ანა კოშაძე მძღოლებს სიგნალით აწუხებს
1 502 ნახვა
ანა კოშაძე უკვე გამოცდილი მძღოლია, 10 წელია საჭესთან ზის, მანქანის მართვის დროს ქმრისგან შენიშვნებს დღემდე იღებს, მაგრამ, როგორც თავად ამბობს, აღარ სწყინს.
- ძალიან პატარა, დაახლოებით 1314 წლის ვიყავი, როცა მამაჩემი მასწავლიდა მანქანის მართვას, უკვე 17 წლისას ჩემმა ქმარმა უფრო სერიოზულად მასწავლა და საჭესთანაც დავჯექი (იღიმის). ტარება უკვე კარგად ვიცოდი, მართვის მოწმობა რომ ავიღე, თუმცა მაინც მიხაროდა, კანონიერად რომ შემეძლო მანქანის მართვა.
- პირველი მანქანა ყოველთვის განსაკუთრებულ ემოციებს უკავშირდება...
- თავიდან ოფიციალურად ჩემი მანქანა არ მყოლია, ჩემი მეუღლის მანქანით დავდიოდი, რომელიც ჩემიც იყო. მერე ტოშკამ მეორე მანქანა იყიდა, ძველის გაყიდვას აპირებდა, მაგრამ მე შემომრჩა და კარგა ხანს ვიარე. ოფიციალურად ჩემი პირველი მანქანა დაახლოებით 3-4 წლის წინ შევიძინეთ და მივხვდი, რა კარგია, როცა არავის უთანხმებ წასვლამოსვლას, სჭირდება თუ არ სჭირდება მანქანა და დადიხარ მხოლოდ შენი გრაფიკის მიხედვით.
- ავტოტექმომსახურება, მოვლა - ამას ვინ უზრუნველყოფს?
- ჩემი ქმარი. ამაში არ ვერევი, ისედაც ძალიან ზოგადად ვერკვევი მანქანის ტექნიკურ მხარეში, ალბათ, რომ არ დამჭირვებია, იმიტომაც არ ჩავძიებივარ. მე მარტო ბენზინს ვასხამ, ზეთის გამოცვლაც კი ჩემს ქმარს ახსენდება.
- შუა ქუჩაში მანქანა გაგჩერებია?
- კი, ბენზინი გამითავდა და დავრჩი შუა გზაში, მაგრამ გვერდზე მიყენება მოვასწარი და შემდეგ ჩაქრა. წავედი, ვიყიდე ბენზინი და ვასხამ, მაგრამ უკან იღვრება, არ ჩადის. ხან ვის ვაჩერებ, ხან - ვის, მაგრამ ვერავინ მიხვდა, რა ხდებოდა.…ბოლოს ერთმა კეთილმა ადამიანმა მითხრა, ბაკს თავისი სარქველი აქვს, ფანქარი ან კალამი თუ გაქვს, ჩაარჭვე და ისე ჩაასხიო, მოვიძიე მანქანაში ფანქარი, ჩავასხი და გზა გავაგრძელე.
- სისწრაფე გიყვარს? რამდენად აზარტული მძღოლი ხარ?
- კი, მიყვარს. თავიდან ჩემმა ქმარმა მანქანა ძალიან მარტივად მომცა, ახლა რომ ვუფიქრდები, საერთოდ არ ვიცოდი ტარება, არადა, საკმაოდ სწრაფად ვმოძრაობდი. ახლაც მომწონს სისწრაფე, განსაკუთრებით, თუ მარტო ვარ, რაღაც მომენტებში ჩემს თავს ვამუხრუჭებ კიდეც. თან თუ მანქანას კარგი ძრავა აქვს, შეუძლებელია, არ გამოიყენო მისი ეს დადებითი მხარე.
- ზოგადად, რა მოთხოვნები გაქვს მანქანის მიმართ?
- ამ შემთხვევაში ეს მანქანა ავარჩიეთ გამძლეობის, ფასისა და კომფორტის მიხედვით, ვერ ვიტყვი, რომ ჩემი საოცნებო მანქანაა, მაგრამ უკმაყოფილო არ ვარ, ძრავა დიდი აქვს და ''მომყვება'', პრობლემას არ მიქმნის.
- პატრული ხშირად გაჩერებს? ჯარიმების საკითხი როგორ გაქვს?
