რატომ თქვა ნეკა სებისკვერაძემ ქორწილზე უარი
1 742 ნახვა
ნეკა სებისკვერაძის ხშირი ინტერვიუებით განებივრებული არ არის. ალბათ, ესაა ერთ-ერთი მიზეზი იმისა, რომ მის მიმართ ინტერესი ყოველთვის არსებობს. ამჯერად ჩვენს ინტერვიუში ნეკას ტრადიციებთან დაკავშირებულ მოსაზრებებს ამოიკითხავთ.
- თაობიდან თაობაზე გადაცემულ წესებს, ადათებს, ყოფაქცევის ნორმებს ყოველთვის ვაქცევ ყურადღებას, ძალიან დიდ პატივს ვცემ უფროს თაობას და სულ ვცდილობ, მათგან ბევრი ვისწავლო. სხვადასხვა საზოგადოებაში სხვადასხვანაირია ტრადიცია, სწორედ ეს განაპირობებს და აყალიბებს კულტურას. იმ ტრადიციებს, რომლებიც ჩემთვის ფასეულია, ვუფრთხილდები. ჩემს ოჯახში გარკვეული ტრადიციებისადმი დამოკიდებულება არასდროს ყოფილა სულერთი და დღემდე ასეა.
- გავრცელებული ტრადიციებიდან რომელს ემხრობი და რომელი იწვევს ნეგატიურ დამოკიდებულებას?
- გამიჭირდება გამოყოფა. ჩემთვის ყველა ის ტრადიცია, რომელიც თვითმყოფადობის შენარჩუნებას უკავშირდება და კულტურული მემკვიდრეობის ელემენტებს მოიცავს, საინტერესოა. როდესაც ოჯახები გააზრებულად იცავენ ტრადიციებს, ეს სასიამოვნო საყურებელია, მაგრამ თუ ეს ფორმალურად ხდება, გამაღიზიანებელია.
- ოჯახში რომელ ტრადიციებს იცავ?
- მოგეხსენებათ, ქართველი ხალხი საუკუნეების განმავლობაში ქმნიდა მეღვინეობის კულტურას, ჩვენს ოჯახში ყოველთვისაა მამას დაყენებული ღვინო, წლიდან წლამდე ველით, როგორ შედეგს გამოიღებს მამას ნაშრომი. ქართული სუფრა ჩვენს ოჯახში წარმოუდგენელია გიტარისა და ქართული მრავალხმიანი სიმღერის გარეშე, ხშირად ვიკრიბებით ოჯახურად და მუსიკის თანხლებით ვიწყობთ ურთიერთობის სასიამოვნო წუთებს. სუფრა და ქეიფი კარგია, როდესაც ეს ვიწრო წრეში ხდება, როდესაც იმ სუფრასთან ყველა ერთ ენაზე საუბრობს, როდესაც არსებობს მოსმენის კულტურა, თან სდევს მუსიკა და ა.შ. ასეთ გარემოში თამადობა ბევრად საინტერესო მგონია.
დიდი სუფრები არ მიყვარს, განსხვავებულის საჭიროებასაც ხშირად ვერ ვიგებ, მთავარია, გულით წარმოთქვა, რასაც ამბობ და სასმისის დოზას, ვფიქრობ, გადამწყვეტი მნიშვნელობა არ აქვს. სტუმრიანობა ერთ-ერთი ყველაზე სასიამოვნო პროცესია ჩვენს ოჯახში. მაგალითად,O ოჯახის შექმნისას გავითვალისწინეთ ქართული საქორწინო ტრადიციის ერთ-ერთი მნიშვნელოვანი მომენტი და დავიწინდეთ, თუმცა აქვე უნდა აღვნიშნო, რომ ქორწილი არ მქონია, რადგან, გულწრფელად გითხრათ, დიდად არ მიყვარს მასშტაბური ქორწილი და საქორწინო ცერემონია. ასევე ვუფრთხილდებით სახალხო დღესასწაულებთან
დაკავშირებულ ტრადიციებს. ზოგადად, ამ საუკუნეში, ამდენ სიახლეში, ტრადიციების მცირედი მოდერნიზება ალბათ აუცილებელია.
- გენდერული თანასწორობა ოჯახში რამდენად მისაღებია შენთვის?
