ნუკა კვალიაშვილი: ''ჩემი ოჯახის განკითხვის უფლებას არავის მივცემ''
1 522 ნახვა
მომღერალი ნუკა კვალიაშვილი დღეს არცთუ აქტიურია. არადა, მისი ნიჭის პატრონი გაცილებით მეტს იმსახურებს, თუმცა თავად სულაც არ გრძნობს თავს არაკომფორტულად. პოპულარობის დადებით და უარყოფით მხარეებზე ვრცლად გვესაუბრა.
- პირველად ''გოლდენ ტალანტზე'' გამოჩნდი. მაშინვე გქონდა პოპულარობის სურვილი?
- ქართულ კონკურსებზე პირველი ადგილის მფლობელი ერთი კვირა აქტუალურია, მერე, სამწუხაროდ, აღარ, ამიტომაც იმის იმედი არ მქონია, რომ კონკურსის შემდეგ ვინმე გამოჩნდებოდა და ხელში ამიტაცებდა. უფრო რეალისტი ვარ. თანაც, ''გოლდენ ტალანტზე'' გასვლა დედამ მთხოვა, იქნებ, გეცადაო, თორემ ეს პოპულარული კონკურსი არც ყოფილა. ''საქართველოს ვარსკვლავზე'' კი სწორედ ამ მიზნით მივედი, პოპულარობის მოსაპოვებლად, რომ ხალხს გავეცანი და შევეფასებინე.
- პოპულარობა არ უწყობს ხელს ადამიანს?
- უწყობს. მართალი გითხრა, ახლა რომ მსურდეს რაიმე სერიოზულის დაწყება, გავაკეთებდი, მაგრამ მრავალფეროვნება მიყვარს და მალე მბეზრდება ახალი საქმე, შუაში ვჩერდები. ძალიან მალე მიყვარს რაღაცების გამოცვლა, ეს იქნება თმის ფერი, მაკიაჟი თუ ფრჩხილის ლაქი. ასეა მუსიკაშიც. მომბეზრდა და ყელში ამომივიდა უიტნი ჰიუსტონისა და ბიონსეს სიმღერების შესრულება და ზოგადად, არ ენ ბის სტილი. ახლა ვუსმენ ალტერნატივას, ბევრი ჯგუფი არსებობს, მაგრამ ხელშეწყობა არ აქვთ, აქ ეს მუსიკა არავის აინტერესებს. ამიტომ ჯერჯერობით გაჩერებული ვარ.
- იმედგაცრუებული?
- არასოდეს, რადგან ოპტიმისტი ვარ. ვიცი, რომ მივაღწევ მიზანს, მაგრამ აქ არა, რადგან შესაძლებლობა არ არის. აქ გამოდის უფრო სხვა სტილის რაღაცები, ტაში-ტუშა სიმღერები. ასეთი მომღერალი საქართველოს ბევრი ჰყავს. თუკი სიმღერა არ მაგრძნობინებს შინაგან ემოციას, მას არ შევასრულებ, სულ რომ გადაირიოს საქართველოს მოსახლეობის 90%.
- კიდევ რას არ გააკეთებ პოპულარობისა და კარიერისთვის?
- ძალიან ბევრ რამეს. ხშირად ამბობენ ინტერვიუებში, ჩვენთვის კარიერაა მთავარიო. ჩემთვის კი ოჯახია პრიორიტეტული, მერე კიდევ სხვა რაღაცები და შემდეგ კარიერა. ყველაფერზე წავალ კარიერისთვის-მეთქი, ეს არასდროს მიფიქრია.
- სულაც არ გთრგუნავს ის ფაქტი, რომ პოპულარული ხარ და ნორმალური შემოსავალი არ გაქვს?
- ნამდვილად არ მთრგუნავს. ეს შეგაწუხებს იმ შემთხვევაში, როცა ხედავ, რომ მარტო შენ ხარ ასე. კონცერტი რომ გამართო, გჭირდება საკუთარი სიმღერები, რომელთა ჩასაწერად სახსრებია საჭირო. ამისი თანხა მარტო მე კი არა, ბევრ სხვასაც არ აქვს.
