ვინ არის ბოლო დროის ინტერნეტსენსაცია "მაღალი ციცო"?
ფეისბუქზე შექმნილი გვერდი "მაღალი ციცო" გამოჩენისთანავე პოპულარული გახდა ქართველ ინტერნეტმომხმარებლებში. გვერდი დაახლოებით ორი თვის წინ შეიქმნა და უკვე 38 000-ზე მეტი "დამლაქებელი" ჰყავს.
აღსანიშნავია, რომ გვერდის ადმინისტრატორი ქართველ ცნობილ ადამიანებს ჯანსაღი იუმორით წარმოგვიდგენს. უამრავი აზრი არსებობდა, იმის შესახებ, ვინ იყო სინამდვილეში ენამოსწრებული და ძალიან კრეატიული მაღალ ციცო.
"მარაოსთვის" ცნობილი გახდა, ვინ არის რეალურად მაღალი ციცო. ის ახალგაზრდა მუსიკალური დიჯეი, გიგი გოგოლაძეა, რომელსაც შოუ-ბიზნესში კარგად იცნობენ. მუშაობდა "პირველ რადიოში", შემდეგ კი "აფხაზეთის ხმაზე" გადავიდა სამუშაოდ. ინტერვიუები არ უყვარს, რამდენიმე კითხვაზე პასუხის გაცემასაც
დიდი თხოვნის შემდეგ დათანხმდა:
- ჩემთვის გასართობად გავაკეთე ეს გვერდი და ვერ ვიფიქრებდი, ასეთი რეიტინგული თუ გახდებოდა. შემეძლო, ჩემს გვერდზე მეხუმრა, მაგრამ არ მინდოდა ეს ხუმრობები მოსაბეზრებელი ყოფილიყო ჩემი მეგობრებისთვის, ამიტომ გავაკეთე გვერდი "მაღალი ციცო".
- ცნობილი ადამიანების მხრიდან "მაღალ ციცოზე" დადებითი შეფასებები გაკეთდა, ელოდი ამ შეფასებებს?
- გავეცანი მათ შეფასებებს "ამბები.ჯი"-ზე და სოციალურ ქსელში, ვიცოდი, ცუდი რეაქცია რომ არ ექნებოდათ. ცუდად არ ვხუმრობ და შესაბამისად, არ აქვს ცუდი გამოხმაურებები ჩემს ხუმრობებს. ალბათ ათასში ერთ ადამიანს ეწყინა, ვინც ცუდ ხასიათზე იყო, თორემ ძირითადად კარგი გამოხმაურებებია.
წყარო: marao.ge
