"ჩემი დიეტობა იმით დასრულდა, რომ ბათუმის საავადმყოფოში გადამიყვანეს"
1 547 ნახვა
მსახიობი თინი გალდავა აგვისტოს ცხელ დღეებს მეგობრების გარემოცვაში რომელიმე ზღვისპირა ქალაქში გაატარებს. უყვარს ზღვა, მზე და კურორტზე ყოფნისას ყველაზე დიდ სიამოვნებას ნამზეურის მიღება, შოპინგი ანიჭებს.
- ზაფხულის დადგომასთან ერთად, ზღვის ნოსტალგია მეწყება და ერთი სული მაქვს ხოლმე, რომელიმე ზღვისპირა ქალაქს ვესტუმრო. წელს მეგობრებთან ერთად ვაპირებ დასასვენებლად წასვლას. თუმცა, სად წავალთ, ამაზე ჯერ ვერ ჩამოვყალიბდით. სურვილი გვაქვს, ისეთ ადგილას დავისვენოთ, სადაც ხალხმრავლობა არ იქნება. "პენსიონერული" დასვენების მოწყობა გვინდა (იცინის). მგონი, საბოლოოდ გონიოზე გავაკეთებთ არჩევანს. გვითხრეს, რომ იქ ძალიან კარგი დასასვენებელი ადგილებია, მე კი გონიოში არასდროს ვყოფილვარ.
- ზღვისპირეთში წასვლას რამდენი დღით გეგმავ?
- ჩემი პროფესიის ადამიანებს არა მგონია, რაიმე დალაგებული და დაგეგმილი ჰქონდეთ. არავინ იცის, საქმე როდის გამოგვიჩნდება. ზოგს მთელი ზაფხულის თბილისში გატარებაც კი უწევს, რადგან გადაღებები აქვთ... თუმცა, არ ვწუწუნებ, აგვისტოში ყოველთვის ვახერხებ ზღვაზე წასვლას და განტვირთვას, დასვენებას.
- რატომ გადაწყვიტე, რომ ამჯერად "პენსიონერული" დასვენება მოიწყო?
- არ ვიცი, ასეთი სურვილი გამიჩნდა და მორჩა. ალბათ, მთლიანად გარუჯვაზე ვიქნები ორიენტირებული. სხვათა შორის, მეგობრებთან ერთად დასვენებაზე უკეთესი არაფერია. ერთად ყოველთვის კარგ დროს ვატარებთ და შემდეგ მთელი წელი მშვენიერი მოგონებები გვაქვს ხოლმე.
- როცა ქალაქგარეთ მიდიხარ, წიგნები მიგაქვს?
-ელექტრონული წიგნი - "კლოუნის თვალთახედვა" შევიძინე და ალბათ, კურორტზე ყოფნისას ამ ნაწარმოებს წავიკითხავ... ისე, ჯერ ისიც არ ვიცი, რამდენი მეგობარი წავალთ ერთად დასასვენებლად. ჰოდა, შეიძლება, ჩემი დაგეგმილი "პენსიონერული" დასვენება არც გამოგვივიდეს. ჩემთვის მშვიდად დასვენება მზესთან, ზღვასთან, ჯანსაღ კვებასთან, საინტერესო წიგნის კითხვასთან და კიდევ, საღამოს ცოტაოდენი ალკოჰოლური სასმლის მოწრუპვასთან ასოცირდება.
- მოგწონს, როცა გარუჯული ხარ? ნამზეურის მიღებისას ხომ არ დამწვარხარ?
- არა, ასე სერიოზულად არას¬დროს დამწვია კანი. "ზაგრის" მიღებისას დამცავ კრემს არ ვიყენებ. თავდაპირველად ვწითლდები, მეორე დღეს უკვე სიწითლე გადამდის და ჩემი კანი კარგ შეფერილობას იღებს... ბევრჯერ გამჩენია სურვილი, ისეთი კრემი წამესვა, რომელიც ნამზეურის სწრაფად მიღებაში დამეხმარებოდა, მაგრამ ყოველ ჯერზე თავს ვიკავებდი - ამ გზით მიღებული "ზაგარი" მალევე გადადის.
- თბილისში ყოფნისას, სოლარიუმს თუ სტუმრობ?
