შემოდგომაზე სანახავი 10 რომანტიკული ფილმი

შემოდგომის ლეგენდები


ლადლოის ოჯახის ისტორია - იმპულსური და რომანტიკული სამი ძმის თავგადასავალი. ასევე მამასა და ახალგაზრდა ლამაზ ქალზე, რომელიც თითოეული მათგანის ცხოვრებას შეცვლის. მოქმედება თვალწარმტაც ბუნებაში მიმდინარეობს, მისი ყურება არასდროს მოგბეზრდებათ.

სახლი ტბასთან




ულამაზესი სიყვარულის ისტორია, რომელიც ამტკიცებს, რომ შეყვარებულებს დროც ვერაფერს აკლებს. ექიმი კეიტ ფორსტერი ტბასთან სახლს მიატოვებს და საცხოვრებლად სხვაგან გადადის. წასვლის წინ კეიტი ახალ მაცხოვრებელს წერილს უტოვებს. სახლში საცხოვრებლად წარმატებული არქიტექტორი ალექს უაილერი გადმოდის. ის კეიტს საპასუხო წერილს სწერს. წერილებიდან იგებენ რომ სხვადასხვა დროში ცხოვრობენ.

სიამაყე და ცრურწმენა


ჯეინ ოსტინის რომანის თანამედროვე ეკრანიზაცია. ფილმს ბევრი კრიტიკოსი გამოუჩნდა, მაგრამ შეუძლებელია არ მოგხიბლოს თანამედროვე ფილმის ულამაზესმა ფერთა გამამ და ინგლისის შესანიშნავმა პეიზაჟებმა. ნიჭიერი მსახიობები და ლამაზი კოსტიუმები გულგრილს ვერავის დატოვებს.

შემოდგომა ნიუ-იორკში



შემოდგომის ნიუ-იორკი ნამდვილად მოგანდომებთ ჩამოცვენილი ფოთლებით სავსე პარკში გასეირნებას. სწორედ ამ პარკში, რესტორნის დირექტორი უილ კინი შეყვარებულს შორდება და მაშინვე ხედავს შარლოტა ფილდინგს. საღამოს კი საკუთარ რესტორანში ხვდება. უილის ახალი სასიყვარულო თავგადასავალი იწყება, მაგრამ მოულოდნელად იგებს, რომ მისი შეყვარებული ავადაა.

ტკბილი ნოემბერი


მკაცრ კოსტიუმში გამოწყობილი ნელსონ მოსსი მუდამ სადღაც მიიჩქარის და გამუდმებით დაკავებულია. სხვაგვარი ცხოვრება ვერც წარმოუდგენია, მაგრამ აქტიური და ექსცენტრული სარა დივერი მის დასახმარებლად გამოჩნდება. თუ ნელსონთან გაუმართლა, მისი თამაშის გამარჯვებული გახდება. ცოტა დამამწუხრებელი, მაგრამ კარგი ლირიული ფილმია.
არც დაგესიზმრებათ

ფილმი ორი მოზარდის სიყვარულზეა, რომელიც დღესაც აქტუალურია. პირველი სიყვარული ხომ ყველასთვის დაუვიწყარი და ნაცნობი გრძნობაა. ძალიან გულწრფელი ფილმია, რომელშიც თითოეული ადამიანი იპოვის საკუთარი სულის ნაწილს.

მედისონის ხიდები


ფრანჩესკა - ფერმერის ცოლი და ორი შვილის დედაა. მის მონოტონურ ცხოვრებაში მოულოდნელად იჭრება ბედი და რობერტს ხვდება. რობერტი უკვე დიდი ხანია მარტო ცხოვრობს, მაგრამ ეს შეხვედრა მის ცხოვრებასაც ცვლის. მათ ვნებიანად და დაუფიქრებლად უყვარდებათ ერთმანეთი, თუმცა სიყვარულისთვის მხოლოდ 4 დღე აქვთ. მერილ

სტრიპისა და კლინტ ისტვუდის განუმეორებელი წყვილის ნახვა ნამდვილად ძალიან სასიამოვნოა.

ბაღების ქვეყანა


როცა ენდრიუ ლარჯმანი დიდი ხნის წასვლის შემდეგ მშობლიურ ქალაქში ბრუნდება, ერთ ეპილეფსიან გოგონას, სემს ხვდება. ის ენდრიუს ემოციური ხასიათის დაძლევაში და ახალი ცხოვრების დაწყებაში ეხმარება. ძალიან თბილი და კეთილი ფილმია. მისი ყურების შემდეგ რწმუნდებით, რომ ყველაფერი კარგად იქნება.

შემოდგომა


მათ ახალგაზრდობაში ერთმანეთი უყვარდათ, შემდეგ კი დაშორდნენ. ილიამ ცოლი შეირთო, ალექსანდა კი გათხოვდა, მაგრამ ოჯახური ცხოვრება არცერთს არ გამოუვიდა. დიდი ხნის შეხვედრის შემდეგ ხვდებიან, რომ ერთმანეთი ძველებურად უყვართ და 7 უმშვენიერეს დღეს ერთად გაატარებენ.

ერთხელ


ფილმი კიარა ნამდვილი სასწაულია! მთავარი გმირები არა ნამდვილი პროფესიონალები არამედ მუსიკოსები არიან. მიუხედავად ამისა არაჩვეულებრივად გაართვეს თავი. ფილმის მთავარი ღირსება სწორედ სიმღერაა.