დათო დარჩია: ''ევროკავშირში არავინ მიგვიღებს, რადგან ერთი დიდი სოფელი ვართ''
1 606 ნახვა
მსახიობ დათო დარჩიას გმირი სერიალიდან ''ჩემი ცოლის დაქალები'' ტრადიციების უბადლო მიმდევარია, რიგ შემთხვევებში ზედმეტად ტრადიციულიც კი. საინტერესოა, როგორ უყურებს ამ საკითხს თავად დათო დარჩია.
- იმას, რაც ქართულ სისხლ-ხორცში ზის, თაობების ცვლა ვერ წაშლის. სუფთა ქართული ბუნება, ხასიათი სუფრის ტრადიციებში ჩანს, ესაა ძირითადი და ძირძველი, რასაც ვერ გავექცევით, დანარჩენი ყველაფერი გამოგონილია.
- თამადის ინსტიტუტს ზოგჯერ სკეპტიკურად უყურებენ...
- თამადის ინსტიტუტი მისასალმებელია, რამეთუ, როცა იკრიბება 10-15 კაცი სუფრაზე, მათ, პირობითად, ხელმძღვანელი სჭირდებათ, თუმცა შეიძლება, სუფრის სხვა წევრებმაც თქვან სადღეგრძელოები. მთავარია, სხვა მხრივ არ გავაკეთოთ ცუდი რაღაცები, თორემ თამადის ინსტიტუტი არაა დიდად განსახილველი.
- ბევრისთვის ოჯახის უფროსი კაცია, თუმცა გენდერული თანასწორობაც აქტუალურია.
- ოჯახის უფროსის თემა მხოლოდ ქართველებს არ გვაქვს, იტალიელებს რომ აქვთ ოჯახის მიმართ გამორჩეული დამოკიდებულება, ასეთი იშვიათია. თამადის არ იყოს, ოჯახის უფროსი საჭიროა, მეტი გამოცდილება აქვს, შეიძლება, არ დაეთანხმო კონკრეტულ საკითხში, მაგრამ უნდა მოუსმინო და რჩევა მიიღო. მამაკაცს ოჯახის უფროსს იმიტომ უწოდებენ, რომ ძლიერია, თუნდაც ფიზიკურად, ასევე მამაკაცი მეომარია, შემომტანია. თუმცა ოჯახში ფუნქციებს ყველა ერთნაირად უნდა ინაწილებდეს. ზოგადად, პირველ რიგში სიყვარულია და მერე დანარჩენი სხვა.
- და ამის გამოა, რომ კაცის ღალატს ამართლებენ და ქალისას - არა?
- სიმართლე გითხრათ, ეს ჩემთვის გაუგებარია, ღალატი მიუღებელია როგორც კაცის, ასევე ქალის მხრიდან. ეს უკვე ქართული მიდგომაა, ქართველ კაცებს შეუძლიათ ჰქონდეთ სხვა ქალებთან ურთიერთობა, ცოლებს - არა, ეს დიდი სისულელეა.
- ამბობენ, რომ ქალების გაძლიერების ფონზე მამაკაცები შესუსტდნენ.
- მე არ მივიჩნევ ასე. წამოიწია გენდერულმა თემებმა, თუმცა ამას კაცები არ შეუსუტებია, საერთოდაც ვთვლი, რომ კი არ დასუსტდნენ, დამთმობები გახდნენ, ზედმეტ დაძაბულობას ირიდებენ თავიდან, ამიტომ ქალებს აძლევენ ასპარეზს, გინდა პრეზიდენტი იყავით, გინდა - მინისტრიო (იცინის).
Rating
- ''რაც მაგრები ვართ, ქართველები ვართ''?..
