თინა კანდელაკი ჩაფლავდა – რატომ დასცინა მას რუსულმა საზოგადოებამ?

ცნობილია, რომ თინა კანდელაკის ახალმა თანამდებობამ – სპორტული ტელეარხის, "მატჩ ტვ"-ის გენერალური პროდიუსერის რანგში – რუსეთში უარყოფითი რეაქციები გამოიწვია, განსაკუთრებით, ჟურნალისტების მხრიდან. ბევრი თვლიდა, რომ ეს თანამდებობა ტელეწამყვანისთვის სრულიად შეუფერებელია.
რამდენიმე დღის წინ კი თინა კანდელაკი, როგორც სპორტული არხის ხელმძღვანელი, საერთოდაც ჩაფლავდა და დაცინვის ობიექტი გახდა. ყოფილმა ტელეწამყვანმა გადაწყვიტა, მიელოცა რუსეთის საფეხბურთო ნაკრებისთვის ლიხტენშტეინის გუნდთან გამარჯვება და "თვითერში" პოსტი გამოაქვეყნა: "რა საწყენია!!! Liechtenstein – Rossiya 7-0!!!"

სოციალურ ქსელში თინა კანდელაკის ხელმომწერებმა მისი სიხარული არ გაიზიარეს და ყურადღება გაამახვილეს მხოლოდ მის უხეშ შეცდომებზე.

პირველ რიგში, ინტერნეტმომხმარებლები აღაშფოთა საკუთარი ქვეყნის სახელწოდების დამწერლობამ, მეორე, ანგარიშმა - საკუთარ პოსტში ტელეწამყვანმა გამარჯვება ლიხტენშტეინს მიაკუთვნა და არა რუსეთის ნაკრებს.

"თინა, სამწუხაროა ის, რომ სპორტულ არხს ხელმძღვანელობთ. რუსეთის სახელწოდების დაწერისთვის ცალკე გიხდით მადლობას", "თქვენ არასწორად დაწერეთ ანგარიში!!", "ხუთიანი! და ამას წერს სპორტული არხის ხელმძღვანელი?", "7:0 და 0:7 შორის სხვაობას ვერ ხედავთ?..". "ის არ კმაროდა, რომ ანგარიში აგერია, ქვეყნის სახელსაც არასწორად წერ!!" – წერდნენ კომენტარებში კანდელაკს.

მოგვიანებით თინა კანდელაკმა თავის გასასამართლებელი პოსტიც გამოაქვეყნა: "ხანდახან იფიქრეთ, რომ არ ხართ ყველაზე ჭკვიანები, თუნდაც ეს ძალიან გინდოდეთ)".