- არა, არასდროს ვყოფილვარ. რატომღაც, სოლარიუმების შიში მაქვს. ამიტომ, თუ ზამთარში კანის ფერის შეცვლა აუცილებლად მჭირდება, ისეთ ადგილას მივდივარ, სადაც კანის ხელოვნურ დაფერვას გამიკეთებენ. როგორც კი ზაფხული დგება, ბუნებრივი ნამზეურის მიღებას ვცდილობ... ერთი ცუდი ჩვევა მაქვს: როცა მზე "პიკშია", ზუსტად მაშინ ვირუჯები, რაც ჯანმრთელობისთვის ძალიან ცუდია.
- მთაში დასასვენებლად იშვიათად მიდიხარ?
- რატომღაც, უპირატესობას ზღვას ვანიჭებ. მთაში დასვენება ბავშვობაშიც არ მიყვარდა. ვიცი, მთის ჰაერი ჯანმრთელობისთვის ძალზე სასარგებლოა, მაგრამ რა ვქნა, ზღვისპირეთი მირჩევნია... ამ სიცხეში წყლის გარეშე ყოფნა არ შემიძლია. წყალი ჩემი სტიქიაა. მახსოვს, ბავშვობაში ყველაზე ხშირად, ოჯახის წევრებთან ერთად, დასასვენებლად თურქეთში მივდიოდი. მერე, როცა უკვე წამოვიზარდე, დაქალებთან ერთად წასვლის სურვილი გამიჩნდა. შარშან, ჩემს გოგოებთან ერთად, პირველად ვესტუმრე ეგვიპტეს და ძალიან კარგი
დრო გავატარეთ.
- რომელიმე სოფელში სახლი გაქვთ?
- არა, არც ერთ სოფელში არ გვაქვს სახლი, რის გამოც, სიმართლე გითხრათ, გული ძალიან მწყდება. ადრე ოქროყანასა და აბასთუმანში გვქონდა აგარაკი, მაგრამ ახლა აღარ გვაქვს. ყველაზე მეტად იმას ვნანობ, რომ ეს აგარაკები ვერ შევინარჩუნეთ. ჩემს დეიდაშვილს თბილისთან ახლოს კარგი სახლი აქვს და როცა აქ ძალიან ცხელა, მას ვსტუმრობ ხოლმე.
- როცა დასასვენებლად აპირებ წასვლას, სამზადისს რამდენიმე დღით ადრე იწყებ?
- ერთი თვით ადრე არა, მაგრამ ერთი კვირით ადრე კი ვიწყებ ჩემოდნის ჩალაგებას. ვერ ვიტყვი, რომ თან ბევრი ბარგი მიმაქვს. ჩემთვის მთავარია, კურორტზე ყოფნისას სამოსმა დისკომფორტი არ შემიქმნას. ამიტომ, ბევრი რამ მიმაქვს, ამ მხრივ თავს არ ვიზღუდავ.
- ზღვაზე ყოფნისას, ყველაზე კომფორტულად როგორ სამოსში გრძნობ თავს?
- თხელი, ლამაზი სარაფანი და "შლოპანცები".
- ზღვაზე ყოფნისას, კოსმეტიკას თუ იყენებ?
- როცა ზღვაზე მეგობრებთან ერთად ვარ, საღამოობით რესტორანში ან ბარში მივდი¬ვართ ხოლმე, მე კი ასეთ დროს გაპრანჭვა ძალიან მიყვარს. როცა გოგონებთან ერთად, თურქეთში ვისვენებ, იქ საღამოობით სულ გაპრანჭულები გავდივართ ქუჩაში... თუმცა, ზღვაზე ქუსლიანი ფეხსაცმელი არასდროს წამიღია, რადგან "მაღლები" ჩემთვის არაკომფორტულია.
- კურორტზე ყოფნისას, კალორიული კერძების მიღებას ერიდები? ხშირად გიწევს დიეტაზე ყოფნა?
- საერთოდ ვერ ვახერხებ დიეტის დაცვას. ერთხელ, კვარიათში დასასვენებლად ყოფნისას გადავწყვიტე, დიეტა დამეცვა, რომ თბილისში უკეთეს ფორმაში დავბრუნებულიყავი, მაგრამ არაფერი გამომივიდა. ჩემი დიეტობა იმით დასრულდა, რომ ღამის ოთხ საათზე, "სასწრაფო დახმარების" მანქანით ბათუმის საავადმყოფოში გადამიყვანეს...
