ლეგენდარული მსახიობი ომარ შარიფი 83 წლის ასაკში გარდაიცვალა

ცნობილი ეგვიპტელი მსახიობი ომარ შარიფი 83 წლის ასაკში გარდაიცვალა. ამის შესახებ მსახიობის აგენტმა განაცხადა.

ცოტა ხნის წინ გავრცელდა ინფორმაცია, რომ მსახიობს ალცგეიმერის დაავადება ჰქონდა.
ომარ შარიფი 1932 წელს ალექსანდრიაში დაიბადა. მისი ნამდვილი სახელი - მიშელ დიმიტრი შალხუბია.

შარიფს ამერიკულ და ევროპულ კონოში იღებდნენ. იგი ცნობილია დევიდ ლინის "ლოურენს არავიელსა" და "სასაცილო გოგონაში" განსახიერებული როლებით.

1962 წელს მან "ლოურენს არავიელში" განსახიერებული როლისთვის "ოქროს გლობუსი" მიიღო, როგორც მამაკაცის მეორეხარისხოვანი როლის საუკეთესო შემსრულებელმა. 1965 წელს კი - მამაკაცის როლის საუკეთესო შესრულებისთვის ("ექიმი ჟივაგო").

მსახიობი წარდგენილი იყო ასევე "ოსკარზე".
წყარო: ambebi.ge