სიბერე - ის, რისიც ყველაზე მეტად გვეშინია - აკონტროლეთ თქვენი ბიოლოგიური ასაკი

ადამიანის სხეული ძალიან დამჯერი და დაკვირვებული ინსტრუმენტია და თუ ორგანიზმში რაიმე ისე არ არის, ის მაშინვე გვაძლევს სიგნალს.

სპეციალისტები ამტკიცებენ, რომ მთავარია, ეს სიგნალები დროულად დაიჭირო. ხანდახან დაბერების პროცესი ადრე იწყება და ამის მიზეზი ბევრი რამაა: ავადმყოფობები, ორგანიზმის გადაღლა, გენეტიკური ფაქტორი, სტრესი, არაჯანსაღი გარემო, ცხოვრების სტილი.

მაგრამ თუ ჩვენს ორგანიზმს სათანადოდ დავიცავთ, შევძლებთ, ჩვენს ქრონოლოგიურ ასაკთან შედარებით ბევრად ახალგაზრდად გამოვიყურებოდეთ.

ტესტი: როგორია თქვენი ბიოლოგიური ასაკი?

სიბერის ნიშნები არა მარტო სახეზე აისახება - ძირითადად, ისინი ორგანიზმში ძალიან ღრმად არის დამალული. იმისათვის, რომ გაარკვიოთ, აღგენიშნებათ თუ არა სიბერის
ნიშნები, უპასუხეთ ტესტის შეკითხვებს, რომელსაც აღმოსავლელი ექიმები ათასწლეულის წინაც იყენებდნენ.

1. ადვილად იღლებით, ხშირად გინდებათ დასვენება?

2. გაღვიძებისთანავე გტკივდებათ წელი და ხერხემლის არეში დაჭიმულობას გრძნობთ?

3. გტკივათ სახსრები, განსაკუთრებით, მუხლები?

4. ხშირად გეღვიძებათ ღამით და ტუალეტში გადიხართ?

5. გაწუხებთ უძილობა, გესიზმრებათ კოშმარები, სადაც თქვენს სიცოცხლეს საფრთხე ემუქრება?

6. ხშირად გამცივნებთ, გეყინებათ კიდურები?

7. სქესობრივი ფუნქციების დაქვეითებას ხომ არ ამჩნევთ?

8. მამაკაცებს: რამდენად ხშირად გემართებათ ნაადრევი ეაკულაცია?

9. ქალებს: ხომ არ შეინიშნება მენსტრუალური ციკლის დარღვევა?

10. სისტემატურად გაწუხებთ თავის ტკივილი, თავბრუსხვევა?

11. მომატებული გაქვთ ოფლიანობა?

12. ადვილად გეღლებათ თვალები? ხომ არ დაგიქვეითდათ მხედველობა? გაქვთ ცრემლდენა?

13. მკერდში მოჭერას თუ გრძნობთ, გაქვთ შენელებული სუნთქვა, ხშირად ცივდებით?

14. გესმით ყურებში ხმაური, აღგენიშნებათ სმენის დაქვეითება?

15. თუ აღგენიშნებათ მსგავსი სიმპტომები: თმის სიმშრალე, ცვენა, ჭაღარა?

16. პირში სიმხურვალეს თუ გრძნობთ, ენის სიწითლე ხომ არ შეგიმჩნევიათ?

17. ხშირად ნერვიულობთ? თამაშობს თქვენი წნევა?

18. ხშირად უმიზეზოდ ფორიაქობთ, გაქვთ შიშები?

19. გეფანტებათ გონება, გულმავიწყი გახდით?

20. წონაში მკვეთრი კლება ხომ არ აღგენიშნებათ (იმ შემთხვევაში, თუ, რა თქმა უნდა, დიეტაზე არ ხართ), გიჩნდებათ მოულოდნელი ნაოჭები სახეზე?

ტესტის შედეგები:

ყოველი პასუხი "დიახ" ერთი ქულაა, რომელიც ნაადრევ დაბერებაზე მიუთითებს.

თუ თქვენ დადებითად უპასუხეთ მხოლოდ პირველ 5–7 კითხვას, ეს ორგანიზმის დაბერებაზე კი არა, თირკმლის ფუნქციის შესუსტებაზე მეტყველებს.