- როგორ უვლი საკუთარ თავს? სახის კანის მოვლის რაიმე განსაკუთრებული მეთოდი თუ გაქვს?
- ვერ ვიტყვი, რომ დერმატოლოგთან დავდივარ და სახის კანს განსაკუთრებულად ვუვლი. უბრალოდ, ვიყენებ იმ კრემებს, რომლითაც დედა მამარაგებს. პირადად მე, აზრზე არ ვარ, როგორი ტიპის სახის კანი მაქვს და როგორი კრემი უნდა გამოვიყენო. ასევე, ვხმარობ "სკრაბს" და ამით შემოიფარგლება ჩემი სახის კანის მოვლის პროცედურა.
- საცურაო კოსტიუმს ადვილად არჩევ?
- რატომღაც, ყველაზე ძნელად საცურაო კოსტიუმს ვარჩევ. ძალიან იშვიათად ვხვდები ისეთს, როგორიც შეიძლება, მომეწონოს. ზოგის ფერი არ მომწონს, ზოგის - ფორმა.
- დასასვენებლად წასული, შოპინგისთვის თუ იცლი?
- ასეთ დროს შოპინგი ორმაგად მიყვარს. დასვენებულსა და ენერგიულს უფრო კარგად გამომდის სასურველი სამოსის შერჩევა. მიყვარს კარგი ტანსაცმელი, გემოვნებით შერჩეული აქსესუარები. ისე, ძალიან ბევრი სამკაული დამიგროვდა. ბოლო დროს, საყურესა და ბეჭდებს ვეღარ ვეგუები. ჰოდა, ახლა შეგროვებული ნივთების გაჩუქებით ვიღებ სიამოვნებას. ყველაზე მეტად, საათები და სამაჯურები მიყვარს.
- ძილი გიყვარს?
- კურორტზე ყოფნისას ყოველთვის სხვებზე ადრე მეღვიძება და ამიტომ, ხშირად მარტო მიწევს საუზმობა. არ შემიძლია ეს დილის ძილი, არც შუადღეს დაძინება მიყვარს. ყოველთვის მქონდა სურვილი, სხვებივით კარგად გამომეძინა, მაგრამ არ გამომდიოდა.
წყარო: gzapress.ge
- ზაფხულის დადგომასთან ერთად, ზღვის ნოსტალგია მეწყება და ერთი სული მაქვს ხოლმე, რომელიმე ზღვისპირა ქალაქს ვესტუმრო. წელს მეგობრებთან ერთად ვაპირებ დასასვენებლად წასვლას. თუმცა, სად წავალთ, ამაზე ჯერ ვერ ჩამოვყალიბდით. სურვილი გვაქვს, ისეთ ადგილას დავისვენოთ, სადაც ხალხმრავლობა არ იქნება. "პენსიონერული" დასვენების მოწყობა გვინდა (იცინის). მგონი, საბოლოოდ გონიოზე გავაკეთებთ არჩევანს. გვითხრეს, რომ იქ ძალიან კარგი დასასვენებელი ადგილებია, მე კი გონიოში არასდროს ვყოფილვარ.
- ზღვისპირეთში წასვლას რამდენი დღით გეგმავ?
- ჩემი პროფესიის ადამიანებს არა მგონია, რაიმე დალაგებული და დაგეგმილი ჰქონდეთ. არავინ იცის, საქმე როდის გამოგვიჩნდება. ზოგს მთელი ზაფხულის თბილისში გატარებაც კი უწევს, რადგან გადაღებები აქვთ... თუმცა, არ ვწუწუნებ, აგვისტოში ყოველთვის ვახერხებ ზღვაზე წასვლას და განტვირთვას, დასვენებას.
- რატომ გადაწყვიტე, რომ ამჯერად "პენსიონერული" დასვენება მოიწყო?
- არ ვიცი, ასეთი სურვილი გამიჩნდა და მორჩა. ალბათ, მთლიანად გარუჯვაზე ვიქნები ორიენტირებული. სხვათა შორის, მეგობრებთან ერთად დასვენებაზე უკეთესი არაფერია. ერთად ყოველთვის კარგ დროს ვატარებთ და შემდეგ მთელი წელი მშვენიერი მოგონებები გვაქვს ხოლმე.
