"ასეთი დაუცველი ამ პლანეტაზე არასდროს ვყოფილვარ" - ანრი ჯოხაძის პირველი ინტერვიუ მოსკოვის აეროპორტში მომხდარი ინციდენტის შემდეგ

მომღერალი ანრი ჯოხაძე გუშინ რუსეთის ვიზის არქონის გამო მოსკოვში, "დომოდედოვოს" აეროპორტში დააკავეს. ამის შესახებ ინფორმაცია "ფეისბუქის" საკუთარ გვერდზე თავად გაავრცელა. როგორც მომღეალი აღნიშნავს, მას იქ არნახული სტრესის გადატანა მოუხდა, 5 საათი რუსი მესაზრვრეების პირისპირ სრულ გაუგებრობაში იმყოფებოდა. საბოლოოდ ჯარიმა გადაახდევინეს და გუშინვე გვიან ღამით დაბრუნდა თბილიში.
"ამბები.გე" მომღერალს დაუკავშირდა და ამ ინცინდენტის გამო კომენტარი სთხოვა.

- ბელორუსში "სლავიანსკი ბაზრის" საბვშვო კონკურსის ჟიურიში გახლდით მიწვეული. იმის გამო, რომ ორშაბათს, საღამოს თბილიში, "X ფაქტორის" პირდაპირი ეთერი იყო და აქ უნდა ვყოფილიყავი, საქართველოში ჩამოფრენა უნდა მომესწრო. ერთადერთი რეისი, რომელიც დროულად ჩამოდიოდა, (5-ის ნახევარზე უწევდა) მინსკი-მოსკოვი-თბილისი იყო. არც ერთი ქვეყნის აეროპორტში პრობლემა არ არის, თუნაც უვიზოდ იყო, ტრანზიტულ ზონას გაივლი, აეროპორტის ტერიტორიას არ ტოვებ და ჩვეულებრივად აგრძელებ ფრენას. მოკლედ, არავისთან არანაირი ახსნა-განმარტება საჭირო არ არის.
ვიცოდი, რომ "დომოდედოვოს" საშინელი აეროპორტი იყო და ამიტომ, იქაურ თანამშრომლებს (პოილიცია, მესაზღვრეები), ყველას ვკითხე, სად არის ტრანზიტული გასასვლელი-მეთქი (თვითონ "ტრანზიტნაია კომნატას" ეძახიან), ყველა გარკვეული ადგილისკენ მიმითითებდა, ბოლოს რომელ მესაზღვრესაც ვკითხე, ჩვეულებრივად მიმაცილა საპასპორტო კონტროლამდე, ანუ ტიპმა ჩვეულებრვად დამარღვევინა საღზვარი. არ იცოდა, თუ სპეციაურად გამიჩალიჩა ეს, ვერ ვხვდები...

- როგორც ჩანს, ზედეტი სიფრთხილისგან აღმოჩნდი გაუგებრობაში.
- არ ვიცი, რა მოხდა, მაგრამ ზუსტად შემიძლია, ვთქვა, რომ 5-6 იქაურ თანამშრომელს ვკითხე, როგორ უნდა გამევლო საჭირო ტერიტორია. თუმცა საპასპორტო გამშვებ პუნქტთან აღმოვჩნდი და ეს ამ ამბის საოცარი აკორდიც იყო. იქ მითხრეს, დავარღვიე რუსეთის ფედერაციის საზღვარი. მივხვდი, რომ ჩემი საქმე კარგად ვერ იყო... ადამიანს ვუხსნიდი, ვეუბნებოდი, რომ აქამდე თქვენმა თანამშრომელმა მომაცილა, მგონი, რაღაც გაუგებრობაა, მე თბილისში მივფრინავ, ტრანზიტულად ვარ-მეთქი. რა თქმა უნდა, არ აინტერსებდათ ეს. მთავარი იყო, რომ დავარღვიე საზღვარი და თან, ქართველიც ვიყავი...
გადამიყვანეს საემიგრაციო განყოფილებაში, შეადგინეს პატაკი.

- დაგკითხეს?
- კი, მეკითხებოდნენ, რას ვაკეთებდი რუსეთის ტერიტორიაზე? ვეუბნებოდი, რომ ეს წუთია მინსკიდან ჩამოვფრინდი, აეროპორტიც არ დამიტოვებია, ხომ ვამბობ, არ მისმენდნენ. ამ დამოკიდებულებით გაოგნებული ვიყავი.

- მერე მოგეცა საშუალება, რომ "ფეისბუქის" პირადი გვერდით ადამიანებისთვის მიგეწოდებინა ინფორმაცია, თუ რა სიტუაციაშიც იყავი და რომ შველას ითხოვდი, ხომ?
- როდესაც მივხვდი, რომ როუმინგი იქ აღარ იჭერდა, აეროპორტის ვაი-ფაი დავიჭირე და ადამიანებს "ფეისბუქის" საშუალებით ავუხსენი, რომ დაკავებული ვიყავი და რუსეთის ფედერაციის საემიგრაციო განყოფილებაში ვიმყოფებოდი.

- და რას გიპირებდნენ?
- მოკლედ, მათი კანონმდებლობით უნდა გადამეხადა ჯარიმა. მერე უნდა მივსულიყავი ჩვენს საკონსულოში, სადაც სასამართლოს საფუძველზე გაიცემოდა, ქვეყნიდან გასვლის საბუთი. მოკლედ, ამ პროცედურებს სადღაც ერთი კვირა მაინც სჭირდებოდა.

