ზოოპარკის ადგილას პარკის გაშენების იდეა ბაია დავითაიას ეკუთვნის
1 688 ნახვა
ტრაგიკული 13 ივნისის ღამეს დატრიალებული უბედურება საქართველოს ყველა მოქალაქეს შეეხო. ძალიან განიცადეს იმ ადამიანებმაც, რომლებიც საქართველოს ფარგლებს გარეთ ცხოვრობენ. მათ შორის არის ბიზნესვუმენი ბაია დავითაია, რომელიც უკვე წლებია, ამერიკაში გადავიდა საცხოვრებლად.
ბაია ბიზნესმენ თემურ უგულავას მეუღლეა, თუმცა ახლა მეუღლესთან განქორწინების პროცესშია. ამერიკაში უმცროს შვილთან ერთად ცხოვრობს. ბავშვს რამდენიმე წლის წინ აუტიზმის დიაგნოზი დაუსვეს, ამერიკაში სპეციალიზებულ სკოლაში დაჰყავს. ის ერთ-ერთი პირველია, რომელმაც აუტისტი პატარებისადმი საზოგადოების ინტერესის გაღვივებას შეუწყო ხელი.
სოციალურ ქსელში ხშირად აქტიურობს და მიმდინარე მოვლენებს სტატუსების სახით ეხმაურება. 15 ივნისის საღამოს, ტრაგედიიდან ორ დღეში, ''ფეისბუქზე'' დაწერა.
''ზოოპარკის გადატანის შემთხვევაში, მაგ ადგილას რომ დიდი პარკი გაკეთდეს და ქალაქის ცენტრში ერთი კარგი გამწვანებული ლამაზი ადგილი გვქონდეს, ძალიან კარგი იქნება ყველასთვის. ლონდონში რომ ''ჰაიდ პარკი'' მოგვწონს და ნიუიორკში ''ცენტრალ პარკში'' გავრბივართ, იქნებ, ჩვენი ავაყვაოთ? აუცილებლად კორპუსებით უნდა გადატენონ ეგ ადგილი? არ ჯობია, მერიას თხოვნით მივმართოთ, რომ ეგ ადგილი დატოვონ პარკისთვის და ჩვენ ერთად გავაშენოთ მაქაურობა ჩვენივე შეგროვებული თანხებით, როგორც დღეს ალაგებთ ქუჩებს ყველა ერთად, ასევე ავაშენებთ მანდ პარკს და დავისვენებთ ერთად ჩვენი შვილებით!'' სტატუსზე უამრავი ცნობილი სახე მონიშნა და მათ შორის იყო პირველი ლედი, მაკა ჩიჩუაც, რომელსაც ბაიას იდეა ძალიან მოეწონა.
ამ ინიციატივის გაჟღერებიდან მეორე დღეს ირაკლი ღარიბაშვილმა განაცხადა, რომ შესაძლოა, ზოოპარკის ადგილას სოლიდარობის პარკი გაშენდეს. დავითაიას უამრავმა ადამიანმა მისწერა, რომ, სავარაუდოდ, პრემიერმა მისი სტატუსი წაიკითხა, თუმცა თავად ის უხარია, რომ მთავრობისა და მისი იდეები ერთმანეთს დაემთხვა.
- ბაია, პარკის გაშენების იდეა როგორ გაგიჩნდათ?
- ეს იდეა ჩემს შვილთან საუბრისას მომივიდა, როდესაც მომხდარ კატასტროფაზე ვლაპარაკობდით. რა თქმა უნდა, ამაზე არაერთ მოქალაქეს აქამდეც უფიქრია და ამიტომაც ძა
ლიან სწრაფად გავერთიანდით ყველა ამ ეკოლოგიურად სასარგებლო იდეის ირგვლივ. ალბათ, შიშიც იყო მოტივატორი. მსგავსი რამ რომ არ გამეორდეს, აუცილებელია, დაირგას ხეები და გაკეთდეს დასასვენებელი პარკი, რომელიც, პირველ რიგში, ჩვენს ჯანმრთელობას შეუწყობს ხელს.
- ყველასთვის მოულოდნელად და ვფიქრობ, თქვენთვისაც, პრემიერ-მინისტრმა მეორე დღეს განაცხადა, რომ ტრაგედიის ადგილას სოლიდარობის პარკი გაშენდება. როგორ ფიქრობთ, შეიძლება, თქვენი სტატუსი წაეკითხა ან გადასცეს?
