ყირიმი, ეკა ბესელია და "მის პლანეტა" - სკანდალი, რომელიც საქართველოში ჩატარებულ საერთაშორისო კონკურსზე მოხდა
1 601 ნახვა
გუშინ საქართველოში "მის პლანეტის" ტიტულის მფლობელი გოგონა გამოავლინეს. კონკურსის გამარჯვეული თიკო ბაბლუანი გახდა. "მის პლანეტა" ეკა მგალობლიშვილის ორგანიზებით ჩატარდა და მასში მონაწილეობის მისაღებად მსოფლიოს სხვადასხვა ქვეყნებიდან ჩამოვიდნენ გოგონები. უცნაურია, მაგრამ პლანეტის ულამაზესი გოგონების შერჩევაში ეკა ბესელია და გულიკო ზუმბაძე იღებდნენ მონაწილეობას. რასაც საზოგადოების აღშფოთება მოჰყვა, თუმცა ამ კონკურსზე უფრო აღმაშფოთებელი შემდეგი ფაქტია, "მის პლანეტის" კონკურსზე ყირიმი ცალკე სახელმწიფოდ იყო წარმოდგენილი.
ეს ფაქტი კონკურსის ორგანიზატორებს და ჟიურის წევრებს არ გაუპროტესტებიათ. კონკურსის ორგანიზატორი, ეკატერინე მგალობლიშვილი "ambebi.ge"-თან საუბარში აცხადებს, რომ ყირიმი ათი წელია სილამაზის კონკურსებზე დამოუკიდებელი ქვეყნის სახელით გამოდის.
- ყირიმი ათი წელია დამოუკიდებელი ქვეყნის სახელით გადის კონკურსებზე, რუსეთმაც ორი მონაწილე ჩამოიყვანა, ერთი რუსეთის, მეორე კი რუსეთის ფედერაციის სახელით გამოვიდა. მე არასოდეს არ წავიყვან ქართველ კონკურსანტს სხვადასხვა რეგიონის სახელით. ყირიმის წარმომადგენელი, უკრაინის "მის პლანეტის" ნაციონალურმა დირექტორმა ჩამოიყვანა. მე საქართველოს სახელით გამყავს გოგონები კონკურსზე და სხვა ქვეყნის პრობლემაა რეგიონების სახელით, რომ გამოჰყავთ გოგონები. 2014 წელს ჰონგ-კონგში, აფხაზეთი სხვა ქვეყნის სახელით გამოვიდა, შევკრიბე ყველა ყველა
ქვეყნის ნაციონალური დირექტორი და ავუხსენი, რომ აფხაზეთი საქართველოა. ერთ-ერთი ქვეყნის დირექტორი დამეხმარა. აღმოჩნდა, რომ ის გოგონა აფხაზეთიდან არ იყო, ყირიმში ცხოვრობდა და რადგან ბებია ჰყავდა აფხაზი აფხაზეთის სახელით გამოვიდა კონკურსზე.
- რატომ აირჩიეთ ჟიურის წევრებად ეკა ბესელია და გულიკო ზუმბაძე?
- მსოფლიოს საერთაშორისო ჟიური ჩამოვიდა სხვადასხვა ქვეყნებიდან, მე და პოლონეთის ეროვნულმა დირექტორებმა გავხსენით საღამო. მიღებული წესია მსოფლიოს საერთაშორისო ჟიური დააფასოს ხელისუფლების წარმომადგენლებმა. ყველა საუბრობს იმაზე, რომ კონკურსი პრესტიჟულად ჩატარდა საქართველოში. ჩემი ქვეყნის პრესტიჟია, ჟიურიში ეკა ბესელია და გულიკო ზუმბაძე რომ იჯდა. დავით ნარმანიაც მინდოდა ყოფილიყო ჟიურიში, მაგრამ ეს ვერ მოხერხდა.
- ხელისუფლების წარმომადგენლებმა არ გააპროტესტეს ყირიმის დამოუკიდებელი ქვეყნის სახელით გამოსვლა?
- ყველას გაუკვირდა, მაგრამ რადგან ისინი ამ სფეროში კომპეტენტურები არ არიან მე ავუხსენი მდგომარეობა, ვუთხარი რომ ათი წელია ყირიმი დამოუკიდებლად გამოდის კონკურსებზე და ამაში უჩვეულო არაფერია.
წყარო: ambebi.ge
ეს ფაქტი კონკურსის ორგანიზატორებს და ჟიურის წევრებს არ გაუპროტესტებიათ. კონკურსის ორგანიზატორი, ეკატერინე მგალობლიშვილი "ambebi.ge"-თან საუბარში აცხადებს, რომ ყირიმი ათი წელია სილამაზის კონკურსებზე დამოუკიდებელი ქვეყნის სახელით გამოდის.
- ყირიმი ათი წელია დამოუკიდებელი ქვეყნის სახელით გადის კონკურსებზე, რუსეთმაც ორი მონაწილე ჩამოიყვანა, ერთი რუსეთის, მეორე კი რუსეთის ფედერაციის სახელით გამოვიდა. მე არასოდეს არ წავიყვან ქართველ კონკურსანტს სხვადასხვა რეგიონის სახელით. ყირიმის წარმომადგენელი, უკრაინის "მის პლანეტის" ნაციონალურმა დირექტორმა ჩამოიყვანა. მე საქართველოს სახელით გამყავს გოგონები კონკურსზე და სხვა ქვეყნის პრობლემაა რეგიონების სახელით, რომ გამოჰყავთ გოგონები. 2014 წელს ჰონგ-კონგში, აფხაზეთი სხვა ქვეყნის სახელით გამოვიდა, შევკრიბე ყველა ყველა
ქვეყნის ნაციონალური დირექტორი და ავუხსენი, რომ აფხაზეთი საქართველოა. ერთ-ერთი ქვეყნის დირექტორი დამეხმარა. აღმოჩნდა, რომ ის გოგონა აფხაზეთიდან არ იყო, ყირიმში ცხოვრობდა და რადგან ბებია ჰყავდა აფხაზი აფხაზეთის სახელით გამოვიდა კონკურსზე.
- რატომ აირჩიეთ ჟიურის წევრებად ეკა ბესელია და გულიკო ზუმბაძე?
- მსოფლიოს საერთაშორისო ჟიური ჩამოვიდა სხვადასხვა ქვეყნებიდან, მე და პოლონეთის ეროვნულმა დირექტორებმა გავხსენით საღამო. მიღებული წესია მსოფლიოს საერთაშორისო ჟიური დააფასოს ხელისუფლების წარმომადგენლებმა. ყველა საუბრობს იმაზე, რომ კონკურსი პრესტიჟულად ჩატარდა საქართველოში. ჩემი ქვეყნის პრესტიჟია, ჟიურიში ეკა ბესელია და გულიკო ზუმბაძე რომ იჯდა. დავით ნარმანიაც მინდოდა ყოფილიყო ჟიურიში, მაგრამ ეს ვერ მოხერხდა.
- ხელისუფლების წარმომადგენლებმა არ გააპროტესტეს ყირიმის დამოუკიდებელი ქვეყნის სახელით გამოსვლა?
- ყველას გაუკვირდა, მაგრამ რადგან ისინი ამ სფეროში კომპეტენტურები არ არიან მე ავუხსენი მდგომარეობა, ვუთხარი რომ ათი წელია ყირიმი დამოუკიდებლად გამოდის კონკურსებზე და ამაში უჩვეულო არაფერია.
წყარო: ambebi.ge
