ნანა ნებიერიძე: ''მამაკაცებს დავუმტკიცე, რომ ქალებიც მაგარი მძღოლები არიან...''
1 564 ნახვა
''ჩემი ცოლის დაქალების'' ამ სეზონში ნანა ნებიერიძე მაყურებლის წინაშე მსახიობის ამ-პლუაში წარდგა, ანკას დედის, ლალას დაქალს თამაშობს და სხვათა შორის, ეს ფაქტორი თურმე პატრულთან ურთიერთობაშიც ეხმარება. ნანას საავტომობილო ამბები გამოვკითხეთ.
- მანქანები ბავშვობიდან მაინტერესებდა, ჩემი ოცნება იყო, მყოლოდა ავტომობილი და ეს ოცნება 20 წლისამ ავიხდინე. მიუხედავად იმისა, რომ მხარჯველი ვარ და ფული არ მიჩერდება, მანქანის შესაძენად ფულს დიდხანს ვაგროვებდი. მაშინ ავტობაზრობა დიღომში იყო, მივედი და ვიყიდე ''ფორდ სიერა''. ტარების სასწავლად ავტოსკოლაში არ მივლია, რაღაცნაირად თვითონ ვისწავლე, ალბათ, იმდენად მინდოდა მართვა, ამ თვალსაზრისით პრობლემა არ შემქმნია. ბილეთებსაც თვითონ გავართვი თავი და მართვის მოწმობა ავიღე. ჩემი პირველი მანქანა ავტომატიკა იყო, მაგრამ რამდენიმე წლის შემდეგ ვიყიდე ''ნივა'', მექანიკა და საკმაოდ უხეშად სამართავი მანქანა, მით უმეტეს ქალისთვის. იმ პერიოდში მექანიკის ტარება არ ვიცოდი, ამიტომ მამაჩემს ვაჩუქე, თუმცა დავინტერესდი და ნელ-ნელა მექანიკის ტარებაც ჩემით ვისწავლე. თან, იმდენად მომეწონა, დღემდე მექანიკით დავდივარ, მომწონს და პრობლემას არ მიქმნის. ყველა მეუბნება, რად გინდა, ავტომატიკა იყიდეო, მაგრამ, ჯერჯერობით ეს მაკმაყოფილებს.
- გარდა ამისა, რა მოთხოვნები გაქვთ მანქანის მიმართ?
- სიმართლე გითხრა, ამ საკითხში მაინცდამაინც პრეტენზიული არ ვარ. ზაფხულში კონდიციონერი კარგად უნდა მუშაობდეს და ზამთარში – გამათბობელი. ჩემი ძირითადი მოთხოვნა ესაა, ''პოლნი ნავაროტკებს'' არ ვითხოვ (იღიმის). ამასთან, მნიშვნელობას ვანიჭებ იმასაც, რამდენად ცოტა საწვავს მოიხმარს მანქანა. ჩემთვის ავტომობილი არის აუცილებელი ნივთი, რომელიც ყოველთვის საჭიროა, სახლისთვის, სამსახურისთვის, ბავშვისთვის, დასვენებისთვის, გადაღებისთვის, მაღაზიისთვის და ა.შ.
- მანქანის ტექნიკურ საკითხს თავად აგვარებთ, ერკვევით?
- ვერა. საბედნიეროდ, ჩემი მანქანა ახალია და ხშირად არ მიწევს ავტოტექმომსახურების ოფისში სიარული. ერთადერთი, რაც ვიცი, ესაა ზეთისა და ჰაერის ფილტრების გამოცვლა.
- შუა გზაში მანქანა გაგჩერებიათ?
- კი, ერთხელ შუა გზაში დამეშვა საბურავი, ვიქექე საბარგულში, ძლივს ვიპოვე ''დანკრატი'', მაგრამ გამოყენებაც კი არ ვიცოდი. საბედნიეროდ, მამაკაცებმა რომ დამინახეს ასეთ მდგომარეობაში, დამეხმარნენ. სიმართლე გითხრა, არც ვღელავდი, რადგან დარწმუნებული ვიყავი, ქართველი მამაკაცი და არამარტო, გზაზე პრობლემის წინაშე მდგარ ქალს რომ დაინახავს, აუცილებლად დაეხმარება.
- სისწრაფე გიყვართ?