- ძირითადად, ტელეფონზე საუბრისა და პარკირების გამო დავჯარიმებულვარ, 20ლარიანზე მაღალი ჯარიმა არ მიმიღია. რაც შეეხება პატრულს, კეთილგანწყობილები არიან, მაგრამ თუ დასაჯარიმებელი ვარ, მაჯარიმებენ, თუ არის საშუალება, რომ შეღავათი გამიწიონ, ამასაც აკეთებენ.
- პარკირება და ''სითი პარკი''?…
- სხვათა შორის, არა. არასდროს გავუბედნიერებივარ და არ წაუყვანიათ ჩემი მანქანა, თუმცა არასწორი პარკირების დროს ჯარიმას არ ვაპროტესტებ, ხანდახან მძღოლები მანქანებს ცუდად ვაყენებთ. არ მეზარება ფეხით სიარული და მანქანის შორს გაჩერება, მაგრამ არის ისეთი მომენტები, როცა ვერ გაივლი იმ კონკრეტულ მანძილს. მაგალითად, მახსოვს, ბავშვები ექიმთან მიმყავდა და ადგილი არსად არ იყო, ცუდად დავაყენე და ზუსტად ვიცოდი, დამაჯარიმებდნენ, მაგრამ მაინც დავტოვე, სხვა გზა არ მქონდა.
- და დაგხვდა ჯარიმა?
- კი, მაგრამ მანქანა რომ ადგილზე დამხვდა და არ ჰყავდათ წაყვანილი, ეგეც დიდი ბედნიერება იყო.
- რა დატვირთვა აქვს მანქანას შენთვის?
- პირველ რიგში, მიყვარს თავისი მინუსებით. როცა ეჩვევი, გიყვარდება და გემრიელად გრძნობ თავს. მანქანა, პირველ რიგში, კომფორტია. მიუხედავად იმისა, რომ ჩვენთან მანქანის მართვა საკმაოდ რთულია, მაინც მიყვარს საჭესთან ჯდომა, ერთგვარი რელაქსია ჩემთვის.
- ავტოსაგზაო შემთხვევა გქონია?
- არა, მაგრამ პარკირების დროს ''გამილამაზებია'' მანქანები, სხვისი ერთხელ გავაფუჭე, ჩემი – რამდენჯერმე, მაგრამ ცოტათი დავაზიანე.
- რამდენად დაცულად გრძნობენ შენს მანქანაში მგზავრები თავს?
- ცოტა სწრაფად დავდივარ, მაგრამ პრეტენზია არავის გამოუთქვამს, ჩემი ქმარი მაძლევს ბევრ შენიშვნას, მაგრამ საკუთარ თავს ვიჭერ იმაში, რომ ჩემზე უფრო გამოცდილი მძღოლებისთვის მიმიცია შენიშვნა, ამიტომ აღარ მწყინს, თავიდან მწყინდა.
- ეთანხმები იმას, რომ ქალები ცუდი მძღოლები არიან?
- არ ვეთანხმები, იმიტომ, რომ უამრავი კაცი ატარებს ცუდად მანქანას, სხვათა შორის, ქალები ბევრად უფრო იშვიათად ხვდებიან სერიოზულ ავტოსაგზაო შემთხვევებში, ვიდრე კაცები, რადგან ბევრად ნაკლებს რისკავენ. უფრო მეტად ასაკოვანი მძღოლები მართავენ ცუდად, მე მაპატიონ და უკნიდანვე იგრძნობა, რომ მძღოლი ან ასაკოვანია, ან კიდევ ტელეფონზე ლაპარაკობს.
- როგორია საჭესთან გაბრაზებული ანა?
- როცა მანქანას ცუდად მართავენ, რა თქმა უნდა, ვბრაზდები, საჭესთან ბევრად უფრო ემოციური ვარ, ვიდრე ისე. გამოვტყდები, რომ ასეთ შემთხვევაში სიგნალითაც კი ვაწუხებ მძღოლებს და ჩემი ქმარი ამაზეც მეჩხუბება (იღიმის).
- რას ფიქრობ სანომრე ნიშნებზე?
- რაღა დაგიმალო და, ცოტა მაღიზიანებს ეს ''ჩახუჭუჭებული'' სანომრე ნიშნები, რომლებშიც ბევრ ფულს იხდიან. ჩვეულებრივი სანომრე ნიშანი მაქვს, რიგითობით რაც შემხვდა, ის ავიღე. არანაირი სურვილი არ მაქვს, ასეთ რაღაცებში დავხარჯო ფინანსები და მგონია, რომ მნიშვნე-ლობა არ აქვს, რა ეწერება მანქანას.
