ნინი ონიანის სილამაზის საიდუმლო – როგორ ინარჩუნებს წონას მსახიობი

ნინი ონიანს უკვე კარგად იცნობს ჩვენი მკითხველი. სერიალებში თამამი სცენებით და გულახდილი ფოტოებით მამაკაცების ყურადღება მალევე მიიქცია. დავინტერესდით, რა დროს უთმობს ნინი თავის მოვლას და როგორ ახერხებს, რომ ყოველთვის მომხიბვლელად გამოიყურებოდეს.

- ყოველთვის ვცდილობ, რომ ჯანსაღი საკვებით ვიკვებო. ქუჩაში არასდროს ვყიდულობ მზა პროდუქტს. ვცდილობ, ყოველთვის მე მოვამზადო საჭმელი.

- როგორ იკვებები?
- არასდროს არ ვჭამ შემწვარ საჭმელს. ხშირად ვჭამ მოხარშულ ქათმის ხორცს. ძალიან მიყვარს ბოსტნეული და ხილი. ყველაზე მეტად კი ყვავილოვანი კომბოსტო მიყვარს, რომელიც ძალიან სასარგებლოა. ვსაუზმობ ჰერკულესის ფაფით ან წიწიბურით და დღის განმავლობაში ოთხჯერ ან ხუთჯერ ვიკვებები. ეს ძალიან კარგია ჯანმრთელობისთვის. მსუბუქ ვარჯიშებს ვაკეთებ, იმისთვის რომ სულ ტონუსში ვიყო.

- თმისა და სახის მოვლას ბევრ დროს უთმობ?
- სახის და თმის მოვლისას არაფერს განსაკუთრებულს არ ვაკეთებ. თმა ბოლოებში რომ არ გაიყოს, ნიღაბს ვიკეთებ.



- სახლში ამზადებ ნიღაბს?
- სახლში მომზადებულ თავის მოვლის სხვადასხვა საშუალებების არ მჯერა. ბევრ ფულს არ დახარჯავდნენ, ფაბრიკები იმისთვის, რომ კრემები გამოეშვათ, იგივე

ეფექტის მიღება სახლის პირობებშიც რომ იყოს შესაძლებელი.
სახის ნიღბებსაც განსაკუთრებულს არ ვხმარობ. სახეს რამდენჯერმე ვიბან დღეში გრილი წყლით. ვხმარობ სკრაბს, შემდეგ კი დამატენიანებელ კრემს ვისვამ. თუმცა ამ პროცედურას ზაფხულში იშვიათად ვიკეთებ.

- ფიქრობ, რომ ძილი აუცილებელია ჯანმრთელობისთვის და შეგიძლია, კარგ გართობაზეც თქვა უარი იმის გამო, რომ ძილის რეჟიმი არ დაარღვიო?
- სილამაზის ერთ-ერთი საიდუმლო კარგი ძილია. თუმცა სამწუხაროდ უძილობა მაწუხებს. გვიან მეძინება და მალევე მეღვიძება. ძალიან ცოტა ხნით მძინავს. ადრე დამამშვიდებელს ვსვამდი, რომ დამძინებოდა, მაგრამ უშედეგოდ. ახლა ძილის წინ ვვარჯიშობ. ეს ხელს უწყობს ჯანსაღ ძილს.

- არასდროს ყოფილხარ დიეტაზე?
- გენეტიკურად ვარ გამხდარი. ჩემს ოჯახში არასდროს არავინ ყოფილა ჭარბწონიანი. თუმცა თუ ხელს არ შევუწყობ, შეიძლება, ასაკი რომ მომემატება, ფორმები შემეცვალოს და მოვიმატო.

- კარგი ნამზეური რომ გქონდეს, ამისთვის რას აკეთებ?
- მზეზე მიღებული რუჯს ვერაფერი შეედრება, მაგრამ მე ვისვამ ინტენსიური გარუჯვის საშუალებებს. ძალიან მიყვარს რუჯი. კანისთვის მავნეა, თუმცა სამწუხაროს ჯერჯერობით ვერ ვამბობ უარს მუქი ფერის კანზე.