- ქალსა და მამაკაცს რომ ჰქონდეთ ოჯახში თანაბარი პირობები და თავიანთი თავის წარმოჩენის შანსები, ამაში ცუდს ვერაფერს ვხედავ, პირიქით, აუცილებელიც კი მგონია. ოჯახის წევრები უთანასწორობის განცდას ხშირად პრობლემების შექმნამდე მიჰყავს, ვხედავთ, რომ დღევანდელ ცხოვრებაში ქალი გააქტიურდა, ეს დრომ მოიტანა, თუ ასეთ ქალებს ღირსეული მამაკაცები უდგანან გვერდით, რომელთაც შესწევთ უნარი, ყოველივე დააფასონ, ცხადია, არც ესაა პრობლემა, მგონი, დღეს ეს უკვე აღარაა გასაკვირი.
- როგორ ნაწილდება ქალისა და მამაკაცის ფუნქციები შენს ოჯახში?
- ჩვენს ოჯახში გენდერული თანასწორობა სრულად დაცულია, ერთადერთი, მე მაქვს ცხოვრების გაცილებით რთული რეჟიმი, თუმცა ამას ჩემი ოჯახი უკვე შეჩვეულია.
- ტრადიციულად, ოჯახის უფროსი კაცია, როგორ გესმის ოჯახის უფროსის ფენომენი?
- პირველობისა და ლიდერობისთვის ბრძოლა ოჯახში მხოლოდ ნეგატივს აჩენს, ცხადია, კაცი ოჯახის თავია და
დიდ პატივისცემას იმსახურებს, ყოველთვის ჯობს, ოჯახში პასუხისმგებლობები თავიდანვე სწორად და თანაბრად იყოს განაწილებული.
- ამბობენ, მამაკაცები ძლიერ და წარმატებულ ქალებს უფრთხიანო, როგორია შენი მოსაზრება?
- კი ამბობენ, მაგრამ რა გითხრათ... ყველა მამაკაცი ინდივიდია, ზოგს რა მოსწონს, ზოგს – რა. ჩემს სამეგობროში უამრავი კაცია, რომლებსაც პირიქით, ძლიერი და წარმატებული ქალები ხიბლავთ და ასეთებს ეძებენ. მამაკაცი, რომელსაც ქალის წარმატება არ მოსწონს, წარმატებულ ქალთან საერთოს ვერ გამონახავს, ყველა თავისთვის მისაღებს ეძებს.
- ქალების გაძლიერებამ დამთრგუნველად იმოქმედა მამაკაცებზე? ქალებს მიუძღვით წვლილი კა-ცების შესუსტებაში?
- არა მგონია, შეგნებული ქალის მიზანი მამაკაცის დასუსტება იყოს. თუ რომელიმე მამაკაცი ამ პრობლემის წინაშე დგას, მიზეზი საკუთარ თავში უნდა ეძებოს.
- ერთხელ ღალატის გამო ოჯახი უნდა დაინგრეს?
- ეს იმდენად ინდივიდუალური თემაა, რომ იმ ოჯახმა, რომელშიც მსგავსი პრობლემაა, თავად უნდა მიიღოს გადაწყვეტილება, როგორ გააგრძელოს ცხოვრება.
- ქორწინებამდე წყვილის თანაცხოვრება რამდენად მისაღები ან აუცილებელია წყვილისთვის?
- ამაში პრობლემას ვერ ვხედავ.
- ქართველებს რატომღაც ჭირში უფრო გვახასიათებს ერთად დგომა, ვიდრე ლხინში, შენი აზრით, რა არის ამის მიზეზი?
- ჭირში გვერდში დგომა ღირსეული თვისებააა. დღევანდელ ცხოვრებაში ადამიანებს ძალიან ბევრი პრობლემა აწევთ მხრებზე, საზოგადოება ხშირად გაღიზიანებულია და ნერვული ფონიც არცთუ ისე მშვიდია, შესაბამისად, ვხ-ვდებით სამწუხარო შემთხვევებს, როდესაც ადამიანებს ერთმანეთის ბედნიერება ნაკლებად ახარებთ, რაც ძალზე გულდასაწყვეტია.
- ბოლოს, გვაინტერესებს, შენი, როგორც მოქალაქის და დედის პოზიცია არატრადიციული ორიენტაციის ადამიანების მიმართ.
- ყოველთვის მიმაჩნდა, რომ ყველა ადამიანის უფლება სათანადოდ უნდა იყოს დაცული, არა მარტო ჩვენს ქვეყანაში, არამედ მთელ მსოფლიოში. ყველა ადამიანისთვის საკუთარი ცხოვრება და თავისუფლება არის ძვირფასი, შესაბამისად, თავისი ცხოვრება ყველამ ისე უნდა დაალაგოს, როგორც მას სურს!