- ვერ გეტყვით, ვინ წაიკითხა და ვინ არა, ამას არსებითი მნიშვნელობა არ აქვს, მოხარული ვარ, თუ ჩვენი სურვილი მთავრობის გადაწყვეტილებას დაემთხვა.
- სტატუსზე მონიშნული გყავდათ პირველი ლედიც, რომელსაც ძალიან მოეწონა თქვენი იდეა...
- პირველ ლედის პირადად ვიცნობ და მასთან ვმეგობრობ.
- პეტიციამ პარკის გაშენების შესახებ კარგად იმუშავა და უამრავი ადამიანი შეუერთდა. როგორი წარმოგიდგენიათ პარკი ზოოპარკის ადგილას?
- მწვანე ბალახითა და უამრავი ხით, სავარჯიშო სარბენი ბილიკით, როგორც ფეხით მოსიარულეთათვის, ასევე ველოსიპედისთვის.
- თქვენი წვლილი რა იქნება?
- ჩემი წვლილი იქნება ის, რომ ბოლომდე ვუერთგულო ამ იდეას და თუ საჭირო იქნება, ორგანიზება გავუკეთო ფინანსების შეგროვებას, მეც ერთერთი დონორი ვიქნები.
- ზოგი განაწყენდა იმის გამო, რომ წერდით, ხალხმაც შეიტანოს თავისი ფულადი წვლილიო...
- აქ საწყენი არაფერია, სახელმწიფო რა თანხასაც გამოყოფს, ისიც ხალხის ფულია და ასევე კარგი იქნება, გავიზიაროთ სხვა ქვეყნების გამოცდილება, სადაც როგორც სახელმწიფო, ასევე ჩვეულებრივი მოქალაქეები არიან დონორები. ვფიქრობ, ასეთი მიდგომა უფრო გაგვიძლიერებს მოქალაქეობრივ პასუხისმგებლობას.
- როგორ შეაფასებდით ხალხის სოლიდარობას და ხელისუფლების მოქმედებას?
- რა თქმა უნდა, როცა ქვეყნისგან შორს ცხოვრობ, უფრო მძაფრად აღიქვამ ამ ყველაფერს. შემძრა ამ ტრაგედიამ და სიხარულით ამავსო ხალხის გაერთიანებამ და ერთად დგომამ, ხელისუფლებასა და კონკრეტულ სტრუქტურებს კი, რა თქმა უნდა, მეტი პასუხისმგებლობა და პროფესიონალიზმი მართებთ.
წყარო: reitingi.ge
ბაია ბიზნესმენ თემურ უგულავას მეუღლეა, თუმცა ახლა მეუღლესთან განქორწინების პროცესშია. ამერიკაში უმცროს შვილთან ერთად ცხოვრობს. ბავშვს რამდენიმე წლის წინ აუტიზმის დიაგნოზი დაუსვეს, ამერიკაში სპეციალიზებულ სკოლაში დაჰყავს. ის ერთ-ერთი პირველია, რომელმაც აუტისტი პატარებისადმი საზოგადოების ინტერესის გაღვივებას შეუწყო ხელი.
სოციალურ ქსელში ხშირად აქტიურობს და მიმდინარე მოვლენებს სტატუსების სახით ეხმაურება. 15 ივნისის საღამოს, ტრაგედიიდან ორ დღეში, ''ფეისბუქზე'' დაწერა.
''ზოოპარკის გადატანის შემთხვევაში, მაგ ადგილას რომ დიდი პარკი გაკეთდეს და ქალაქის ცენტრში ერთი კარგი გამწვანებული ლამაზი ადგილი გვქონდეს, ძალიან კარგი იქნება ყველასთვის. ლონდონში რომ ''ჰაიდ პარკი'' მოგვწონს და ნიუიორკში ''ცენტრალ პარკში'' გავრბივართ, იქნებ, ჩვენი ავაყვაოთ? აუცილებლად კორპუსებით უნდა გადატენონ ეგ ადგილი? არ ჯობია, მერიას თხოვნით მივმართოთ, რომ ეგ ადგილი დატოვონ პარკისთვის და ჩვენ ერთად გავაშენოთ მაქაურობა ჩვენივე შეგროვებული თანხებით, როგორც დღეს ალაგებთ ქუჩებს ყველა ერთად, ასევე ავაშენებთ მანდ პარკს და დავისვენებთ ერთად ჩვენი შვილებით!'' სტატუსზე უამრავი ცნობილი სახე მონიშნა და მათ შორის იყო პირველი ლედი, მაკა ჩიჩუაც, რომელსაც ბაიას იდეა ძალიან მოეწონა.
