რეპერი 50 ცენტი გაკოტრდა

ამერიკელი რეპერი და პროდუსერი კურტის ჯეიმს ჯექსონ მესამე, რომელსაც ყველა ფსევდონიმით 50 ცენტი ვიცნობთ, გაკოტრდა. ორშაბათს მან სასამართლოში შეიტანა განცხადება, რომელშიც ითხოვს დაცვას კრედიტორებისგან. ეს უფლება მას გაკოტრების შესახებ ამერიკის კოდექსის მეთერთმეტე თავის მიხედვით აქვს. ამის შესახებ ინფორმაციას გამოცემა The Wall
Street Journal ავრცელებს.

სასამართლოს დოკუმენტების თანახმად, მუსიკოსის აქტივები და ვალები 10 მილიონი დოლარიდან 50 მილიონ დოლარამდე დიაპაზონშია შეფასებული. ამასთან, მანჰეტენის სასამართლომ ჯექსონი დაავალდებულა ხუთი მილიონი დოლარის გადახდაში ქალისთვის, რომლის თქმითაც, რეპერი მის პირად ცხოვრებაში ერეოდა. 2009 წელს ჯექსონმა ქალის პირადი ვიდეო გამოიყენა საკუთარ კლიპში, რათა მისი დიდი ხნის კონკურენტი, რეპერი რიკ როსი გაემწარებინა.
წყარო: ambebi.ge