- როცა ქალაქგარეთ მიდიხარ, წიგნები მიგაქვს?
-ელექტრონული წიგნი - "კლოუნის თვალთახედვა" შევიძინე და ალბათ, კურორტზე ყოფნისას ამ ნაწარმოებს წავიკითხავ... ისე, ჯერ ისიც არ ვიცი, რამდენი მეგობარი წავალთ ერთად დასასვენებლად. ჰოდა, შეიძლება, ჩემი დაგეგმილი "პენსიონერული" დასვენება არც გამოგვივიდეს. ჩემთვის მშვიდად დასვენება მზესთან, ზღვასთან, ჯანსაღ კვებასთან, საინტერესო წიგნის კითხვასთან და კიდევ, საღამოს ცოტაოდენი ალკოჰოლური სასმლის მოწრუპვასთან ასოცირდება.
- მოგწონს, როცა გარუჯული ხარ? ნამზეურის მიღებისას ხომ არ დამწვარხარ?
- არა, ასე სერიოზულად არას¬დროს დამწვია კანი. "ზაგრის" მიღებისას დამცავ კრემს არ ვიყენებ. თავდაპირველად ვწითლდები, მეორე დღეს უკვე სიწითლე გადამდის და ჩემი კანი კარგ შეფერილობას იღებს... ბევრჯერ გამჩენია სურვილი, ისეთი კრემი წამესვა, რომელიც ნამზეურის სწრაფად მიღებაში დამეხმარებოდა, მაგრამ ყოველ ჯერზე თავს ვიკავებდი - ამ გზით მიღებული "ზაგარი" მალევე გადადის.
- თბილისში ყოფნისას, სოლარიუმს თუ სტუმრობ?
- არა, არასდროს ვყოფილვარ. რატომღაც, სოლარიუმების შიში მაქვს. ამიტომ, თუ ზამთარში კანის ფერის შეცვლა აუცილებლად მჭირდება, ისეთ ადგილას მივდივარ, სადაც კანის ხელოვნურ დაფერვას გამიკეთებენ. როგორც კი ზაფხული დგება, ბუნებრივი ნამზეურის მიღებას ვცდილობ... ერთი ცუდი ჩვევა მაქვს: როცა მზე "პიკშია", ზუსტად მაშინ ვირუჯები, რაც ჯანმრთელობისთვის ძალიან ცუდია.
- მთაში დასასვენებლად იშვიათად მიდიხარ?
- რატომღაც, უპირატესობას ზღვას ვანიჭებ. მთაში დასვენება ბავშვობაშიც არ მიყვარდა. ვიცი, მთის ჰაერი ჯანმრთელობისთვის ძალზე სასარგებლოა, მაგრამ რა ვქნა, ზღვისპირეთი მირჩევნია... ამ სიცხეში წყლის გარეშე ყოფნა არ შემიძლია. წყალი ჩემი სტიქიაა. მახსოვს, ბავშვობაში ყველაზე ხშირად, ოჯახის წევრებთან ერთად, დასასვენებლად თურქეთში მივდიოდი. მერე, როცა უკვე წამოვიზარდე, დაქალებთან ერთად წასვლის სურვილი გამიჩნდა. შარშან, ჩემს გოგოებთან ერთად, პირველად ვესტუმრე ეგვიპტეს და ძალიან კარგი
დრო გავატარეთ.
- რომელიმე სოფელში სახლი გაქვთ?
- არა, არც ერთ სოფელში არ გვაქვს სახლი, რის გამოც, სიმართლე გითხრათ, გული ძალიან მწყდება. ადრე ოქროყანასა და აბასთუმანში გვქონდა აგარაკი, მაგრამ ახლა აღარ გვაქვს. ყველაზე მეტად იმას ვნანობ, რომ ეს აგარაკები ვერ შევინარჩუნეთ. ჩემს დეიდაშვილს თბილისთან ახლოს კარგი სახლი აქვს და როცა აქ ძალიან ცხელა, მას ვსტუმრობ ხოლმე.
- როცა დასასვენებლად აპირებ წასვლას, სამზადისს რამდენიმე დღით ადრე იწყებ?