- პოპულარობას აქ არანაირი ფასი არ ჰქონია...…
- პოპულარობა არსებობს ორნაირი, კარგი და ცუდი გაგებით. შესაძლოა, იდიოტობა გააკეთო, გაიხადო, დაიჯღანო და გახდე პოპულარული. ჩემთვის კი პოპულარობა ნიშნავს ხალხის სიყვარულს. დღეს არსად ვჩანვარ, მაგრამ სიყვარულს დიდი დოზით ვიღებ. მიკვირს კიდეც, როცა არ ვარ აქტუალური, რით დავიმსახურე ასეთი დადებითი დამოკიდებულება.
- არის უარყოფითი კომენტარებიც…?
- ვის არ ჰყავს მოძულე? ერთი ადამიანიც არ ვიცი, ვისაც მოყვარე და მტერი არ ეყოლება. ჩემი დაკვირვების მიხედვით, ვერავინ ამბობს და ამბიცია მაქვს, რომ ვერ იტყვის ვერაფერს ჩემს სიმღერასთან დაკავშირებით. არც ერთხელ არ წამიკითხავს, ვინმეს დაეწეროს, რომ სიმღერასთან ცუდი ურთიერთობა მაქვს. რაც შეეხება ჩემს
ადამიანურ თვისებებს, ვინც მიცნობს, ჩემი დადებითი ყველამ იცის, ვინც არ მიცნობს, მისი აზრი ნაკლებად მნიშვნელოვანია. აგრესიული ვარ მაშინ, როცა ოჯახის წევრებს უხეშად ეხებიან და მეც ჩემს დამოკიდებულებას უხამსად გამოვხატავ. მართალი რომ გითხრა, ახლა საერთოდ აღარც ვკითხულობ ასეთ კომენტარებს, ამ მხრივ ძალიან უინტერესო ადამიანი ვარ. არ ვიცი, რა ხდება ქვეყანაზე, ვარ ჩემს სტიქიაში, ასე ვთქვათ, დავფრინავ, არ ვეძიები, სხვა როგორ ცხოვრობს და რა გააკეთა (იღიმის).
- ეკასგან რა ისწავლე პოპულარობასთან დაკავშირებით?
- მას ძალიან უნდოდა, რომ მემღერა. მე 14-15 წლისას კატეგორიულად არ მინდოდა მომღერლობა, ვხატავდი. ჩემთვის ვმღეროდი, როცა მარტო ვიყავი (იღიმის). მერე მივხვდი, რომ სიმღერა ჩემი განუყოფელი ნაწილია. გაჩუმება არ შემიძლია. რაც შეეხება რჩევებს, საერთოდ, მიყვარს, როცა თავად ვსწავლობ ყველაფერს, ჯიუტი ვარ და არ მიყვარს სხვის შეცდომებზე სწავლა. ეკას დარიგებებიდან, პირველ რიგში, ის მახსოვს, რომ საკუთარი საქმე გავაკეთო და არ მივაქციო ყურადღება, ვინ რას ილაპარაკებს. თავიდან რთული იყო კრიტიკასთან შეგუება, მერე მივხვდი, რომ ჰიუსტონსაც აკრიტიკებდნენ, ვერ მღერისო, და მე რა პრეტენზია უნდა მქონდეს?!.
- პოპულარობა როგორ მოქმედებს პირად ცხოვრებაზე?
