"თუ მაინც ცალკე უნდა ვატარო ბავშვი მასწავალებელთან, მაშინ რა აზრი აქვს ასეთ კერძო სკოლას?!"

სექტემბრის შემოსვლას თან ახლავს სამზადისი ახალი სასწავლო წლისთვის. პირველკლასელთა მშობლები შვილებთან ერთად ცხოვრების ახალ ეტაპზე გადადიან. თამუნა მუსერიძემ წელს შვილი პირველ კლასში მიიყვანა. ამჯერად მისი სასკოლო სამზადისით და მოლოდინებით დავინტერესდით.

- ვაპირებდი ბავშვი კერძო სკოლაში შემეყვანას, მაგრამ იმავე სკოლის მასწავალებელმა, სადაც ბავშვის დარეგისტრირებას ვაპირებდი, მითხრა, მაინც დასჭირდება ცალკე მომზადებაო. თუ მაინც ცალკე უნდა ვატარო ბავშვი მასწავალებელთან, მაშინ რა აზრი აქვს ასეთ კერძო სკოლას? რასკვირველია, დავიწუნე. ამის შემდეგ კიდევ რამდენიმე კერძო სკოლა ვნახე, რომელშიც კატასტროფულად მაღალი გადასახადი იყო, პირველი კლასის მოსწავლეს ვერ ვხვდები, 8000 ლარის რა უნდა ასწავლონ. გასაგებია, რომ ყველაზე დიდი ინვესტიცია, რაც შეიძლება განახორციელო, შვილის განათლებაა, მაგრამ პირველ კლასს მგონი ეს არ ეხება, შემდეგ და შემდეგ – კი ბატონო. ამიტომ შევეშვი ბევრ ძებნას და 55-ე სკოლაში შევიყვანე, სადაც ვსწვალობდით მეც და დედაჩემიც, თან იქვე ვცხოვრობ და ტერიტორიულადაც მაწყობს.

- სანამ სწავლა დაიწყებოდა, მანამადე თუ გყავდა სკოლაში, როგორი მოლოდინი ჰქონდა?
- კიი, სწავლის დაწყებამდე, რა თქმა უნდა, მყავდა სკოლაში, მეტიც, ღია იყო მისი კლასი, შევიპარეთ და დავათვალიერებინე. ძალიან დიდი მოლიდნი ჰქონდა და უხაროდა სკოლაში მისვლა, მაგრამ მერე და მერე რამდენად გაუხარდება, უკვე აღარ ვიცი.

- მშობლის პოზიციიდან როგორი იყო შენი სამზადისი სკოლისთვის, გასაგებია, რომ წიგნებს სკოლა ურიგებს ბავშვს, მაგრამ გარდა ამისა, უამრავი რამ სჭირდებათ...
- წიგნებს სკოლა უზრუნველყოფს, დანარჩენი, ტანსაცმელი: შარვალი, პერანგი და მსგავსი რაღაცები სადღაც 400 ლარი დამიჯდა.

- რაც შეეხება რეჟიმს და დილით ადრე ადგომას, როგორ ეგუებით ამას?
- ჩემთვის იყო დიდი ბედნიერება, როცა გავიგე, რომ პირველკლასელებს სწავლა 2-ის ნახევარზე ეწყებათ, მე ხომ პირველი არხის დილს გადაცემაში ვმუშაობ, 11-ის ნახევარზე უკვე სამსახურს ვამთავრებ, 9 საათზე რომ დაწყებულიყო სწვალა, ფიზიკურად ვერ მოვასწრებდი

ბავშვის სკოლაში ტარებას, ახლა კი სამსახურმოვლილი მივაქცევ უკე ყურადღებას.

- დაიწყო უკვე "ისწავლე, ისწავლეს" ძახილი?
- გამომდინარე იქიდან, რომ ჩემი შვილი ძალიან ჯიუტია და არ მიჯერებს ისე, როგორც მე ვუჯერებდი დედაჩემს, ჯერ კიდევ არ ვიცი, რამდენად მექნება სწავლის პრობლემა. თუ ძალიან გაჯიუტდა, ამ სიტუაციისთვის შერჩეული მყავს ერთი გოგონა, რომელიც სახლში მოვა და ამეცადინებს, უცხოსთან რიდი ექნება და ყველაფერს გააკეთებს.

- სკოლს გარდა თუ დაგყავს რაიმე წრეზე? ან თუ აპირებ შეყვანას?
- სკოლაშივე არის ჭადრაკის წრე და ძალიან მინდა, ვატარო, იმიტომ, რომ ჩემსავით მათემატიკაში ცოტა უჭირს და მინდა, ამ მხრივ გონება გაეხსნას. გარდა ამისა, მინდა შევიყვანო რაგბზე და სიმღერაზე, ვერ ვაჩერებთ, გიჟდება მუსიკაზე. ჯერჯერობით ვოკალის თვალსაზრისით მინდა წავიდე, ხალხურ სიმღერაზე ვაპირებ შეყვანას, რომ ამ მხრივ სმენა გაეხსნას და მერე შეიძლება რაიმე ინსტრუმენტი, მაგალითად გიტარაც დავიმატოთ.