- ერთი თვით ადრე არა, მაგრამ ერთი კვირით ადრე კი ვიწყებ ჩემოდნის ჩალაგებას. ვერ ვიტყვი, რომ თან ბევრი ბარგი მიმაქვს. ჩემთვის მთავარია, კურორტზე ყოფნისას სამოსმა დისკომფორტი არ შემიქმნას. ამიტომ, ბევრი რამ მიმაქვს, ამ მხრივ თავს არ ვიზღუდავ.
- ზღვაზე ყოფნისას, ყველაზე კომფორტულად როგორ სამოსში გრძნობ თავს?
- თხელი, ლამაზი სარაფანი და "შლოპანცები".
- ზღვაზე ყოფნისას, კოსმეტიკას თუ იყენებ?
- როცა ზღვაზე მეგობრებთან ერთად ვარ, საღამოობით რესტორანში ან ბარში მივდი¬ვართ ხოლმე, მე კი ასეთ დროს გაპრანჭვა ძალიან მიყვარს. როცა გოგონებთან ერთად, თურქეთში ვისვენებ, იქ საღამოობით სულ გაპრანჭულები გავდივართ ქუჩაში... თუმცა, ზღვაზე ქუსლიანი ფეხსაცმელი არასდროს წამიღია, რადგან "მაღლები" ჩემთვის არაკომფორტულია.
- კურორტზე ყოფნისას, კალორიული კერძების მიღებას ერიდები? ხშირად გიწევს დიეტაზე ყოფნა?
- საერთოდ ვერ ვახერხებ დიეტის დაცვას. ერთხელ, კვარიათში დასასვენებლად ყოფნისას გადავწყვიტე, დიეტა დამეცვა, რომ თბილისში უკეთეს ფორმაში დავბრუნებულიყავი, მაგრამ არაფერი გამომივიდა. ჩემი დიეტობა იმით დასრულდა, რომ ღამის ოთხ საათზე, "სასწრაფო დახმარების" მანქანით ბათუმის საავადმყოფოში გადამიყვანეს...
- როგორ უვლი საკუთარ თავს? სახის კანის მოვლის რაიმე განსაკუთრებული მეთოდი თუ გაქვს?
- ვერ ვიტყვი, რომ დერმატოლოგთან დავდივარ და სახის კანს განსაკუთრებულად ვუვლი. უბრალოდ, ვიყენებ იმ კრემებს, რომლითაც დედა მამარაგებს. პირადად მე, აზრზე არ ვარ, როგორი ტიპის სახის კანი მაქვს და როგორი კრემი უნდა გამოვიყენო. ასევე, ვხმარობ "სკრაბს" და ამით შემოიფარგლება ჩემი სახის კანის მოვლის პროცედურა.
- საცურაო კოსტიუმს ადვილად არჩევ?
- რატომღაც, ყველაზე ძნელად საცურაო კოსტიუმს ვარჩევ. ძალიან იშვიათად ვხვდები ისეთს, როგორიც შეიძლება, მომეწონოს. ზოგის ფერი არ მომწონს, ზოგის - ფორმა.
- დასასვენებლად წასული, შოპინგისთვის თუ იცლი?
- ასეთ დროს შოპინგი ორმაგად მიყვარს. დასვენებულსა და ენერგიულს უფრო კარგად გამომდის სასურველი სამოსის შერჩევა. მიყვარს კარგი ტანსაცმელი, გემოვნებით შერჩეული აქსესუარები. ისე, ძალიან ბევრი სამკაული დამიგროვდა. ბოლო დროს, საყურესა და ბეჭდებს ვეღარ ვეგუები. ჰოდა, ახლა შეგროვებული ნივთების გაჩუქებით ვიღებ სიამოვნებას. ყველაზე მეტად, საათები და სამაჯურები მიყვარს.
- ძილი გიყვარს?
- კურორტზე ყოფნისას ყოველთვის სხვებზე ადრე მეღვიძება და ამიტომ, ხშირად მარტო მიწევს საუზმობა. არ შემიძლია ეს დილის ძილი, არც შუადღეს დაძინება მიყვარს. ყოველთვის მქონდა სურვილი, სხვებივით კარგად გამომეძინა, მაგრამ არ გამომდიოდა.
წყარო: gzapress.ge
