძლია.
''X ფაქტორისგან'' საკუთარი თავის განვითარებას ველოდები. პირველ კასტინგზე საკუთარ თავში ასე დარწმუნებული არ ვყოფილვარ, ჩემთვის დავდიოდი სცენაზე და მენტორებმა ამის გამო შენიშვნაც მომცეს, დღეს კი შინაგანად თავს უფრო კომფორტულად ვგრძნობ. ამ პროექტს პოპულარობა მოაქვს და ესეც ძალიან სასიამოვნოა.
- თაყვანისმცემლები შეიძინე? ბატონ ზურას აუცილებლად ვკითხავ, რას ფიქრობს შენს დაოჯახებაზე?
- 23 წლის ვარ და ჯერ დაოჯახებაზე არ ვფიქრობ. როცა საკუთარი თავისა და სხვისი რჩენის საშუალება მექნება, მერე შევქმნი ოჯახს. ზუსტად უნდა ვიცოდე, რომ ოჯახი ფინანსურად უზრუნველყოფილი მეყოლება. ახლა კონკრეტული ინტერესის ობიექტი არ მყავს. თაყვანისმცემლები ''ფეისბუქზე'' მიმატებენ და როცა მწერენ, აუცილებლად ვპასუხობ, რადგან უპასუხოდ არავის დატოვება არ მიყვარს.
- ბატონო ზურა, როგორი გოგონა გინდათ შვილისთვის?
- მე გიპასუხებთ, მამას ჩემთვის მილიონერი გოგონა უნდა (იცინიან).
ზურა:
- რა თქმა უნდა, მატერიალურად უზრუნველყოფილი გოგონა კარგია, მაგრამ დიმას საფიქრალია. ღმერთმა ნორმალური ადამიანი შეახვედროს, ვისთანაც ჭეშმარიტი სიყვარული და-აკავშირებს. რაც შეეხება დაოჯახებას, 33 წლის გახლდით, როცა ცოლი მოვიყვანე. ხელოვანმა ადამიანმა ახალგაზრდა ასაკში ცოლი არ უნდა მოიყვანოს. გასტროლებზე სიარული და შინ მეუღლე არ გამოდის. ასე რომ, დიმამ ჯერ უნდა მოილიოს კონცერტები, იმეგობროს გოგონებთან, დრო ატაროს, ''იგულაოს'' კარგად, ჰქონდეს კარგი დამოკიდებულება, ჰყავდეს მეგობრები, დაოჯახებას კი თავისი დრო აქვს, თუმცა დიმამ რომ თქვა, მილიონერი გოგონა უნდა რძლადო, რა თქმა უნდა, არ დავიწუნებდი (იცინის).
წყარო: reitingi.ge
- ბატონო ზურა, გინდოდათ თქვენი შვილისთვის მომღერლის კარიერა?
- ბავშვობიდან სიმღერის დიდი სურვილი ჰქონდა, ჩვენ დაუკითხავად წავიდა ყველგან, მათ შორის, 16 წლის გახლდათ, როდესაც ''ჯეოსტარის'' კასტინგში მიიღო მონაწილეობა, მარინა ბერიძე გახლდათ ჟიურიში მაშინ, მაგრამ არ შეარჩიეს. პირველ ''ვოისშიც'', სადაც მისი ნათლია მერაბ სეფაშვილი იყო ჟიურის წევრი, რაღაც ეტაპი გაიარა, მაგრამ ვერ გავიდა, შემდეგ ''საქართველოს ვარსკვლავზეც'' იყო, უთხრეს, რა კარგად მღერიო, მაგრამ იქაც არ მიიწვიეს, ძალიან დასწყდა გული…, შევატყვე, რომ ელოდებოდა. გულის სიღრმეში მეც მწყდებოდა გული.
რაც შეეხება თქვენს კითხვას, მინდოდა თუ არა, დიმა მომღერალი ყოფილიყო, მეც არ მიკითხავს მამისთვის. ''სუხიშვილების'' ანსამბლი დავტოვე და ესტრადაზე გადავინაცვლე, რადგან ამის ძალიან დიდი სურვილი მქონდა. მე კი მინდა, რომ კარგი ექიმი გამოვიდეს და ეს გზაც აქვს არჩეული, მაგრამ მისი გადასაწყვეტია. სამედიცინო ფაკულტეტს წელს ამთავრებს.
