იყავი 1-ელი 1000-დან! - როგორ უნდა მიიღო gem fest-ის მულტიპასი საუკეთესო ფასად

30 ივლისიდან 7 აგვისტომდე ანაკლიაში პირველი ელექტრონული მუსიკალური ფესტივალი - gem fest გაიმართება. მულტიფორმატული ფესტივალის რამდენიმე სცენაზე მსოფლიო ვარსკვლავები და ბენდები წარდგებიან. გარდა ამისა, საფესტივალო დღეების განმავლობაში ახალგაზრდა მხატვრებს, მოქანდაკეებს, გამომგონებლებს gem fest-ის ათასობით მაყურებლის წინაშე ნამუშევრების წარდგენის შესაძლებლობა ექნებათ.

ფესტივალის ლაინ-აფიდან ჯერ მხოლოდ პირველი ნაწილია ცნობილი. მონაწილეთა სრულ შემადგენლობას ორგანიზატორები უახლოეს მომავალში გაგვაცნობენ.

როგორ უნდა მოხვდეთ ანაკლიაში? 15 ივნისიდან მულტიპასის საუკეთესო ფასად - სულ რაღაც 99 ლარად შეძენის საშუალება გაქვთ, მაგრამ ეს ყველაფერი დროულად უნდა მოასწროთ და პირველ ათას ადამიანში მოხვდეთ, ვისაც ამ ფასდაკლებით სარგებლობა შეეძლება.

მულტიპასის, ანუ ფესტივალის ტერიტორიაზე ულიმიტოდ შესასვლელი ბარათის შეძენა შეგიძლიათ საიტზე
წყარო: ambebi.ge