- ადრე ძალიან მიყვარდა, მაგრამ დღეს ნაკლებად. ქალისთვის 2.2 ან 2.0-იანი ძრავა საკმარისია. ვიცი, რომ სიჩქარე კარგს არაფერს მოიტანს, ამიტომ ვცდილობ, ფრთხილად ვია-რო, მით უმეტეს, რომ კანონმორჩილი მძღოლი ვარ.
- პატრული რამდენად ხშირად გაჩერებთ და გაჯარიმებთ?
- ჯარიმა პრაქტიკულად არ მაქვს, ჩემი პრობლემა საჭესთან ტელეფონით საუბარია. არ არსებობს, მანქანის მართვის დროს დამირეკონ, ვუპასუხო და უცებ საიდანღაც ჩემ გვერდით პა-ტრულის მანქანა არ გამოჩნდეს, ბევრჯერ იყო შემთხვევა, როცა შეღავათი გამიწიეს, განსაკუთრებით მაშინ, როცა ''ცეკვავენ ვარსკვლავებში'' ვმონაწილეობდი. ახლა უკვე, როგორც ლალას დაქალს, ''ჩემი ცოლის დაქალებიდან'', ისე აღმიქვამენ (იცინის).
- საცობისა და პარკინგის პრობლემა გაწუხებთ?
- კი. განსაკუთრებით პარკინგია რთული საკითხი. მიუხედავად იმისა, რომ ადგილი, როგორც წესი, არსად არის, ''სითი პარკს'' ჩემი მანქანა არასდროს წაუყვანია, რადგან ვცდილობ, ისე გავაჩერო, პრობლემა არავის შევუქმნა. ბორდიურზე გაჩერება არ შემიძლია, მირჩევნია, შორს გავაჩერო და ფეხით მივიდე ადგილამდე, ვიდრე სადმე არასწორად დავაყენო და მერე ვინერვიულო.
- როგორც ვხედავ, მოწესრიგებული მძღოლი ხართ, ავტოსაგზაო შემთხვევა გქონიათ?
- კი, როგორ არა. იმიტომ არ გადავიხადე ძვირი პირველ მანქანაში, რომ, როგორც წესი, ყველაზე მეტად პირველი ავტომობილი ზარალდება. ერთხელ მანქანა დიდი სისწრაფით და-მეჯახა, მაშინ, როცა მე 60კმ/სთ-ით ვმოძრაობდი და ისე შემეშინდა, რომ ვერ აგიხსნი, საშინელება იყო.
- მანქანას რა სიხშირით ცვლით ხოლმე? ყიდვა-გაყიდვის საკითხს თავად აგვარებთ?
- გაყიდვაში ჩემი ოჯახის წევრები მეხმარებიან, მაგრამ ბოლო 7 წელია, ''ტოიოტა კოროლა'' მყავს და ძალიან კმაყოფილი ვარ.
- რამდენად მშვიდად გრძნობენ მგზავრები თავს, როცა საჭესთან თქვენ ზიხართ?
- თავის ქება არ შემიძლია, მაგრამ ორი სიტყვით გეტყვით ჩემი მეგობრების დამოკიდებულებას, რომლებიც ამბობენ, რომ ჩემს მანქანაში, ჩემ გვერდით ყველაზე მშვიდად გრძნობენ თავს.
- როგორია საჭესთან გაბრაზებული ნანა?
- გაბრაზებას განსაკუთრებულად არ გამოვხატავ, გააჩნია, როგორ ხასიათზე ვარ და რას აშავებს მძღოლი. რაზეც ვბრაზდები და ვილანძღები, არის შუა ქუჩაში ორი გაჩერებული მანქანა და მოსაუბრე მძღოლები, ასევე ვერ ვიტან, როცა მძღოლები საცობში რაღაც მანევრებს აკეთებენ ''გასაძრომად'', ბორდიურზე რომ ადიან, მაღიზიანებს.
- ქალი მძღოლების მიმართ გავრცელებულ სტერეოტიპს ეთანხმებით?
- კი, სავსებით. ზოგი ქალი მანქანას ძალიან კარგად მართავს და კომფორტულად გრძნობს თავს საჭესთან, მაგრამ არიან ქალები, რომელთაც ეშინიათ და მამაკაცების მხრიდან ზეწოლას განიცდიან. მამაკაცები ქალს საჭესთან ისე უყურებენ, თითქოს ქალი ქათამია და ესეც მოქმედებს მათზე. საბედნიეროდ თუ სამწუხაროდ, ერთ გადაცემაში მივიღე მონაწილეობა და მამაკაცებს დავუმტკიცე, რომ ქალებიც მაგარი მძღოლები არიან, შეჯიბრება იყო და კარგი შედეგი ვაჩვენე (იცინის).