ამ ინიციატივის გაჟღერებიდან მეორე დღეს ირაკლი ღარიბაშვილმა განაცხადა, რომ შესაძლოა, ზოოპარკის ადგილას სოლიდარობის პარკი გაშენდეს. დავითაიას უამრავმა ადამიანმა მისწერა, რომ, სავარაუდოდ, პრემიერმა მისი სტატუსი წაიკითხა, თუმცა თავად ის უხარია, რომ მთავრობისა და მისი იდეები ერთმანეთს დაემთხვა.
- ბაია, პარკის გაშენების იდეა როგორ გაგიჩნდათ?
- ეს იდეა ჩემს შვილთან საუბრისას მომივიდა, როდესაც მომხდარ კატასტროფაზე ვლაპარაკობდით. რა თქმა უნდა, ამაზე არაერთ მოქალაქეს აქამდეც უფიქრია და ამიტომაც ძა
ლიან სწრაფად გავერთიანდით ყველა ამ ეკოლოგიურად სასარგებლო იდეის ირგვლივ. ალბათ, შიშიც იყო მოტივატორი. მსგავსი რამ რომ არ გამეორდეს, აუცილებელია, დაირგას ხეები და გაკეთდეს დასასვენებელი პარკი, რომელიც, პირველ რიგში, ჩვენს ჯანმრთელობას შეუწყობს ხელს.
- ყველასთვის მოულოდნელად და ვფიქრობ, თქვენთვისაც, პრემიერ-მინისტრმა მეორე დღეს განაცხადა, რომ ტრაგედიის ადგილას სოლიდარობის პარკი გაშენდება. როგორ ფიქრობთ, შეიძლება, თქვენი სტატუსი წაეკითხა ან გადასცეს?
- ვერ გეტყვით, ვინ წაიკითხა და ვინ არა, ამას არსებითი მნიშვნელობა არ აქვს, მოხარული ვარ, თუ ჩვენი სურვილი მთავრობის გადაწყვეტილებას დაემთხვა.
- სტატუსზე მონიშნული გყავდათ პირველი ლედიც, რომელსაც ძალიან მოეწონა თქვენი იდეა...
- პირველ ლედის პირადად ვიცნობ და მასთან ვმეგობრობ.
- პეტიციამ პარკის გაშენების შესახებ კარგად იმუშავა და უამრავი ადამიანი შეუერთდა. როგორი წარმოგიდგენიათ პარკი ზოოპარკის ადგილას?
- მწვანე ბალახითა და უამრავი ხით, სავარჯიშო სარბენი ბილიკით, როგორც ფეხით მოსიარულეთათვის, ასევე ველოსიპედისთვის.
- თქვენი წვლილი რა იქნება?
- ჩემი წვლილი იქნება ის, რომ ბოლომდე ვუერთგულო ამ იდეას და თუ საჭირო იქნება, ორგანიზება გავუკეთო ფინანსების შეგროვებას, მეც ერთერთი დონორი ვიქნები.
- ზოგი განაწყენდა იმის გამო, რომ წერდით, ხალხმაც შეიტანოს თავისი ფულადი წვლილიო...
- აქ საწყენი არაფერია, სახელმწიფო რა თანხასაც გამოყოფს, ისიც ხალხის ფულია და ასევე კარგი იქნება, გავიზიაროთ სხვა ქვეყნების გამოცდილება, სადაც როგორც სახელმწიფო, ასევე ჩვეულებრივი მოქალაქეები არიან დონორები. ვფიქრობ, ასეთი მიდგომა უფრო გაგვიძლიერებს მოქალაქეობრივ პასუხისმგებლობას.
- როგორ შეაფასებდით ხალხის სოლიდარობას და ხელისუფლების მოქმედებას?
- რა თქმა უნდა, როცა ქვეყნისგან შორს ცხოვრობ, უფრო მძაფრად აღიქვამ ამ ყველაფერს. შემძრა ამ ტრაგედიამ და სიხარულით ამავსო ხალხის გაერთიანებამ და ერთად დგომამ, ხელისუფლებასა და კონკრეტულ სტრუქტურებს კი, რა თქმა უნდა, მეტი პასუხისმგებლობა და პროფესიონალიზმი მართებთ.
წყარო: reitingi.ge
