რა ფიზიკურ ნაკლს მალავენ ჰოლივუდის ვარსკვლავები - იქ სადაც ნაკლოვანებები შენიღბულია

სხვა დროს, სანამ ბალიშში თავჩარგული იტირებთ „დაგრეხილი“ ფეხების, ცხვირზე მეჭეჭის ან არათანაბარი კბილების გამო, გაიხსენეთ, რომ ვარსკვლავი ლამაზმანებიც კი, რომლებზეც მთელი მსოფლიოს მამაკაცები ოცნებობენ, ვერ დაიკვეხნიან სრულყოფილი გარეგნობით. უბრალოდ, მათ ისწავლეს ნაკლოვანებების შენიღბვა ან მათი ღირსებად წარმოჩენა.

მეგან ფოქსი - დეფორმირებული თითები

მოტოროლას მოდელის სარეკლამო კამპანიის გადაღებებზე მსახიობს დუბლიორის დახმარება დასჭირდა. მეგანმა ითხოვა, მსხვილი ხედით არ გადაეღოთ მისი... ხელები. აღმოჩნდა, რომ „პლანეტის ყველაზე სექსუალური ქალი“ ლამაზია, ოღონდ სულაც არა თითის ფრჩხილებამდე. მეგანი ხელის თითების თანდაყოლილი ანომალიით იტანჯება, რის გამოც ხელებზე დიდი თითები სხვა თითებზე ნელა ეზრდება და ფრჩხილები მათზე განუვითარებელი ჩანს.

პერის ჰილტონი - „ზარმაცი“ თვალი

არასდროს მიგიქცევიათ ყურადღება, რომ ყოველთვის, ფოტოგრაფების წინ პოზირების დროს, პერისი მარცხენა თვალს ჭუტავს? რამდენიმე წლის წინ, წარუმატებელი პლასტიკური ოპერაციის შემდეგ, ცნობილ ქერა ლამაზმანს მარცხენა ქუთუთო დაეკიდა. დეფექტის გამოსწორება შეუძლებელია - მდიდარი მემკვიდრის მეტისმეტმა სიყვარულმა კონტაქტური ლინზებისადმი მისი საცრემლე გარსი მეტისმეტად დააზიანა. პერისს არც სურს რაიმეს შეცვლა - ნუთუ შეუძლია ცისფერ თვალებზე თქვას უარი და ნატურალურ ყავისფერს დაუბრუნდეს? ეს ხომ ასეთი „მოსაწყენია“!



კეიტ ჰადსონი - მკერდის არარსებობა

კეიტ ჰადსონს არასდროს ეუხერხულებოდა თავისი პატარა მკერდის, რომელიც საცურაო კოსტიუმში... ბიჭურად გამოიყურებოდა. „მას იმავე ზომის მკერდი აქვს, რაც მე“, - თქვა ერთხელ მარლონ უეიანსმა, როდესაც ამერიკან მიუზიქ ავარდსის ცერემონიაზე ლამაზმანს მხრიდან კაბის ბრეტელი ჩამოუცურდა. „მთავარია არა გარშემო მყოფთა აზრი, არამედ თვითშეგრძნება“, - თავიდან მოიცილა აბეზარი კომიკოსი კეიტმა. თუმცა ხმები დადის, რომ თავის დაბადების დღეზე, სამი წლის წინ, მან მაინც გაიდიდა მკერდი... პირველ ნომრამდე.



ვანესა პარადი - ნაპრალი კბილებს შორის

სტომატოლოგთან ნუ გაიქცევით, თუ წინა კბილებს შორის დიდი დაშორება გაქვთ. სწორედ ვანესა პარადის მომხიბვლელობის გამო, იდეალურად თანაბარი კბილები კარგა ხანია მოდური არაა. მოდური ჟურნალები და სილამაზის ინდუსტრიის გიგანტები დითირამბებს უმღერიან იმ ნაპრალს კბილებს შორის, რომელიც არათუ არ აფუჭებს მის სახეს, არამედ გამორჩეულ ხიბლს სძენს. დღეს მიიჩნევა, რომ ასეთი ნაპრალი განსაკუთრებული სექსუალური და მხიარული ხასიათის მაჩვენებელია. თუმცა კი სტომატოლოგები მას დიასტემიას უწოდებენ.



