თბილისში ორი დღით მყოფი ჰოლივუდის ვარსკვლავი ქართველებმა აატირეს - "მაგარი ემოციური მუხტი მიიღო"
გასულ კვირას თბილიში ცნობილი ბრიტანელი ჰოლივუდის მსახიობი - ჯეისონ ფლემინგი იმყოფებოდა. მას მაყურებელი არაერთი საინტერესო როლით იცნობს. თბილისში ერთ-ერთმა კომპანიამ სარეკამო რგოლის გადასაღებად ჩამოიყვანა. მის აქ ჩამოყვანაში დიდი წვლილი პროდიუსერმა და რეჟისორმა ნიკოლოზ ხომასურიძემ მიიღო. როგორც ამბობს, ისინი მეგობრები არიან და ერთმანეთს კარგად იცნობენ, ერთმანეთი კი პროექტზე "ჯინსების თაობა" გაიცნეს (ფილმი ნიკა ხომასურიძემ უნდა გადაიღოს, ოღონდ, პროექტი ამ ეტაპზე ფინანსების უქონლობის გამო შეჩერებულია. ჯეისონი ფილმში მღვდლის (ჩიხლაძე) როლზეა დამტკიცებული).
ნიკოლოზ ხომასურიძე:
- ჯეისონის თბილისში ჩამოყვანა საკმაოდ უცებ მოხდა, თუმცა უკვე სამი წელია, მინდოდა, რომ თბილისში ჩამოსულიყო. ძალიან კარგი მსახიობია და გარდა ამისა, უმაგრესი პიროვნება. მოკლედ, ჩემს მეგობარს გიორგი ქვლივიდს აქვს სარეკლამო კომპანია, რომელსაც ერთ-ერთი ცნობილი ბანკის კლიპი უნდა გადაეღო და ჯეისონის ვიზიტი თბილისში ერთობლივად განვახორციელეთ. სცენარის მიხედვით, აღნიშნულ კომპანიას, უცხოელი მსახიობი უნდოდა, - ასე იყო. ბევრი ვიფიქრეთ, ბოლოს ჯეისონ ფრემინგზე შევჩერდით და დავუკავშირდით.
ზუსტად ისე დაემთხვა, რომ მას ამ პერიოდში დრო ჰქონდა და ჩამოვიდა. ამასთან, რა თქმა უნდა, პირობებზეც შევთანხმდით. ფაქტობრივად, სულ ორი დღით ჩამოვიდა.
- სერიოზული პირობები წაგიყენათ, თუ ამ შემთხვევაში ამ ყველაფერს თქვენმა მეგობრობამ შეუწყო ხელი?
- კი, მეგობრობა დაგვეხმარა...
- როგორი პიროვნებაა? ადვილია მასთან ურთიერობა?
- ყველა ასეთი წარმატებული ადამიანი, თითქმის ერთნაირია, რადგანაც მათ, სანამ წარმატებას მიაღწევდნენ, თითქმის მსგავსი გზა აქვთ გავლილი. ამიტომ, ურთიერთობის და მეგობრობის ფასი კარგად იციან. ასე რომ უპრობლემო და ჩვეულებრივი ადამინია. თუმცა შეიძლება სანამ ახლოს გაიცნობ, ასე არ იფიქრო, თუმცა ჩვენს მეგობარს საკუთარ თავზე დიდი წარმოდგენა არ აქვს, ჩვეულებრივია ურთიერთობაში. დიახ, მაგარი პოროფესიონალები მაგარი ადამიანები არიან, თავმდაბლობაა მათი ცხოვრების მთავარი თვისება.
- მას ახლა შემოქმედებითად აქტიური პერიოდი აქვს?
- ახლა დევით პინჩერის სერიალში იყო დაკავებული, 4 სერია გადაიღეს, ამიტომ ლონდონში იყო
ჩასული და ჩვენთან იქიდან ჩამოვიდა. ცოტა ხანში ისევ ლოს-ანჯელესში დაბრუნდება. იქ პარალელურად რამდენიმე ფილმზე მუშაობს. მაგ რანგის მსახიობები სულ დატვირთულები არიან, უკვე იმ საფეხურზე იმყოფებიან, რომ სამუშაოს ძებნა არ უჭირთ. 
- მოეწონა საქართველო?
- იმ მცირე დროში, რაც შევძელით, ვანახვეთ და დავათვლიერებინეთ. პირველ დღეს რეკლამის გადაღება ჰქონდა, მერე რამდენიმე ინტერვიუ, საღამოს სადილი და ნამგზავრმა ცოტა დაისვენა. მეორე დღეს კახეთში წავედით და იქ ისე მოუწყვეთ საქმე, რომ ხინკალიც გააკეთა, მწვადიც შეწვა და ჩურჩხელაც ამოავლო. ასეთი მიკრო კლიმატი შევუქმენით. მოკლედ, ძალიან ისიამოვნა. შემდგომ პატარა წვეულებაც მოვუწყვეთ, სადაც ჩემი მეგობრები "ქართული ხმების" კვარტეტი ჩამოვიდა. მათმა სიმღერამ მასზე საოცრად იმოქმედა. ეს ბოლო წერტილი იყო, ამის შემდეგ თვალზე ცრემლი მოადგა... მაგარი ემოციური მუხტი მიიღო.
ამასთან, მშვენიერი სამახსოვრო ფოტოები გვაქს გადაღებული და ვიდეომასალაც, რომელსაც დავამონტაჟებთ და მაყურებელს მისი ხილვის საშულებაც ექება. თავად სარეკლამო კლიპს, რომლის გადასაღებადაც საქართველოში ჩამოვიდა, მას მაყურებელი ცოტა ხანში იხილავს.
წყარო: ambebi.ge