წყარო: reitingi.ge
- ძალიან პატარა, დაახლოებით 1314 წლის ვიყავი, როცა მამაჩემი მასწავლიდა მანქანის მართვას, უკვე 17 წლისას ჩემმა ქმარმა უფრო სერიოზულად მასწავლა და საჭესთანაც დავჯექი (იღიმის). ტარება უკვე კარგად ვიცოდი, მართვის მოწმობა რომ ავიღე, თუმცა მაინც მიხაროდა, კანონიერად რომ შემეძლო მანქანის მართვა.
- პირველი მანქანა ყოველთვის განსაკუთრებულ ემოციებს უკავშირდება...
- თავიდან ოფიციალურად ჩემი მანქანა არ მყოლია, ჩემი მეუღლის მანქანით დავდიოდი, რომელიც ჩემიც იყო. მერე ტოშკამ მეორე მანქანა იყიდა, ძველის გაყიდვას აპირებდა, მაგრამ მე შემომრჩა და კარგა ხანს ვიარე. ოფიციალურად ჩემი პირველი მანქანა დაახლოებით 3-4 წლის წინ შევიძინეთ და მივხვდი, რა კარგია, როცა არავის უთანხმებ წასვლამოსვლას, სჭირდება თუ არ სჭირდება მანქანა და დადიხარ მხოლოდ შენი გრაფიკის მიხედვით.
- ავტოტექმომსახურება, მოვლა - ამას ვინ უზრუნველყოფს?
- ჩემი ქმარი. ამაში არ ვერევი, ისედაც ძალიან ზოგადად ვერკვევი მანქანის ტექნიკურ მხარეში, ალბათ, რომ არ დამჭირვებია, იმიტომაც არ ჩავძიებივარ. მე მარტო ბენზინს ვასხამ, ზეთის გამოცვლაც კი ჩემს ქმარს ახსენდება.
- შუა ქუჩაში მანქანა გაგჩერებია?
- კი, ბენზინი გამითავდა და დავრჩი შუა გზაში, მაგრამ გვერდზე მიყენება მოვასწარი და შემდეგ ჩაქრა. წავედი, ვიყიდე ბენზინი და ვასხამ, მაგრამ უკან იღვრება, არ ჩადის. ხან ვის ვაჩერებ, ხან - ვის, მაგრამ ვერავინ მიხვდა, რა ხდებოდა.…ბოლოს ერთმა კეთილმა ადამიანმა მითხრა, ბაკს თავისი სარქველი აქვს, ფანქარი ან კალამი თუ გაქვს, ჩაარჭვე და ისე ჩაასხიო, მოვიძიე მანქანაში ფანქარი, ჩავასხი და გზა გავაგრძელე.
- სისწრაფე გიყვარს? რამდენად აზარტული მძღოლი ხარ?
- კი, მიყვარს. თავიდან ჩემმა ქმარმა მანქანა ძალიან მარტივად მომცა, ახლა რომ ვუფიქრდები, საერთოდ არ ვიცოდი ტარება, არადა, საკმაოდ სწრაფად ვმოძრაობდი. ახლაც მომწონს სისწრაფე, განსაკუთრებით, თუ მარტო ვარ, რაღაც მომენტებში ჩემს თავს ვამუხრუჭებ კიდეც. თან თუ მანქანას კარგი ძრავა აქვს, შეუძლებელია, არ გამოიყენო მისი ეს დადებითი მხარე.
- ზოგადად, რა მოთხოვნები გაქვს მანქანის მიმართ?
- ამ შემთხვევაში ეს მანქანა ავარჩიეთ გამძლეობის, ფასისა და კომფორტის მიხედვით, ვერ ვიტყვი, რომ ჩემი საოცნებო მანქანაა, მაგრამ უკმაყოფილო არ ვარ, ძრავა დიდი აქვს და ''მომყვება'', პრობლემას არ მიქმნის.
- პატრული ხშირად გაჩერებს? ჯარიმების საკითხი როგორ გაქვს?
- ძირითადად, ტელეფონზე საუბრისა და პარკირების გამო დავჯარიმებულვარ, 20ლარიანზე მაღალი ჯარიმა არ მიმიღია. რაც შეეხება პატრულს, კეთილგანწყობილები არიან, მაგრამ თუ დასაჯარიმებელი ვარ, მაჯარიმებენ, თუ არის საშუალება, რომ შეღავათი გამიწიონ, ამასაც აკეთებენ.