წყარო: reitingi.ge
- მანქანები ბავშვობიდან მაინტერესებდა, ჩემი ოცნება იყო, მყოლოდა ავტომობილი და ეს ოცნება 20 წლისამ ავიხდინე. მიუხედავად იმისა, რომ მხარჯველი ვარ და ფული არ მიჩერდება, მანქანის შესაძენად ფულს დიდხანს ვაგროვებდი. მაშინ ავტობაზრობა დიღომში იყო, მივედი და ვიყიდე ''ფორდ სიერა''. ტარების სასწავლად ავტოსკოლაში არ მივლია, რაღაცნაირად თვითონ ვისწავლე, ალბათ, იმდენად მინდოდა მართვა, ამ თვალსაზრისით პრობლემა არ შემქმნია. ბილეთებსაც თვითონ გავართვი თავი და მართვის მოწმობა ავიღე. ჩემი პირველი მანქანა ავტომატიკა იყო, მაგრამ რამდენიმე წლის შემდეგ ვიყიდე ''ნივა'', მექანიკა და საკმაოდ უხეშად სამართავი მანქანა, მით უმეტეს ქალისთვის. იმ პერიოდში მექანიკის ტარება არ ვიცოდი, ამიტომ მამაჩემს ვაჩუქე, თუმცა დავინტერესდი და ნელ-ნელა მექანიკის ტარებაც ჩემით ვისწავლე. თან, იმდენად მომეწონა, დღემდე მექანიკით დავდივარ, მომწონს და პრობლემას არ მიქმნის. ყველა მეუბნება, რად გინდა, ავტომატიკა იყიდეო, მაგრამ, ჯერჯერობით ეს მაკმაყოფილებს.
- გარდა ამისა, რა მოთხოვნები გაქვთ მანქანის მიმართ?
- სიმართლე გითხრა, ამ საკითხში მაინცდამაინც პრეტენზიული არ ვარ. ზაფხულში კონდიციონერი კარგად უნდა მუშაობდეს და ზამთარში – გამათბობელი. ჩემი ძირითადი მოთხოვნა ესაა, ''პოლნი ნავაროტკებს'' არ ვითხოვ (იღიმის). ამასთან, მნიშვნელობას ვანიჭებ იმასაც, რამდენად ცოტა საწვავს მოიხმარს მანქანა. ჩემთვის ავტომობილი არის აუცილებელი ნივთი, რომელიც ყოველთვის საჭიროა, სახლისთვის, სამსახურისთვის, ბავშვისთვის, დასვენებისთვის, გადაღებისთვის, მაღაზიისთვის და ა.შ.
- მანქანის ტექნიკურ საკითხს თავად აგვარებთ, ერკვევით?
- ვერა. საბედნიეროდ, ჩემი მანქანა ახალია და ხშირად არ მიწევს ავტოტექმომსახურების ოფისში სიარული. ერთადერთი, რაც ვიცი, ესაა ზეთისა და ჰაერის ფილტრების გამოცვლა.
- შუა გზაში მანქანა გაგჩერებიათ?
- კი, ერთხელ შუა გზაში დამეშვა საბურავი, ვიქექე საბარგულში, ძლივს ვიპოვე ''დანკრატი'', მაგრამ გამოყენებაც კი არ ვიცოდი. საბედნიეროდ, მამაკაცებმა რომ დამინახეს ასეთ მდგომარეობაში, დამეხმარნენ. სიმართლე გითხრა, არც ვღელავდი, რადგან დარწმუნებული ვიყავი, ქართველი მამაკაცი და არამარტო, გზაზე პრობლემის წინაშე მდგარ ქალს რომ დაინახავს, აუცილებლად დაეხმარება.
- სისწრაფე გიყვართ?
- ადრე ძალიან მიყვარდა, მაგრამ დღეს ნაკლებად. ქალისთვის 2.2 ან 2.0-იანი ძრავა საკმარისია. ვიცი, რომ სიჩქარე კარგს არაფერს მოიტანს, ამიტომ ვცდილობ, ფრთხილად ვია-რო, მით უმეტეს, რომ კანონმორჩილი მძღოლი ვარ.