დიმა:
- ცხოვრებაში არ მითხოვია ზურასთვის, სადმე დამეხმარე-მეთქი. მქონდა კომპლექსი, არ ეთქვათ, ზურას შვილია და ამის გამო გაიყვანეს კონკურსზეო. მინდოდა, ისე მემღერა, რომ ხალხისთვის არ მიმეცა ამის თქმის საშუალება, ამიტომაც არ ვეუბნებოდი, როცა კონკურსზე გავდიოდი და ასევე მისი ხასიათის გამო, რომ არ ენერვიულა, ცოტა ფიცხი ადამიანია.
- დიმა, ექიმობა თუ მომღერლობა?
- საქართველოში ეს სფერო მაღალ დონეზე რომ იყოს, შენი თავისა და სხვისი გამოკვების შესაძლებლობას რომ გაძლევდეს, სხვა პროფესიაზე არ ვიფიქრებდი, მაგრამ მაინც გადავწყვიტე, სხვა პროფესია მქონოდა. ექიმობა სულაც არ უშლის ხელს სიმღერას.
- ბატონო ზურა, ''X ფაქტორზეც'' თქვენ დაუკითხავად წავიდა?
- დიახ, შემდეგ გავიგე, როდესაც პროდიუსერებმა სთხოვეს, პირველ გამოსვლას მეც დავსწრებოდი. მართალი გითხრათ, არ მინდოდა, რადგან თავადაც ვკომპლექსდებოდი, როდესაც ჩემს კონცერტს ოჯახის რომელიმე წევრი ესწრებოდა, ისე ვნერვიულობდი, ხან გიტარის სიმი მიწყდებოდა, ხან რა მემართებოდა და ხან - რა. ჩემი ოჯახის წევრები ყველაზე მკაცრი კრიტიკოსები არიან.
- თქვენ ხართ თქვენი შვილის კრიტიკოსი?
- ისეთ თამაშში ჩაერთო, რომ არ გავაკრიტიკო, არ შეიძლება. დიმას, რომ ვუკვირდები, ძალიან მაგარი ვოკალური მონაცემები აქვს, შესრულების ტექნიკაც წინ წასწია. კონკურსზე ყველაფერს აქვს მნიშვნელობა, როგორი განწყობა გექნება ემოციურად, როგორ ფორმაში გექნება ხმა. მგონი, დღევანდლამდე ყველაფერი ნორმალურად არის. მაქვს შენიშვნები, მაგრამ ძირითადად, ყველაფერი ხუთიანზე შეასრულა. ბოლო გამოსვლა განსაკუთრებით მომეწონა.
- დიმა, მამის გარდა, კიდევ ვის აზრს აქვს შენთვის მნიშვნელობა.
- დედაჩემის, რომელიც ჩემი ვოკალის პედაგოგია. მასთან ერთად ვამუშავებ კონკრეტულ ფრაზებს, შემდეგ მამა გამზადებულს უსმენს და თავის შენიშვნებს მეუბნება, ხშირად ვკამათობთ.
- ალბათ, განსხვავებული მუსიკალური გემოვნება გაქვთ.
- დიახ, ასეა, მაგრამ რაზეც გამზარდეს, რეი ჩარლზის, სტივ ვანდერის მუსიკა ძალიან მიყვარს, თუმცა ჩვენი მშობლები ამაზე დარჩნენ, ახლის მიღება კი არ სურთ. თუკი მუსიკოსები არიან, მით უმეტეს.
ზურა:
- ხანდახან ისეთ სიმღერას უსმენს, ვეკითხები, ეს მუსიკა სად შეაკერინე-მეთქი (იცინიან). თუმცა მერე ჩემს თავს წარმოვიდგენ, როცა ახალგაზრდობისას ვუსმენდით ''ლედ ზეპელინს'', ''ბლექ საბატს'', ''დიფ ფარფლს'', მშობლები გვეუბნებოდნენ, დაუწიეთო, ხმა მთელ ვაკის პარკს ესმოდა (იღიმის). მე მაინც ვფიქრობ, რომ ჩვენი პერიოდის მუსიკა უფრო მდიდრული და სავსე იყო. რა ვქნა, ჩემში იმდენად არიან ვირტუოზი მუსიკოსები, მაგალითად, ჯორჯ ბენსონი, რომ სხვები ''კუკლებივით'' ჩანან.
