ისინი ახლა უკვე 14-15 წლისანი არიან და განსხვავებული ოცნებები აქვთ

"ორი ბედის" ყველაზე დიდი ვარსკვლავები სწორედ ეს პატარა ბავშვები არიან, რომლებიც უკვე 14-15 წლისანი არიან. იჩას როლის შემსრულებელი სპარშ ხანჩანდანი ერთ-ერთი ყველაზე ცნობილი პატარა მსახიობია, რომელსაც ამ როლმა დიდი წარმატება მოუტანა. მოგვიანებით ჰოლივუდშიც ჰქონდა პატარა როლი ლუსი ლუს ფილმში. ინდოეთის სატელევიზიო აკადემიის ჯილდოც აქვს მიღებული. თუმცა არაერთხელ უთქვამს, რომ არანაირად აღარ სურდა ღარიბი გოგონას როლის განსახიერება მას მერე, რაც იჩა ითამაშა.

სპარში 2000 წელს არის დაბადებული, ადვოკატისა და მასწავლებლის ოჯახში. დღესაც სკოლაში სწავლობს მუმბაიში და მომავალში მსახიობობას აპირებს. ასევე უნდა, კარგი მხატვარი გამოვიდეს.


ტაპასიას როლის შემსრულებელი იშიტა პანჩალია. ის ორი წლით არის სპარშზე უფროსი – 1998 წეკს არის დაბადებული. მისთვის პირველი როლი კინოში ტაპასიას როლი იყო, შემდეგ კი რამდენიმე სერიალში მიიღო მონაწილეობა. მისი მშობლები ექიმები არიან და იშიტა მათი ერთადერთი შვილია. რეალურ ცხოვრებაშიც იშიტა სპარშზე უფრო შეძლებული ოჯახიდან არის. მომავალში მსახიობობასა და მოდელობაზე ოცნებობს.