ანუკა არეშიძე სოხუმის დაცემას იხსენებს: „მისმა ბიჭებმა იციან, რომ სახლში ნამდვილი ჯარისკაცი ჰყავთ“

სოხუმის დაცემიდან 27 სექტებერს 22 წელი გავიდა. აფხაზეთში სამხედრო დაპირისპირება 13 თვეს და 13 დღეს გაგრძელდა და საქართველოს შეიარაღებული ძალების მარცხით დასრულდა. ამ დღეს ენერგეტიკის მინისტრის კახი კალაძის მეუღლე - ანუკა არეშიძე ემოციურად იხსენებს.

"მართალია ძალიან პატარა ვიყავი, მაგრამ დედის ემოცია,
როდესაც იხსენებს სოხუმის დაცემას უდიდეს ემოციებს იწვევს ჩემში. ჩემი უფროსი ძმა ჩვილი იყო როდესაც მამამ დედას სთხოვა საჭირო ნივთები გაემზადებინა, რადგან ის ომში მიდიოდა. მიზეზი ძალიან მარტივი იყო. ქვეყნის ერთიანობა. ორი ბიჭი მეზრდება და როცა ისინი გაიზრდებიან აუცილებლად მკითხავენ: თუ რა გავაკეთე მე ქვეყნისთვის როცა მას უჭირდა?- ან ვუპასუხებ რომ ყველაფერი, ან იქ დავრჩები.

მამაჩემს ომში დედაჩემის ორივე ძმა გაჰყვა. ბაბუაჩემი კი ჯარისკაცებს თბილ ტანსაცმელს და საჭმელს უგზავნიდა. ბიჭიკოც წავიდოდა ომში, ასაკს რომ შეეწყო ხელი. მართალია მე სოხუმში არ ვარ ნამყოფი, მაგრამ ჩემს ოჯახს უდიდეს ტკივილად ახსოვს ეს დღე...

მამა 2 კვირა დაკარგული იყო. თუმცა ღვთის წყალობით ის დაბრუნდა, დაჭრილი, მაგრამ ცოცხალი. დღეს ამ თემაზე საერთოდ არ ლაპარაკობს და ომის კადრებსაც ვერ უყურებს. მისმა ბიჭებმა კი იციან, რომ სახლში ნამდვილი ჯარისკაცი ჰყავთ, რომელმაც ყველაზე ბოლოს დატოვა სოხუმი", - წერს „ფეისბუქზე“ ანუკი არეშიძე.
წყარო: reitingi.ge