ჯულია რობერტსი - უშველებელი პირი

რამდენიმე წლის წინ ჰიუ გრანტმა, ჯულია რობერტსთან გადაღებებზე საუბრისას, გულწრფელად აღიარა, რომ „როდესაც მას კოცნი, რაღაც ექო გესმის“. რასაკვირველია, ბრიტანელმა მექალთანემ იხუმრა. „ლამაზმანის“ უშველებელი პირი მართლაც არღვევს სახის იდეალურ პროპორციებს. მაგრამ შედგებოდა კი ჯულიას თავბრუდამხვევი კარიერა ამ ფართო ღიმილის გარეშე (თუმცა, რასაკვირველია, უსაშველოდ გრძელმა ფეხებმაც ითამაშა თავისი როლი).



კეიტ ბოსვორტი - სხვადასხვა ფერის თვალები

წითელ ხალიჩაზე კეიტ ბოსვორტი ყოველთვის დამაბრმავებლად გამოიყურება, მაგრამ საკმარისია ახლოს მიხვიდე, გეჩვენება, რომ მას... ფერადი საკონტაქტო ლინზები აერია. მსახიობს თანდაყოლილი ფერადი გარსის ჰეტეროქრომია აქვს: ერთი თვალი ყავისფერი, მეორე - ცისფერი. ეს სიმპტომი ხშირად გვხვდება ცხოველებში - ძაღლებში, კატებში, ცხენებში, ადამიანებს შორის კი ის იშვიათობაა. თუმცა უნდა აღინიშნოს, კიდევ ერთ

ცნობილ მსახიობს აქვს იგივე „დეფექტი“ - სერიალ „გაქცევის“ ვარსკვლავ ვენთვორთ მილერს.



კეტი პერი - პრობლემური კანი

რასელ ბრენდთან ქორწინებამდე 25 წლის ვარსკვლავი სასოწარკვეთილი ებრძვის არა მხოლოდ ზემდეტ წონას, არამედ პრობლემურ კანსაც. „ყოველთვის მეტისმეტად დამუწუკებული ვიყავი, - აღიარებს კეტი, - კვალიც კი დამრჩა ჩუტყვავილას შემდეგ, რისაც დღემდე მრცხვენია და ტონალური საცხით საგულდაგულოდ ვიმალავ“. წელს კეტიმ თავის სახეზე არსებულ წითელ მუწუკებს საბოლოოდ გამოუცხადა ომი - სახის მოვლისთვის განკუთვნილი საგანგებო პროაქტივ სოლუშენის წარმომადგენელი გახდა.



ჰოლი ბერი - ექვსი თითი ფეხზე

წლიდან წლამდე ავტორიტეტული მამაკაცური გამოცემები ჰოლი ბერის „მსოფლიოს ყველაზე ლამაზ ქალთა“ შორის მოიხსენიებენ და ეს მიუხედავად იმისა, რომ მსახიობი... ექვსთითა დაიბადა. ექიმები ამ ანომალიას პოდიდაქტილიას უწოდებენ. სტატისტიკის თანახმად, ექვსი თითით ხუთი ათასში ერთი ბავშვი იბადება და ჩვეულებრივ, ზედმეტ თითს მაშინვე კვეთენ ქირურგიული გზით. საინტერესოა, ჰოლის მშობლებმა რატომ გადაწყვიტეს მისი დატოვება, ან შემდეგ, უკვე ვარსკვლავმა ჰოლიმ რატომ არ მოიცილა ის? ალბათ ვერ ელევა.