- პარკირება და ''სითი პარკი''?…
- სხვათა შორის, არა. არასდროს გავუბედნიერებივარ და არ წაუყვანიათ ჩემი მანქანა, თუმცა არასწორი პარკირების დროს ჯარიმას არ ვაპროტესტებ, ხანდახან მძღოლები მანქანებს ცუდად ვაყენებთ. არ მეზარება ფეხით სიარული და მანქანის შორს გაჩერება, მაგრამ არის ისეთი მომენტები, როცა ვერ გაივლი იმ კონკრეტულ მანძილს. მაგალითად, მახსოვს, ბავშვები ექიმთან მიმყავდა და ადგილი არსად არ იყო, ცუდად დავაყენე და ზუსტად ვიცოდი, დამაჯარიმებდნენ, მაგრამ მაინც დავტოვე, სხვა გზა არ მქონდა.
- და დაგხვდა ჯარიმა?
- კი, მაგრამ მანქანა რომ ადგილზე დამხვდა და არ ჰყავდათ წაყვანილი, ეგეც დიდი ბედნიერება იყო.
- რა დატვირთვა აქვს მანქანას შენთვის?
- პირველ რიგში, მიყვარს თავისი მინუსებით. როცა ეჩვევი, გიყვარდება და გემრიელად გრძნობ თავს. მანქანა, პირველ რიგში, კომფორტია. მიუხედავად იმისა, რომ ჩვენთან მანქანის მართვა საკმაოდ რთულია, მაინც მიყვარს საჭესთან ჯდომა, ერთგვარი რელაქსია ჩემთვის.
- ავტოსაგზაო შემთხვევა გქონია?
- არა, მაგრამ პარკირების დროს ''გამილამაზებია'' მანქანები, სხვისი ერთხელ გავაფუჭე, ჩემი – რამდენჯერმე, მაგრამ ცოტათი დავაზიანე.
- რამდენად დაცულად გრძნობენ შენს მანქანაში მგზავრები თავს?
- ცოტა სწრაფად დავდივარ, მაგრამ პრეტენზია არავის გამოუთქვამს, ჩემი ქმარი მაძლევს ბევრ შენიშვნას, მაგრამ საკუთარ თავს ვიჭერ იმაში, რომ ჩემზე უფრო გამოცდილი მძღოლებისთვის მიმიცია შენიშვნა, ამიტომ აღარ მწყინს, თავიდან მწყინდა.
- ეთანხმები იმას, რომ ქალები ცუდი მძღოლები არიან?
- არ ვეთანხმები, იმიტომ, რომ უამრავი კაცი ატარებს ცუდად მანქანას, სხვათა შორის, ქალები ბევრად უფრო იშვიათად ხვდებიან სერიოზულ ავტოსაგზაო შემთხვევებში, ვიდრე კაცები, რადგან ბევრად ნაკლებს რისკავენ. უფრო მეტად ასაკოვანი მძღოლები მართავენ ცუდად, მე მაპატიონ და უკნიდანვე იგრძნობა, რომ მძღოლი ან ასაკოვანია, ან კიდევ ტელეფონზე ლაპარაკობს.
- როგორია საჭესთან გაბრაზებული ანა?
- როცა მანქანას ცუდად მართავენ, რა თქმა უნდა, ვბრაზდები, საჭესთან ბევრად უფრო ემოციური ვარ, ვიდრე ისე. გამოვტყდები, რომ ასეთ შემთხვევაში სიგნალითაც კი ვაწუხებ მძღოლებს და ჩემი ქმარი ამაზეც მეჩხუბება (იღიმის).
- რას ფიქრობ სანომრე ნიშნებზე?
- რაღა დაგიმალო და, ცოტა მაღიზიანებს ეს ''ჩახუჭუჭებული'' სანომრე ნიშნები, რომლებშიც ბევრ ფულს იხდიან. ჩვეულებრივი სანომრე ნიშანი მაქვს, რიგითობით რაც შემხვდა, ის ავიღე. არანაირი სურვილი არ მაქვს, ასეთ რაღაცებში დავხარჯო ფინანსები და მგონია, რომ მნიშვნე-ლობა არ აქვს, რა ეწერება მანქანას.
წყარო: reitingi.ge