7-იდან 15 ქულამდე - ბიოლოგიურად თქვენ შუახნის ბრძანდებით.

15-იდან 20 ქულამდე - დღედღეზე კლიმაქსი დაგეწყებათ, მზად იყავით!

თუ თქვენ 20-ივე კითხვას დადებითად უპასუხეთ - ბიოლოგიური დროით თქვენი ასაკი 70–80 წლის ტოლია.

რა უნდა გააკეთოთ, თუ სიბერის ნიშნები აღმოიჩინეთ?

ნუ შემოჰკრავთ განგაშის ზარს. თქვენ შეგწევთ უნარი, ორგანიზმის უარყოფითი გამოვლინებები აღკვეთოთ და შეაჩეროთ დაბერების პროცესი.

მაშ ასე, ვინარჩუნებთ ახალგაზრდობას:

1. სვით მწვანე ჩაი

მწვანე ჩაიში დიდი რაოდენობით არის ანტიოქსიდანტები, რომლებიც ანეიტრალებენ თავისუფალი რადიკალების მოქმედებას და ორგანიზმის დაბერების პროცესს ანელებენ.

2. მიირთვით შავი შოკოლადი

ევროპელმა დერმატოლოგებმა კვლევების შედეგად დაამტკიცეს, რომ ყოველდღიურად შოკოლადის მიღება - ნაოჭების გაჩენას უშლის ხელს, ასევე, ამცირებს კანის კიბოს წარმოქმნის რისკს. მიზეზი იმალება ნივთიერებებში, რომელსაც შეიცავს კაკაოს მარცვალი. მაგრამ უნდა აღინიშნოს, რომ სასარგებლოა მხოლოდ მწარე შოკოლადი, რომელიც 70%-ით კაკაოს შეიცავს.

სხვათა შორის, იტალიელმა მეცნიერებმა დაადგინეს, რომ შოკოლადი სისხლძარღვოვანი დაავადებების მკურნალია, ხოლო ბრიტანელებმა დაამტკიცეს, რომ შოკოლადის ყოველდღიური მიღება ქრონიკულ დაღლილობას მოგიხსნით და მეხსიერებას გაგიუმჯობესებთ.

3. გაიკეთეთ ხილის ნიღბები

როგორც კოსმეტოლოგები ამტკიცებენ, ნაოჭების საწინააღმდეგო საუკეთესო საშუალება - ხილის ნიღბებია. თავად მოამზადეთ ნიღბები მარწყვისგან, პაპაიასგან, ვაშლისგან, გრეიპფრუტისა და სხვა ხილისგან.

3. დაკავდით სპორტით

ექსპერტების მიერ დამტკიცებულია, რომ კანის დაბერებას ხელს უწყობს კუნთოვანი ტონუსის მოდუნება. იმისათვის, რომ შეინარჩუნოთ ფორმა, ყოველდღიურად ნახევარსაათიანი ფიზიკური აქტივობა საკმარისია.

4. იცინეთ

სიცილი სისხლში კორტიზოლის - სტრესის ჰორმონის დონეს დაბლა სწევს. ეს უკანასკნელი დაბერების პროცესს ანელებს.

5. რეგულარულად დაკავდით სექსით

რეგულარული სექსი სისხლში სიხარულის ჰორმონის - სეროტონინის დონეს მაღლა სწევს, რაც დაბერების პროცესს ანელებს.

6. ფრთხილად იყავით მედიკამენტებთან

მედიკამენტების მიღებისას ყურადღება მიაქციეთ, შესაძლებელია თუ არა მათი მიღება სხვა პრეპარატებთან ან კონკრეტულ საკვებთან ერთად.

7. განეწყვეთ ახალგაზრდობისკენ

დაბოლოს... ყველაზე მთავარი - შინაგანი განწყობა. შეცვალეთ შეხედულებები ცხოვრებაზე უკეთესობისკენ. ოპტიმიზმი, საგნების პოზიტიური ხედვა, იმის ჩვევა, ყველაფერში კარგი დაინახო, ახლობლების სიყვარული და მყარი მეგობრული ურთიერთობები - დაგეხმარებათ ყოველთვის ლამაზად და ახალგაზრდულად გამოიყურებოდეთ!