ოლიმპიურ სოფელში კახაბერისა და ხანუმების კონცერტი ჩატარდა

ოლიმპიური სოფლის ფან-ზონაში გუშინ კახაბერისა და ხანუმების კონცერტი ჩატარდა. როგორც "ინტერპრესნიუსს" ახალგაზრდული ოლიმპიური კომიტეტიდან აცნობეს, ღონისძიებას ოლიმპიურ ფესტივალზე სხვადასხვა ქვეყნის სპორტსმენები დაესწრნენ. მათივე ინფორმაციით, დაძაბული სპორტული შეჯიბრებების შემდეგ მათ განტვირთვისა და დასვენების საშუალება მიეცათ.

სპორტსმენები ერთმანეთს ქართული საცეკვაო ილეთების შესრულებაშიც შეეჯიბრნენ. სტუმრების განსაკუთრრებული მოწონება ქართულმა ტრადიციულმა სამზარეულომ, ფოლკლორმა და სტუმართმოყვარეობამ დაიმსახურა.

კახაბერისა და ხანუმების კონცერტით ოლიმპიურ სოფელში მიმდინარე ღონისძიებების სერია დასრულდა.

დღეს კი, ოლიმპიური სოფლის ტერიტორიაზე დახურვის საზეიმო ცერემონიალი 21:00 საათზე გაიმართება.
წყარო: ambebi.ge