"ჯოჯოხეთის კარიბჭე" - გიგანტური ცეცხლოვანი კრატერი თურქმენეთში

ერთი შეხედვით, ეს კადრები ფანტასტიკური ჟანრის ფილმი გეგონებათ, მაგრამ ცეცხლმოდებული გიგანტური ხვრელი, რომელიც თურქმენეთში, სოფელ დარვეზეში მდებარეობს, სრული რეალობაა და მას "ჯოჯოხეთის კარიბჭეს" უწოდებენ.

ბუნებრივი გაზის მოგიზგიზე კრატერი რუსი გეოლოგების ჯგუფის წყალობით 40 წლის წინ შეიქმნა. 1971 წელს საბჭოთა გეოლოგებმა ადგილის გათხრა დაიწყეს და ნატურალური გაზით სავსე მღვიმე აღმოაჩინეს, მაგრამ გათხრის დროს საბურღი მოწყობილობის ქვეშ მიწა ჩაინგრა და 70 მეტრის დიამეტრის ხვრელი გაჩნდა.