წყარო: reitingi.ge
- თაობიდან თაობაზე გადაცემულ წესებს, ადათებს, ყოფაქცევის ნორმებს ყოველთვის ვაქცევ ყურადღებას, ძალიან დიდ პატივს ვცემ უფროს თაობას და სულ ვცდილობ, მათგან ბევრი ვისწავლო. სხვადასხვა საზოგადოებაში სხვადასხვანაირია ტრადიცია, სწორედ ეს განაპირობებს და აყალიბებს კულტურას. იმ ტრადიციებს, რომლებიც ჩემთვის ფასეულია, ვუფრთხილდები. ჩემს ოჯახში გარკვეული ტრადიციებისადმი დამოკიდებულება არასდროს ყოფილა სულერთი და დღემდე ასეა.
- გავრცელებული ტრადიციებიდან რომელს ემხრობი და რომელი იწვევს ნეგატიურ დამოკიდებულებას?
- გამიჭირდება გამოყოფა. ჩემთვის ყველა ის ტრადიცია, რომელიც თვითმყოფადობის შენარჩუნებას უკავშირდება და კულტურული მემკვიდრეობის ელემენტებს მოიცავს, საინტერესოა. როდესაც ოჯახები გააზრებულად იცავენ ტრადიციებს, ეს სასიამოვნო საყურებელია, მაგრამ თუ ეს ფორმალურად ხდება, გამაღიზიანებელია.
- ოჯახში რომელ ტრადიციებს იცავ?
- მოგეხსენებათ, ქართველი ხალხი საუკუნეების განმავლობაში ქმნიდა მეღვინეობის კულტურას, ჩვენს ოჯახში ყოველთვისაა მამას დაყენებული ღვინო, წლიდან წლამდე ველით, როგორ შედეგს გამოიღებს მამას ნაშრომი. ქართული სუფრა ჩვენს ოჯახში წარმოუდგენელია გიტარისა და ქართული მრავალხმიანი სიმღერის გარეშე, ხშირად ვიკრიბებით ოჯახურად და მუსიკის თანხლებით ვიწყობთ ურთიერთობის სასიამოვნო წუთებს. სუფრა და ქეიფი კარგია, როდესაც ეს ვიწრო წრეში ხდება, როდესაც იმ სუფრასთან ყველა ერთ ენაზე საუბრობს, როდესაც არსებობს მოსმენის კულტურა, თან სდევს მუსიკა და ა.შ. ასეთ გარემოში თამადობა ბევრად საინტერესო მგონია.
დიდი სუფრები არ მიყვარს, განსხვავებულის საჭიროებასაც ხშირად ვერ ვიგებ, მთავარია, გულით წარმოთქვა, რასაც ამბობ და სასმისის დოზას, ვფიქრობ, გადამწყვეტი მნიშვნელობა არ აქვს. სტუმრიანობა ერთ-ერთი ყველაზე სასიამოვნო პროცესია ჩვენს ოჯახში. მაგალითად,O ოჯახის შექმნისას გავითვალისწინეთ ქართული საქორწინო ტრადიციის ერთ-ერთი მნიშვნელოვანი მომენტი და დავიწინდეთ, თუმცა აქვე უნდა აღვნიშნო, რომ ქორწილი არ მქონია, რადგან, გულწრფელად გითხრათ, დიდად არ მიყვარს მასშტაბური ქორწილი და საქორწინო ცერემონია. ასევე ვუფრთხილდებით სახალხო დღესასწაულებთან
დაკავშირებულ ტრადიციებს. ზოგადად, ამ საუკუნეში, ამდენ სიახლეში, ტრადიციების მცირედი მოდერნიზება ალბათ აუცილებელია.
- გენდერული თანასწორობა ოჯახში რამდენად მისაღებია შენთვის?
- ქალსა და მამაკაცს რომ ჰქონდეთ ოჯახში თანაბარი პირობები და თავიანთი თავის წარმოჩენის შანსები, ამაში ცუდს ვერაფერს ვხედავ, პირიქით, აუცილებელიც კი მგონია. ოჯახის წევრები უთანასწორობის განცდას ხშირად პრობლემების შექმნამდე მიჰყავს, ვხედავთ, რომ დღევანდელ ცხოვრებაში ქალი გააქტიურდა, ეს დრომ მოიტანა, თუ ასეთ ქალებს ღირსეული მამაკაცები უდგანან გვერდით, რომელთაც შესწევთ უნარი, ყოველივე დააფასონ, ცხადია, არც ესაა პრობლემა, მგონი, დღეს ეს უკვე აღარაა გასაკვირი.
