ალოე იმუნიტეტს აძლიერებს

ალოე სამკურნალო მცენარეების იმ უმცირესობას მიეკუთვნება, რომლებიც მთელი წელი ხელთ გვაქვს. ხალხში მას "ასწლოვანას" უწოდებენ.

უძველესი დროიდან იარების მოსაშუშებლად და კანის დაავადებების სამკურნალოდ იყენებდნენ, თუმცა მისი სამკურნალო თვისებები ამით არ შემოიფარგლება.

იმუნიტეტის ასამაღლებლად და კენჭის დაავადებების სამკურნალოდ კარგია ხორცსაკეპ მანქანაში გატარებული ალოეს ფოთლებისა და თაფლის ნარევი (თანაბარი რაოდენობით). ნარევი დღეში 3-ჯერ, 1 სუფრის კოვზი მიიღეთ ჭამამდე ნახევარი საათით ადრე; თან 0,5 ჭიქა თბილი, ანადუღარი წყალი დააყოლეთ.

კურსი - 3 კვირა. ათდღიანი შესვენების შემდეგ პროცედურა გაიმეორეთ.

ადრე მიიჩნეოდა, რომ სამკურნალო თვისებები მხოლოდ ალოეს სამწლოვან ფოთლებს ჰქონდა. მეც­ნიერებმა დაადგინეს, რომ ასეთივე ეფექტს ახალი ყლორტებიც იძლევა. დღეს ალოეს წვენს პროფილაქტიკური მიზნით ბევრი იღებს.

ჯანმრთელი ადამიანებიც კი ყოველ დილით 1 სუფრის კოვზ ალოესა და ხილის წვენის ნარევს მიირთმევენ, მაგრამ ფრთხილად იყავით, მის პრეპარატებს უკუჩვენება აქვს ორსულობის, ღვიძლის, ნაღვლის ბუშტის დაავადებების, სისხლდენების, ცისტიტის და ბუასილის დროს. 

ჟურნალი "რეიტინგი"