- ამ გამოთქმას არანაირად არ ვეთანხმები, ესაა ვიღაც მთვრალის სულელური ნათქვამი. ევროკავშირში არავინ მიგვიღებს, რადგან ერთი დიდი სოფელი ვართ. ოღონდ ისე არ გაიგოთ, რომ სოფელს ვაყენებ შეურაცხყოფას, ვგულისხმობ პროვინციალიზმს და არა კონკრეტულად სოფელს. რა მიდგომაა, არ მესმის, პორტუგალიელი რატომ არაა მაგარი, ან სერბი? ჩვენ, ქართველებმა, გავაკეთოთ ჩვენი საქმე ისე, რომ სხვებმა თქვან, აუ, რა მაგრები არიან ქართველებიო. ჩვენ რომ ვამბობთ ამას, ცოტა უხერხულია.
- ქორწინებამდე თანაცხოვრებაზე რა აზრის ხართ?
- ვთქვათ, ადამიანებს უყვართ ერთმანეთი, დადიან გარკვეული დრო ერთად, ეჩვევიან ერთიმეორეს და მერე ყოველგვარი ოფიციალური გაფორმების გარეშე გადაწყვეტენ ერთად ცხოვრებას. მე ამასთან არანაირი პრობლემა არ მაქვს, არ მიმაჩნია, რომ ეს კატასტროფაა... მერეც რომ არ შექმნან ოჯახი და ისე იცხოვრონ, ესეც არაა ტრაგედია. მეორედ, მესამედ ხომ თხოვდებიან, ხომ მოჰყავთ უკვე გათხოვილი ქალები, ე.ი. ქალიშვილობა არაა მთავარი და გადამწყვეტი, ჰოდა, ამ ფონზე, ქალიშვილობის აუცილებლობა ცოტა სისულელედ მეჩვენება. მე არავის არაფერს მოვუწოდებ, ყველამ ისე
უნდა გადაწყვიტოს თავისი ცხოვრება, როგორც თავად მიიჩნევს საჭიროდ, უბრალოდ, ჩემი დამოკიდებულება მოგახსენეთ ამ საკითხის მიმართ. ჩემთვის მთავარია, წყვილს შორის სიყვარული დავინახო. მშობელი რაღაცნაირად უნდა ერეოდეს შვილის პირად ცხოვრებაში, ამაში უხეშ ჩარევას კი არ ვგულისხმობ, უნდა იცოდეს, მის შვილს ვისთან აქვს საქმე, ვინაა მისი რჩეული, უნდა იცნობდეს მას, ამ ყველაფრის შემდეგ პირადად მე მაშინვე მივხვდები, ეს ნამდვილი გრძნობაა, თუ არა. თუ მართლაც სიყვარულთან გვაქვს საქმე, მაშინ ოფიციალური საკითხები მგონია, რომ მეორე ადგილზე გადადის.
- ჩვენს რეალობაში ოჯახები, ადრინდელთან შედარებით, გაცილებით ხშირად ინგრევა.
- XXI საუკუნემ ყველაფერი შეცვალა და ღირებულებები ნამდვილად გადაფასდა. ყველაფერი ერთმანეთზე მოქმედებს, ცხოვრება განვითარდა და შეიცვალა. ბევრია საყოფაცხოვრებო პრობლემა. ქვეყანაში სიტუაცია დალაგებული არაა. კომუნისტები მოგვწონდა-არ მოგვწონდა, ეს სხვა თემაა, თუმცა სისტემა ჰქონდათ აწყობილი, კი ვისხედით ჩარჩოებში, მაგრამ შედარებით მარტივად ხდებოდა მწყობრში მოყვანა. ახლა თითქოს დროც და ცხოვრებაც აჩქარებულია, ეტყობა, სიყვარულიც ვერ მწიფდება სათანადოდ, სწრაფად ვითარდება მოვლენები, მარტივად იღებენ გადაწყვეტილებებს და მერე პრობლემების წინაშე დადგომისთანავე ხვდებიან, რომ არ ყოფილან ამ პასუხისმგებლობისთვის მზად. ზოგადად, ძალიან რთული საკითხია და ასე მარტივად პასუხს ვერ გასცემ.
- არატრადიციული ორიენტაციის ადამიანები უკვე ღიად აფიქსირებენ საკუთარ იდენტობას. თქვენ რას ფიქრობთ?
