ალესანდრა ჯუნტინი რუსული თეატრის იტალიელი ვარსკვლავი ქართული ფესვებით

რუსულ კინოსა და თეატრში ბოლო პერიოდში სულ უფრო ხშირად ისმის იტალიელი მსახიობის ალესანდრა ჯუნტინის სახელი და გვარი. მას აქტიურად იწვევენ თეატრსა და კინოში და მის ნიჭს ხოტბას ასხამენ.

33 წლის მსახიობს მამა კი ჰყავს იტალიელი, თუმცაღა დედით ქართველია და ამ ფაქტს არც მალავს.

''იტალიაში გავიზარდე და იქვე გამიჩნდა დიდი სურვილი, რომ მსახიობი გავმხდარიყავი. დედაჩემი ქართველია. იტალიაში ჯერ კიდევ საბჭოთა წლებში ჩამოვიდა და მთელი ცხოვრება მეუბნებოდა, რომ რუსული თეატრი განსაკუთრებული იყო. ამიტომ გამიწია გულმა რუსეთისკენ და გადავწყვიტე, აქ გამეგრძელებინა მოღვაწეობა'',- ამბობს ალესანდრა.
ჯუნტინიმ თეატრალური ხელოვნების სახელმწიფო აკადემია სანქტ-პეტერბურგში დაამთავრა და მას მერე რუსეთში მუშაობს. როგორც კრიტიკოსები ამბობენ, საკმაოდ ნიჭიერია და სამსახიობო მანერით ძალიან ჰგავს თანამემამულე ანა მანიანის. სწორედ ამიტომაც ანდეს ალბათ ანა მანიანის ლეგენდარული როლი დადგმაში ''მამა რომა''.

მსახიობობის პარალელურად, ალესანდრა რეჟისორობს კიდეც და რამდენიმე სპექტაკლი აქვს დადგმული რუსულ სცენებზე.

ასევე გამოირჩევა იმით, რომ პროფესიონალი მოცეკვავეა- ასრულებს ტანგოს, იტალიურ ხალხურ ცეკვებს, ფანკს. ასევე მღერის ჟაზს და მისი კოლეგები ამბობენ, რომ, მისი ნიჭის გათვალისწინებით, ის კიდევ უფრო ხმამაღლა იტყვის თავის სიტყვას ხელოვნების სფეროში.
წყარო: reitingi.ge