- არ უთხარი, რომ მომღერალი ხარ და თან, საღამოს "X ფაქტორის" კონკურსზე, პირდაპირ ეთერში უნდა ყოფილიყავი?
- ვიუხსნდი, რომ ჩემი პროფესიული საქმიანობის გამო, საღამოს პირდაპირი ეთერი მქონდა. ვის აღელვედა ეს?! უბრალოდ, საიმიგრაციო განყოფილებაში ერთადერთი ღვთისნიერი ქალი აღმოჩნდა, რომელმაც 5-საათიანი სტრესის შემდეგ ჩუმად მითხრა, ჯარიმის გადახდის
შემდეგ, აიღე მინსკში გასაფრენი ბილეთი და წადი. საპასპორტო კონტროლი მომიწევს? - ვკითხე, ისევ იმავე სიტუაციაში ხომ არ აღმოვჩნდები-მეთქი? არა, მოსკოვი-მინსკი შიდა რეისად ითვლებაო. ხომ ვამბობ, ეს იყო წარმოსადეგი გარეგნობის ქალბატონი, სახელად ოქსანა, რომელმაც სრული ინფორტმაცია მომაწოდა, თუ რა უნდა გამეკეთებინა. რა თქმა უნდა, ის ჯარიმა გადავიხადე.

- ჯარიმა მაღალი იყო?
- არ იყო მაღალი. თან, იმას ვინ ჩიოდა, ოღონდ, იმ სიტუაციიდან გამოვსულიყავი. მსგავს გაუგებრობაში ცხოვრებაში არასდროს ვყოფილვარ. მოკლედ, ავიღე ბილეთი და საბოლოოდ მინსკში გადავფრინდი.

- და აღიარე, რომ დაარღვიე საზღავარი?
- ვაღიარე, რომ დანაშაული ჩავიდინე, - რუსეთის ტერიტორიის სასაზღვრო ზოლი დავარღვიე, ჯარიმა გადავიხადე და გამომიშვეს.

- გუშინ "ინტერპრესნიუსის" კორესპონდენტი საქართველოს საგარეო საქმეთა სამინისტროს ელაპარა და გვითხრეს, რომ ანრის კონსული დაუკავშირდა და ყველაფერი მალე მოგვარდებაო. რა გითხრა კონსულმა?
- კი, კონსული მელაპარაკა, დიდი მადლობა მას. ვერავისზე ვერ ვიტყვი, რომ ვინმემ უყურადღებოდ დამტოვა. უბრალოდ, რაღაც სიტუაციაში ინფორმაციულ ვაკუუმში ვიყავი და მესაზღვრეებისგან ფეხებზე დაკიდებული ვიყავი. მერე ჩემმა მიმართვამ ადამიანებისადმი და ქალბატონი ოქსანას გულისხმიერებამ მიხსნა იმ განსაცდელისგან. მერე კონსულთანაც გავიარე კონსულტაცია. ასე იყო ეს ამბები.
საერთოდ ყველას, ვინც ჩემ მიმართ ყურადღება გამოიჩინა, მინდა, უდიდესი მადლობა გადავუხდო. ასეთი ბევრი ადამიანი აღმოჩნდა, ვაიბერზე მირეკავდნენ. ყველა დახმარების ხელს მიწოდებდა. ამიტომ გულითადი მადლობა ყველას. ჩემს სტატუსშიც დავწერე ეს და თქვენც გეუბნებით ამას. ასეთ სტრესს მტერსაც არ ვუსურვებ, რაც გადამხდა და გადავიტანე, ეს აუტანელი იყო. ვიმეორებ, ალბათ როგორც გუშინ, ასეთი დაუცველი ამ პლანეტაზე არასდროს ვყოფილვარ. საშინელი ამბავი გადამხდა.

- მოკლედ, ბევრი ადამიანი გამოგეხმაურა.
- დიახ, ვერც კი გეტყვით, რამდენი მირეკავდა. მოკლედ, თავიდან ამაცილეს, პრობლემების კასკადი, არანაირი სურვილი არ მქონდა იქ დარჩენის. საქართველოში ჩამოსვლა მეჩქარებოდა. იმ რუსი ქალბატონის თანადგომა ჩემთვის მაინც საოცარი მუხტი იყო...

- მინსკიდან ჩვეულებრივად გამოფრინდი თბილისში?
- კი, აქ ღამის 3 საათზე ვიყავი.

- გამოვიდა, რომ გუშინდელი დღე თვითმფრინავსა და "დომოდედოვოს" საემიგრაციო ოთახში დაჰყავი. შენ გარეშე ჩაიარა "X ფაქროტრმა". ვფიქრობ, აშკარად აკლდი შოუს.
- ამას მეც მივხვდი, იქ აეროპორტში ჩართული მქონდა ტელეფონში "რუსთავი 2" და პირდაპირ ეთერს ვუყურებდი. მართლა ვაკლდი შოუს.

- და გიორგი გაბუნიასაც. ხშიად გახსენებდა...
- გიორგი იმ მომენტში იმდენად მარტო იყო, რომ უკვე ჩემს სკამს ეკონტაქტებოდა. მასაც დავაკლდი, რა ეთქვა, აღარ იცოდა.
წყარო: ambebi.ge/