რუსეთში მცხოვრებმა ქართველებმა შვილები სკოლაში გაუშვეს - დღეს, 1 სექტემბერია...
საქართველოში სკოლაში სწავლა უკვე წლებია, პირველ სექტემბერს აღარ იწყება. ჩვენს მეზობელ ქვეყანაში, რუსეთში საბჭოთა ტრადიციას არ ღალატობენ. ბაფთიანი გოგონები, წითელი ვარდებით ხელში სკოლისკენ მიიჩქარიან. ბიჭები კი ტრადიციულად ''ბაბოჩკაში'' და შარვალ-კოსტუმში არიან გამოწყობილი.
რუსეთში მცხოვრები ქართველი ვარსკვლავები, ''ფეისბუქზე'' პირველ სექტემბერს შვილებთან
ერთად გადაღებულ ფოტოებს ტვირთავენ.
თეონა კონტრიძე ორ შვილთან და შვილების კლასელებთან ერთად პოზირებდა. რა თქმა უნდა, ამ მნიშვნელოვან მომენტს არ დაკლებია თეონას მეუღლე- ნიკოლაი კლოპოვი.
სკოლაში წავიდა აჩი ფურცელაძის გერი. აჩი ფურცელაძისა და გაია ხაჩიძის სიყვარულმა ბევრ გამოცდას გაუძლო. წყვილი რამდენჯერმე ოფიციალურად დაშორდა ერთმანეთს, თუმცა მოგვიანებით ორივე მიხვდა, რომ ერთმანეთის გარეშე ცხოვრება არ შეეძლოთ. გაიას შვილის სკოლაში წასვლას ორივე დიდი სიხარულით აღნიშნავს.
უკრაინაში მცხოვრებ წარმოშობით ქართველ იულია ქავთარაძეს, გოგონა ჰყავს. იულიამ ქართველ მაყურებელს თავი ''ცეკვავენ ვარსკვლავებში'' შეაყვარა. ბევრმა აღნიშნა, რომ სექსუალურ მომღერალს სიმღერაზე კარგად ცეკვა გამოსდის. იულიამ სკოლისკენ მიმავალ ელეგანტურად გამოწყობილ ქალიშვილთან ერთად გადაღებული ფოტო ატვირთა.
პირველი სექტემბერი ბევრმა ქართველმაც გაიხსენა და ფოტოები, სადაც სკოლაში პირველი სექტემბერია ასახული, ''ფეისბუქზე'' გამოაქვეყნეს.
წყარო: reitingi.ge