- პატრული რამდენად ხშირად გაჩერებთ და გაჯარიმებთ?
- ჯარიმა პრაქტიკულად არ მაქვს, ჩემი პრობლემა საჭესთან ტელეფონით საუბარია. არ არსებობს, მანქანის მართვის დროს დამირეკონ, ვუპასუხო და უცებ საიდანღაც ჩემ გვერდით პა-ტრულის მანქანა არ გამოჩნდეს, ბევრჯერ იყო შემთხვევა, როცა შეღავათი გამიწიეს, განსაკუთრებით მაშინ, როცა ''ცეკვავენ ვარსკვლავებში'' ვმონაწილეობდი. ახლა უკვე, როგორც ლალას დაქალს, ''ჩემი ცოლის დაქალებიდან'', ისე აღმიქვამენ (იცინის).
- საცობისა და პარკინგის პრობლემა გაწუხებთ?
- კი. განსაკუთრებით პარკინგია რთული საკითხი. მიუხედავად იმისა, რომ ადგილი, როგორც წესი, არსად არის, ''სითი პარკს'' ჩემი მანქანა არასდროს წაუყვანია, რადგან ვცდილობ, ისე გავაჩერო, პრობლემა არავის შევუქმნა. ბორდიურზე გაჩერება არ შემიძლია, მირჩევნია, შორს გავაჩერო და ფეხით მივიდე ადგილამდე, ვიდრე სადმე არასწორად დავაყენო და მერე ვინერვიულო.
- როგორც ვხედავ, მოწესრიგებული მძღოლი ხართ, ავტოსაგზაო შემთხვევა გქონიათ?
- კი, როგორ არა. იმიტომ არ გადავიხადე ძვირი პირველ მანქანაში, რომ, როგორც წესი, ყველაზე მეტად პირველი ავტომობილი ზარალდება. ერთხელ მანქანა დიდი სისწრაფით და-მეჯახა, მაშინ, როცა მე 60კმ/სთ-ით ვმოძრაობდი და ისე შემეშინდა, რომ ვერ აგიხსნი, საშინელება იყო.
- მანქანას რა სიხშირით ცვლით ხოლმე? ყიდვა-გაყიდვის საკითხს თავად აგვარებთ?
- გაყიდვაში ჩემი ოჯახის წევრები მეხმარებიან, მაგრამ ბოლო 7 წელია, ''ტოიოტა კოროლა'' მყავს და ძალიან კმაყოფილი ვარ.
- რამდენად მშვიდად გრძნობენ მგზავრები თავს, როცა საჭესთან თქვენ ზიხართ?
- თავის ქება არ შემიძლია, მაგრამ ორი სიტყვით გეტყვით ჩემი მეგობრების დამოკიდებულებას, რომლებიც ამბობენ, რომ ჩემს მანქანაში, ჩემ გვერდით ყველაზე მშვიდად გრძნობენ თავს.
- როგორია საჭესთან გაბრაზებული ნანა?
- გაბრაზებას განსაკუთრებულად არ გამოვხატავ, გააჩნია, როგორ ხასიათზე ვარ და რას აშავებს მძღოლი. რაზეც ვბრაზდები და ვილანძღები, არის შუა ქუჩაში ორი გაჩერებული მანქანა და მოსაუბრე მძღოლები, ასევე ვერ ვიტან, როცა მძღოლები საცობში რაღაც მანევრებს აკეთებენ ''გასაძრომად'', ბორდიურზე რომ ადიან, მაღიზიანებს.
- ქალი მძღოლების მიმართ გავრცელებულ სტერეოტიპს ეთანხმებით?
- კი, სავსებით. ზოგი ქალი მანქანას ძალიან კარგად მართავს და კომფორტულად გრძნობს თავს საჭესთან, მაგრამ არიან ქალები, რომელთაც ეშინიათ და მამაკაცების მხრიდან ზეწოლას განიცდიან. მამაკაცები ქალს საჭესთან ისე უყურებენ, თითქოს ქალი ქათამია და ესეც მოქმედებს მათზე. საბედნიეროდ თუ სამწუხაროდ, ერთ გადაცემაში მივიღე მონაწილეობა და მამაკაცებს დავუმტკიცე, რომ ქალებიც მაგარი მძღოლები არიან, შეჯიბრება იყო და კარგი შედეგი ვაჩვენე (იცინის).
წყარო: reitingi.ge