- ამ საკითხშიც 50/50-ზე ვარ. რა უფლება აქვს ვინმეს, დევნოს სხვა ადამიანი? ღმერთმა ადამიანს უბოძა სიცოცხლე და ის ისე წარმართავს ცხოვრებას, როგორც თავად უნდა. პირადად მე არანაირი ზიზღი და ბრაზნარევი დამოკიდებულება არ მაქვს, მეტიც, ვიცნობ ასეთ ადამიანებს, მეგობრებიც მყავს. უბრალოდ, ამის ზედმეტად აფიშირება არაა სწორი. არატრადიციული ორიენტაციის ადამიანები ყოველთვის არსებობდნენ, მაგრამ მათი რეკლამა არ მიმდინარეობდა, დემონსტრაციები არ არის სწორი. კი ბატონო, ამსტერდამში ტარდება, თუ არ ვცდები, აგვისტოს 7-ში, მაგრამ იქ სხვანაირი თვალით უყურებენ ამ ყველაფერს, ნამყოფიც ვარ, თავი სპექტაკლზე მეგონა, სხვა სანახაობაა. ჩვენს ქვეყანაში კი გეიაღლუმები ცოტა სასაცილო და არასასიამოვნოა. უბრალოდ, ისეთი საინტერესო რაღაცები შეიძლება ხდებოდეს ჩვენს ქვეყანაში, რომ ვიღაც უკანალს ვის აძლევს, საერთოდ არ მაინტერესებს, არადა, მაინცდამაინც ამის მიმართაა გაშმაგებული ინტერესი. რაც უნდათ, ის უქნიათ, არ უნდა მახვილდებოდეს ამაზე ყურადღება.
- რატომღაც ჩვენს ქვეყანაში პოლიტიკა და სექსი ძალიან აქტუალური თემებია.
- ასეა. ძირითადად, შუქდება პოლიტიკა და ვიღაც ეკა როგორ აგინებს პატრულს, ან ვიღაც ჰომოსექსუალი სად რას აკეთებს. დანარჩენ თემებს ამათთან შედარებით საკმაოდ ცოტა დრო ეთმობა.
წყარო: reitingi.ge
- იმას, რაც ქართულ სისხლ-ხორცში ზის, თაობების ცვლა ვერ წაშლის. სუფთა ქართული ბუნება, ხასიათი სუფრის ტრადიციებში ჩანს, ესაა ძირითადი და ძირძველი, რასაც ვერ გავექცევით, დანარჩენი ყველაფერი გამოგონილია.
- თამადის ინსტიტუტს ზოგჯერ სკეპტიკურად უყურებენ...
- თამადის ინსტიტუტი მისასალმებელია, რამეთუ, როცა იკრიბება 10-15 კაცი სუფრაზე, მათ, პირობითად, ხელმძღვანელი სჭირდებათ, თუმცა შეიძლება, სუფრის სხვა წევრებმაც თქვან სადღეგრძელოები. მთავარია, სხვა მხრივ არ გავაკეთოთ ცუდი რაღაცები, თორემ თამადის ინსტიტუტი არაა დიდად განსახილველი.
- ბევრისთვის ოჯახის უფროსი კაცია, თუმცა გენდერული თანასწორობაც აქტუალურია.
- ოჯახის უფროსის თემა მხოლოდ ქართველებს არ გვაქვს, იტალიელებს რომ აქვთ ოჯახის მიმართ გამორჩეული დამოკიდებულება, ასეთი იშვიათია. თამადის არ იყოს, ოჯახის უფროსი საჭიროა, მეტი გამოცდილება აქვს, შეიძლება, არ დაეთანხმო კონკრეტულ საკითხში, მაგრამ უნდა მოუსმინო და რჩევა მიიღო. მამაკაცს ოჯახის უფროსს იმიტომ უწოდებენ, რომ ძლიერია, თუნდაც ფიზიკურად, ასევე მამაკაცი მეომარია, შემომტანია. თუმცა ოჯახში ფუნქციებს ყველა ერთნაირად უნდა ინაწილებდეს. ზოგადად, პირველ რიგში სიყვარულია და მერე დანარჩენი სხვა.