- კიდევ არის რაიმე თემა, რაზეც კამათობთ?
- გვიანობამდე არ უყვარს შინ მოსვლა, ღამის ხუთ საათამდე. დედამისი მეუბნება, აცალე ცხოვრებაო. მერე დავფიქრდები ხოლმე, მეც ხომ გვიანობამდე ვიყავი გარეთ-მეთქი.
- დიმა, ''X ფაქტორში'' შენი მენტორი გიორგი გაბუნიაა. როგორ შეაფასებ მას, როგორც მენტორს?
- ჩემი მენტორისგან რასაც ველოდი, იმას უკვე გადააჭარბა. რაც უკვე გააკეთა, მეტს რაღას უნდა ველოდე? როგორიც მეგონა, ისეთი პიროვნება არ აღმოჩნდა. ცოტა გვეშინოდა მისი. ძალიან გამგები ადამიანია. არც ერთ რეპეტიციას არ აცდენს, სამსახურიდან გადმოდის, გვისმენს, ვოკალის პედაგოგები გვყავს და ამ მხრივ შენიშვნებს არ გვაძლევს, თუკი გამოთქმა არ მოეწონა, გვისწორებს ხოლმე. ძალიან დაუზარელია. როცა გვშია, საჭმლის მოტანაც შეუძლია.
''X ფაქტორისგან'' საკუთარი თავის განვითარებას ველოდები. პირველ კასტინგზე საკუთარ თავში ასე დარწმუნებული არ ვყოფილვარ, ჩემთვის დავდიოდი სცენაზე და მენტორებმა ამის გამო შენიშვნაც მომცეს, დღეს კი შინაგანად თავს უფრო კომფორტულად ვგრძნობ. ამ პროექტს პოპულარობა მოაქვს და ესეც ძალიან სასიამოვნოა.
- თაყვანისმცემლები შეიძინე? ბატონ ზურას აუცილებლად ვკითხავ, რას ფიქრობს შენს დაოჯახებაზე?
- 23 წლის ვარ და ჯერ დაოჯახებაზე არ ვფიქრობ. როცა საკუთარი თავისა და სხვისი რჩენის საშუალება მექნება, მერე შევქმნი ოჯახს. ზუსტად უნდა ვიცოდე, რომ ოჯახი ფინანსურად უზრუნველყოფილი მეყოლება. ახლა კონკრეტული ინტერესის ობიექტი არ მყავს. თაყვანისმცემლები ''ფეისბუქზე'' მიმატებენ და როცა მწერენ, აუცილებლად ვპასუხობ, რადგან უპასუხოდ არავის დატოვება არ მიყვარს.
- ბატონო ზურა, როგორი გოგონა გინდათ შვილისთვის?
- მე გიპასუხებთ, მამას ჩემთვის მილიონერი გოგონა უნდა (იცინიან).
ზურა:
- რა თქმა უნდა, მატერიალურად უზრუნველყოფილი გოგონა კარგია, მაგრამ დიმას საფიქრალია. ღმერთმა ნორმალური ადამიანი შეახვედროს, ვისთანაც ჭეშმარიტი სიყვარული და-აკავშირებს. რაც შეეხება დაოჯახებას, 33 წლის გახლდით, როცა ცოლი მოვიყვანე. ხელოვანმა ადამიანმა ახალგაზრდა ასაკში ცოლი არ უნდა მოიყვანოს. გასტროლებზე სიარული და შინ მეუღლე არ გამოდის. ასე რომ, დიმამ ჯერ უნდა მოილიოს კონცერტები, იმეგობროს გოგონებთან, დრო ატაროს, ''იგულაოს'' კარგად, ჰქონდეს კარგი დამოკიდებულება, ჰყავდეს მეგობრები, დაოჯახებას კი თავისი დრო აქვს, თუმცა დიმამ რომ თქვა, მილიონერი გოგონა უნდა რძლადო, რა თქმა უნდა, არ დავიწუნებდი (იცინის).
წყარო: reitingi.ge