- რთულია, იყო პოპულარული ხელოვანი ადამიანი და თან, გქონდეს ოჯახი. თავიდან, როცა ამ ეტაპებს ლახავ, ხალხს უყვარდები, ვიღაც აუცილებლად გამოგეხმაურება, რაც შენი მეორე ნახევრისთვის გამაღიზიანებელია. ანალოგიურად ვიგრძნობდი თავს, ჩემი მეუღლე რომ იყოს პოპულარული სახე. სანამ ამას შეეგუები, არის ჩავარდნები პირად ურთიერთობებში, კამათი, შეუგუებლობა. პოპულარობა ახდენს გავლენას, მაგრამ მთავარია, ერთად გადალახოთ და მყარად იდგეთ. როცა ხედავ, რომ შენ გვერდით მყოფი ადამიანი, იმის მაგივრად, რომ დაგთრგუნოს, ხელს გიწყობს, ამაზე დიდი ბედნიერება არაფერია. გამოვიარე ის რთული პერიოდები, რაც ამას მოჰყვა, მაგრამ დღეს მეუღლესთან ერთად ბედნიერი ვარ.
- როცა პოპულარული ხარ, თითქოს ყველასთვის ხილულია შენი სუსტი წერტილი. მით უმეტეს, როცა ოჯახში ორი პოპულარული ადამიანია, არის ბევრი ჭორი.
- თუ ადამიანს არ სურს თავისი პირადის საჯაროდ გამოტანა, არც გამოიტანს. ვინმემ გაიგო, მე რა პრობლემა მქონდა ოჯახში? ვერა, რადგან ეს არც მე მინდოდა და არც ჩემს მეუღლეს. ვინც მე განმიხილავს, ეს მათი პრობლემაა და არა ჩემი.
რაც შეეხება ჭორებს, ჩემზე ნაკლებად გამიგია. თუ კაცის მოკვლას დამაბრალებენ, რა თქმა უნდა, ვიტყვი, რა სისულელეა-მეთქი. მე რა ჭორი უნდა მომიგონონ, პრეზიდენტთან დავდივარ, სადმე მიხილეს თუ რა? ჩემთვის ვცხოვრობ. საერთოდ არავის ვაწუხებ. მყავს ჩემი სამეგობრო წრე, ვისთანაც ვერთობი. არავის არაფერს ვუშავებ. თუკი ვინმე ჩემს ოჯახს ცუდად მოიხსენიებს და ცუდად შევეპასუხები, იტყვიან, ეს გოგო რა უზრდელიაო, მაგრამ არავის მივცემ იმის უფლებას, რომ ჩემი ოჯახი განიკითხოს.
წყარო: reitingi.ge
- პირველად ''გოლდენ ტალანტზე'' გამოჩნდი. მაშინვე გქონდა პოპულარობის სურვილი?
- ქართულ კონკურსებზე პირველი ადგილის მფლობელი ერთი კვირა აქტუალურია, მერე, სამწუხაროდ, აღარ, ამიტომაც იმის იმედი არ მქონია, რომ კონკურსის შემდეგ ვინმე გამოჩნდებოდა და ხელში ამიტაცებდა. უფრო რეალისტი ვარ. თანაც, ''გოლდენ ტალანტზე'' გასვლა დედამ მთხოვა, იქნებ, გეცადაო, თორემ ეს პოპულარული კონკურსი არც ყოფილა. ''საქართველოს ვარსკვლავზე'' კი სწორედ ამ მიზნით მივედი, პოპულარობის მოსაპოვებლად, რომ ხალხს გავეცანი და შევეფასებინე.
- პოპულარობა არ უწყობს ხელს ადამიანს?
- უწყობს. მართალი გითხრა, ახლა რომ მსურდეს რაიმე სერიოზულის დაწყება, გავაკეთებდი, მაგრამ მრავალფეროვნება მიყვარს და მალე მბეზრდება ახალი საქმე, შუაში ვჩერდები. ძალიან მალე მიყვარს რაღაცების გამოცვლა, ეს იქნება თმის ფერი, მაკიაჟი თუ ფრჩხილის ლაქი. ასეა მუსიკაშიც. მომბეზრდა და ყელში ამომივიდა უიტნი ჰიუსტონისა და ბიონსეს სიმღერების შესრულება და ზოგადად, არ ენ ბის სტილი. ახლა ვუსმენ ალტერნატივას, ბევრი ჯგუფი არსებობს, მაგრამ ხელშეწყობა არ აქვთ, აქ ეს მუსიკა არავის აინტერესებს. ამიტომ ჯერჯერობით გაჩერებული ვარ.