- და ამის გამოა, რომ კაცის ღალატს ამართლებენ და ქალისას - არა?
- სიმართლე გითხრათ, ეს ჩემთვის გაუგებარია, ღალატი მიუღებელია როგორც კაცის, ასევე ქალის მხრიდან. ეს უკვე ქართული მიდგომაა, ქართველ კაცებს შეუძლიათ ჰქონდეთ სხვა ქალებთან ურთიერთობა, ცოლებს - არა, ეს დიდი სისულელეა.
- ამბობენ, რომ ქალების გაძლიერების ფონზე მამაკაცები შესუსტდნენ.
- მე არ მივიჩნევ ასე. წამოიწია გენდერულმა თემებმა, თუმცა ამას კაცები არ შეუსუტებია, საერთოდაც ვთვლი, რომ კი არ დასუსტდნენ, დამთმობები გახდნენ, ზედმეტ დაძაბულობას ირიდებენ თავიდან, ამიტომ ქალებს აძლევენ ასპარეზს, გინდა პრეზიდენტი იყავით, გინდა - მინისტრიო (იცინის).
Rating
- ''რაც მაგრები ვართ, ქართველები ვართ''?..
- ამ გამოთქმას არანაირად არ ვეთანხმები, ესაა ვიღაც მთვრალის სულელური ნათქვამი. ევროკავშირში არავინ მიგვიღებს, რადგან ერთი დიდი სოფელი ვართ. ოღონდ ისე არ გაიგოთ, რომ სოფელს ვაყენებ შეურაცხყოფას, ვგულისხმობ პროვინციალიზმს და არა კონკრეტულად სოფელს. რა მიდგომაა, არ მესმის, პორტუგალიელი რატომ არაა მაგარი, ან სერბი? ჩვენ, ქართველებმა, გავაკეთოთ ჩვენი საქმე ისე, რომ სხვებმა თქვან, აუ, რა მაგრები არიან ქართველებიო. ჩვენ რომ ვამბობთ ამას, ცოტა უხერხულია.
- ქორწინებამდე თანაცხოვრებაზე რა აზრის ხართ?
- ვთქვათ, ადამიანებს უყვართ ერთმანეთი, დადიან გარკვეული დრო ერთად, ეჩვევიან ერთიმეორეს და მერე ყოველგვარი ოფიციალური გაფორმების გარეშე გადაწყვეტენ ერთად ცხოვრებას. მე ამასთან არანაირი პრობლემა არ მაქვს, არ მიმაჩნია, რომ ეს კატასტროფაა... მერეც რომ არ შექმნან ოჯახი და ისე იცხოვრონ, ესეც არაა ტრაგედია. მეორედ, მესამედ ხომ თხოვდებიან, ხომ მოჰყავთ უკვე გათხოვილი ქალები, ე.ი. ქალიშვილობა არაა მთავარი და გადამწყვეტი, ჰოდა, ამ ფონზე, ქალიშვილობის აუცილებლობა ცოტა სისულელედ მეჩვენება. მე არავის არაფერს მოვუწოდებ, ყველამ ისე
უნდა გადაწყვიტოს თავისი ცხოვრება, როგორც თავად მიიჩნევს საჭიროდ, უბრალოდ, ჩემი დამოკიდებულება მოგახსენეთ ამ საკითხის მიმართ. ჩემთვის მთავარია, წყვილს შორის სიყვარული დავინახო. მშობელი რაღაცნაირად უნდა ერეოდეს შვილის პირად ცხოვრებაში, ამაში უხეშ ჩარევას კი არ ვგულისხმობ, უნდა იცოდეს, მის შვილს ვისთან აქვს საქმე, ვინაა მისი რჩეული, უნდა იცნობდეს მას, ამ ყველაფრის შემდეგ პირადად მე მაშინვე მივხვდები, ეს ნამდვილი გრძნობაა, თუ არა. თუ მართლაც სიყვარულთან გვაქვს საქმე, მაშინ ოფიციალური საკითხები მგონია, რომ მეორე ადგილზე გადადის.