- როგორ ნაწილდება ქალისა და მამაკაცის ფუნქციები შენს ოჯახში?
- ჩვენს ოჯახში გენდერული თანასწორობა სრულად დაცულია, ერთადერთი, მე მაქვს ცხოვრების გაცილებით რთული რეჟიმი, თუმცა ამას ჩემი ოჯახი უკვე შეჩვეულია.
- ტრადიციულად, ოჯახის უფროსი კაცია, როგორ გესმის ოჯახის უფროსის ფენომენი?
- პირველობისა და ლიდერობისთვის ბრძოლა ოჯახში მხოლოდ ნეგატივს აჩენს, ცხადია, კაცი ოჯახის თავია და
დიდ პატივისცემას იმსახურებს, ყოველთვის ჯობს, ოჯახში პასუხისმგებლობები თავიდანვე სწორად და თანაბრად იყოს განაწილებული.
- ამბობენ, მამაკაცები ძლიერ და წარმატებულ ქალებს უფრთხიანო, როგორია შენი მოსაზრება?
- კი ამბობენ, მაგრამ რა გითხრათ... ყველა მამაკაცი ინდივიდია, ზოგს რა მოსწონს, ზოგს – რა. ჩემს სამეგობროში უამრავი კაცია, რომლებსაც პირიქით, ძლიერი და წარმატებული ქალები ხიბლავთ და ასეთებს ეძებენ. მამაკაცი, რომელსაც ქალის წარმატება არ მოსწონს, წარმატებულ ქალთან საერთოს ვერ გამონახავს, ყველა თავისთვის მისაღებს ეძებს.
- ქალების გაძლიერებამ დამთრგუნველად იმოქმედა მამაკაცებზე? ქალებს მიუძღვით წვლილი კა-ცების შესუსტებაში?
- არა მგონია, შეგნებული ქალის მიზანი მამაკაცის დასუსტება იყოს. თუ რომელიმე მამაკაცი ამ პრობლემის წინაშე დგას, მიზეზი საკუთარ თავში უნდა ეძებოს.
- ერთხელ ღალატის გამო ოჯახი უნდა დაინგრეს?
- ეს იმდენად ინდივიდუალური თემაა, რომ იმ ოჯახმა, რომელშიც მსგავსი პრობლემაა, თავად უნდა მიიღოს გადაწყვეტილება, როგორ გააგრძელოს ცხოვრება.
- ქორწინებამდე წყვილის თანაცხოვრება რამდენად მისაღები ან აუცილებელია წყვილისთვის?
- ამაში პრობლემას ვერ ვხედავ.
- ქართველებს რატომღაც ჭირში უფრო გვახასიათებს ერთად დგომა, ვიდრე ლხინში, შენი აზრით, რა არის ამის მიზეზი?
- ჭირში გვერდში დგომა ღირსეული თვისებააა. დღევანდელ ცხოვრებაში ადამიანებს ძალიან ბევრი პრობლემა აწევთ მხრებზე, საზოგადოება ხშირად გაღიზიანებულია და ნერვული ფონიც არცთუ ისე მშვიდია, შესაბამისად, ვხ-ვდებით სამწუხარო შემთხვევებს, როდესაც ადამიანებს ერთმანეთის ბედნიერება ნაკლებად ახარებთ, რაც ძალზე გულდასაწყვეტია.
- ბოლოს, გვაინტერესებს, შენი, როგორც მოქალაქის და დედის პოზიცია არატრადიციული ორიენტაციის ადამიანების მიმართ.
- ყოველთვის მიმაჩნდა, რომ ყველა ადამიანის უფლება სათანადოდ უნდა იყოს დაცული, არა მარტო ჩვენს ქვეყანაში, არამედ მთელ მსოფლიოში. ყველა ადამიანისთვის საკუთარი ცხოვრება და თავისუფლება არის ძვირფასი, შესაბამისად, თავისი ცხოვრება ყველამ ისე უნდა დაალაგოს, როგორც მას სურს!
წყარო: reitingi.ge