- იმედგაცრუებული?
- არასოდეს, რადგან ოპტიმისტი ვარ. ვიცი, რომ მივაღწევ მიზანს, მაგრამ აქ არა, რადგან შესაძლებლობა არ არის. აქ გამოდის უფრო სხვა სტილის რაღაცები, ტაში-ტუშა სიმღერები. ასეთი მომღერალი საქართველოს ბევრი ჰყავს. თუკი სიმღერა არ მაგრძნობინებს შინაგან ემოციას, მას არ შევასრულებ, სულ რომ გადაირიოს საქართველოს მოსახლეობის 90%.
- კიდევ რას არ გააკეთებ პოპულარობისა და კარიერისთვის?
- ძალიან ბევრ რამეს. ხშირად ამბობენ ინტერვიუებში, ჩვენთვის კარიერაა მთავარიო. ჩემთვის კი ოჯახია პრიორიტეტული, მერე კიდევ სხვა რაღაცები და შემდეგ კარიერა. ყველაფერზე წავალ კარიერისთვის-მეთქი, ეს არასდროს მიფიქრია.
- სულაც არ გთრგუნავს ის ფაქტი, რომ პოპულარული ხარ და ნორმალური შემოსავალი არ გაქვს?
- ნამდვილად არ მთრგუნავს. ეს შეგაწუხებს იმ შემთხვევაში, როცა ხედავ, რომ მარტო შენ ხარ ასე. კონცერტი რომ გამართო, გჭირდება საკუთარი სიმღერები, რომელთა ჩასაწერად სახსრებია საჭირო. ამისი თანხა მარტო მე კი არა, ბევრ სხვასაც არ აქვს.
- პოპულარობას აქ არანაირი ფასი არ ჰქონია...…
- პოპულარობა არსებობს ორნაირი, კარგი და ცუდი გაგებით. შესაძლოა, იდიოტობა გააკეთო, გაიხადო, დაიჯღანო და გახდე პოპულარული. ჩემთვის კი პოპულარობა ნიშნავს ხალხის სიყვარულს. დღეს არსად ვჩანვარ, მაგრამ სიყვარულს დიდი დოზით ვიღებ. მიკვირს კიდეც, როცა არ ვარ აქტუალური, რით დავიმსახურე ასეთი დადებითი დამოკიდებულება.
- არის უარყოფითი კომენტარებიც…?
- ვის არ ჰყავს მოძულე? ერთი ადამიანიც არ ვიცი, ვისაც მოყვარე და მტერი არ ეყოლება. ჩემი დაკვირვების მიხედვით, ვერავინ ამბობს და ამბიცია მაქვს, რომ ვერ იტყვის ვერაფერს ჩემს სიმღერასთან დაკავშირებით. არც ერთხელ არ წამიკითხავს, ვინმეს დაეწეროს, რომ სიმღერასთან ცუდი ურთიერთობა მაქვს. რაც შეეხება ჩემს
ადამიანურ თვისებებს, ვინც მიცნობს, ჩემი დადებითი ყველამ იცის, ვინც არ მიცნობს, მისი აზრი ნაკლებად მნიშვნელოვანია. აგრესიული ვარ მაშინ, როცა ოჯახის წევრებს უხეშად ეხებიან და მეც ჩემს დამოკიდებულებას უხამსად გამოვხატავ. მართალი რომ გითხრა, ახლა საერთოდ აღარც ვკითხულობ ასეთ კომენტარებს, ამ მხრივ ძალიან უინტერესო ადამიანი ვარ. არ ვიცი, რა ხდება ქვეყანაზე, ვარ ჩემს სტიქიაში, ასე ვთქვათ, დავფრინავ, არ ვეძიები, სხვა როგორ ცხოვრობს და რა გააკეთა (იღიმის).