- ჩვენს რეალობაში ოჯახები, ადრინდელთან შედარებით, გაცილებით ხშირად ინგრევა.
- XXI საუკუნემ ყველაფერი შეცვალა და ღირებულებები ნამდვილად გადაფასდა. ყველაფერი ერთმანეთზე მოქმედებს, ცხოვრება განვითარდა და შეიცვალა. ბევრია საყოფაცხოვრებო პრობლემა. ქვეყანაში სიტუაცია დალაგებული არაა. კომუნისტები მოგვწონდა-არ მოგვწონდა, ეს სხვა თემაა, თუმცა სისტემა ჰქონდათ აწყობილი, კი ვისხედით ჩარჩოებში, მაგრამ შედარებით მარტივად ხდებოდა მწყობრში მოყვანა. ახლა თითქოს დროც და ცხოვრებაც აჩქარებულია, ეტყობა, სიყვარულიც ვერ მწიფდება სათანადოდ, სწრაფად ვითარდება მოვლენები, მარტივად იღებენ გადაწყვეტილებებს და მერე პრობლემების წინაშე დადგომისთანავე ხვდებიან, რომ არ ყოფილან ამ პასუხისმგებლობისთვის მზად. ზოგადად, ძალიან რთული საკითხია და ასე მარტივად პასუხს ვერ გასცემ.
- არატრადიციული ორიენტაციის ადამიანები უკვე ღიად აფიქსირებენ საკუთარ იდენტობას. თქვენ რას ფიქრობთ?
- ამ საკითხშიც 50/50-ზე ვარ. რა უფლება აქვს ვინმეს, დევნოს სხვა ადამიანი? ღმერთმა ადამიანს უბოძა სიცოცხლე და ის ისე წარმართავს ცხოვრებას, როგორც თავად უნდა. პირადად მე არანაირი ზიზღი და ბრაზნარევი დამოკიდებულება არ მაქვს, მეტიც, ვიცნობ ასეთ ადამიანებს, მეგობრებიც მყავს. უბრალოდ, ამის ზედმეტად აფიშირება არაა სწორი. არატრადიციული ორიენტაციის ადამიანები ყოველთვის არსებობდნენ, მაგრამ მათი რეკლამა არ მიმდინარეობდა, დემონსტრაციები არ არის სწორი. კი ბატონო, ამსტერდამში ტარდება, თუ არ ვცდები, აგვისტოს 7-ში, მაგრამ იქ სხვანაირი თვალით უყურებენ ამ ყველაფერს, ნამყოფიც ვარ, თავი სპექტაკლზე მეგონა, სხვა სანახაობაა. ჩვენს ქვეყანაში კი გეიაღლუმები ცოტა სასაცილო და არასასიამოვნოა. უბრალოდ, ისეთი საინტერესო რაღაცები შეიძლება ხდებოდეს ჩვენს ქვეყანაში, რომ ვიღაც უკანალს ვის აძლევს, საერთოდ არ მაინტერესებს, არადა, მაინცდამაინც ამის მიმართაა გაშმაგებული ინტერესი. რაც უნდათ, ის უქნიათ, არ უნდა მახვილდებოდეს ამაზე ყურადღება.
- რატომღაც ჩვენს ქვეყანაში პოლიტიკა და სექსი ძალიან აქტუალური თემებია.
- ასეა. ძირითადად, შუქდება პოლიტიკა და ვიღაც ეკა როგორ აგინებს პატრულს, ან ვიღაც ჰომოსექსუალი სად რას აკეთებს. დანარჩენ თემებს ამათთან შედარებით საკმაოდ ცოტა დრო ეთმობა.
წყარო: reitingi.ge