- ეკასგან რა ისწავლე პოპულარობასთან დაკავშირებით?
- მას ძალიან უნდოდა, რომ მემღერა. მე 14-15 წლისას კატეგორიულად არ მინდოდა მომღერლობა, ვხატავდი. ჩემთვის ვმღეროდი, როცა მარტო ვიყავი (იღიმის). მერე მივხვდი, რომ სიმღერა ჩემი განუყოფელი ნაწილია. გაჩუმება არ შემიძლია. რაც შეეხება რჩევებს, საერთოდ, მიყვარს, როცა თავად ვსწავლობ ყველაფერს, ჯიუტი ვარ და არ მიყვარს სხვის შეცდომებზე სწავლა. ეკას დარიგებებიდან, პირველ რიგში, ის მახსოვს, რომ საკუთარი საქმე გავაკეთო და არ მივაქციო ყურადღება, ვინ რას ილაპარაკებს. თავიდან რთული იყო კრიტიკასთან შეგუება, მერე მივხვდი, რომ ჰიუსტონსაც აკრიტიკებდნენ, ვერ მღერისო, და მე რა პრეტენზია უნდა მქონდეს?!.
- პოპულარობა როგორ მოქმედებს პირად ცხოვრებაზე?
- რთულია, იყო პოპულარული ხელოვანი ადამიანი და თან, გქონდეს ოჯახი. თავიდან, როცა ამ ეტაპებს ლახავ, ხალხს უყვარდები, ვიღაც აუცილებლად გამოგეხმაურება, რაც შენი მეორე ნახევრისთვის გამაღიზიანებელია. ანალოგიურად ვიგრძნობდი თავს, ჩემი მეუღლე რომ იყოს პოპულარული სახე. სანამ ამას შეეგუები, არის ჩავარდნები პირად ურთიერთობებში, კამათი, შეუგუებლობა. პოპულარობა ახდენს გავლენას, მაგრამ მთავარია, ერთად გადალახოთ და მყარად იდგეთ. როცა ხედავ, რომ შენ გვერდით მყოფი ადამიანი, იმის მაგივრად, რომ დაგთრგუნოს, ხელს გიწყობს, ამაზე დიდი ბედნიერება არაფერია. გამოვიარე ის რთული პერიოდები, რაც ამას მოჰყვა, მაგრამ დღეს მეუღლესთან ერთად ბედნიერი ვარ.
- როცა პოპულარული ხარ, თითქოს ყველასთვის ხილულია შენი სუსტი წერტილი. მით უმეტეს, როცა ოჯახში ორი პოპულარული ადამიანია, არის ბევრი ჭორი.
- თუ ადამიანს არ სურს თავისი პირადის საჯაროდ გამოტანა, არც გამოიტანს. ვინმემ გაიგო, მე რა პრობლემა მქონდა ოჯახში? ვერა, რადგან ეს არც მე მინდოდა და არც ჩემს მეუღლეს. ვინც მე განმიხილავს, ეს მათი პრობლემაა და არა ჩემი.
რაც შეეხება ჭორებს, ჩემზე ნაკლებად გამიგია. თუ კაცის მოკვლას დამაბრალებენ, რა თქმა უნდა, ვიტყვი, რა სისულელეა-მეთქი. მე რა ჭორი უნდა მომიგონონ, პრეზიდენტთან დავდივარ, სადმე მიხილეს თუ რა? ჩემთვის ვცხოვრობ. საერთოდ არავის ვაწუხებ. მყავს ჩემი სამეგობრო წრე, ვისთანაც ვერთობი. არავის არაფერს ვუშავებ. თუკი ვინმე ჩემს ოჯახს ცუდად მოიხსენიებს და ცუდად შევეპასუხები, იტყვიან, ეს გოგო რა უზრდელიაო, მაგრამ არავის მივცემ იმის უფლებას, რომ ჩემი ოჯახი განიკითხოს.
წყარო: reitingi.ge
