თუ ექიმი მოგეწონათ, მალე გამოჯანმრთელდებით!

როგორ იცვლება პაციენტის რეაქცია აბებსა და ნემსებზე, თუ ამას ყველა გაგებით საყვარელი ექიმი უნიშნავს?

პლაცებო-პრეპარატების (მატყუარა წამლების) დადებითი ეფექტი მეცნიერების მიერ დიდი ხნის წინ დადასტურდა, მაგრამ აღმოჩნდა, რომ არამარტო მატყუარა ტაბლეტს შეუძლია გააყუჩოს ტკივილი ან ჩააქროს ანთებითი პროცესი.

მკურნალობის ხარისხი და გამოჯანმრთელების სისწრაფე ასევე დამოკიდებულია... ექიმის მიმართ დამოკიდებულებაზე, ანუ რამდენად სიმპათიით არის განწყობილი პაციენტი მკურნალი ექიმის მიმართ.

მიუნხენის ფსიქოლოგიის ინსტიტუტის მკვლევარებმა დაამტკიცეს, რომ თუ ექიმთან (ექთანთან, რომელიც ნემსს უკეთებს ან სხვა პროცედურას) მისული პაციენტი "არათანაბრად სუნთქავს" - ეს უკვე თავისთავად პლაცებოა. მიუნხენის ყველაზე დიდი კლინიკის თერაპიულ განყოფილებაში ავადმყოფებზე დაკვირვების შემდეგ აღმოჩნდა, რომ როცა პაციენტს ექიმის მიმართ პირადი სიმპათია ჰქონდა, მკურნალობა თითქმის 2-ჯერ უფრო სწრაფად და ეფექტურად მიმდინარეობდა.

პირველ რიგში, სიყვარული ნდობას აძლიერებს; მეორე, ორგანიზმი გაძლიერებულად გამოყოფს ენდორფინებს - ტკივილგამაყუჩებელ საშუალებას, რომელიც იწვევს ბიოქიმიურ რეაქციებს ტვინში, თანაც იმ უბნებში, რომლებიც სქესობრივ ჰორმონებზე არის პასუხისმგებელი.

საინტერესოა, რომ ხშირია შემთხვევები, როცა მამაკაცებს უყვარდებათ მკურნალი ექიმები - კარდიოლოგები და თერაპევტები, პლუს ყველა განყოფილების ექთნები; თუმცა გამონაკლისია უროლოგები.

ფსიქოლოგებმა ეს ყველაფერი ასე განმარტეს: თუ ექიმი პაციენტის გენიტალიებს მკურნალობს (გინეკოლოგი და უროლოგი), მაშინ ჰორმონი ადრენალინი, რომელიც პაციენტებში ამ დროს გამოიყოფა, ნაწილობრივ ანეიტრალებს ენდორფინებს და სიმპათიას ექიმის მიმართ აქვეითებს.

1961 წელს დიდ ბრიტანეთში საშინელი სკანდალი აგორდა. ცნობილი კარდიოლოგი ტომას კროუნი, რომელსაც 70 წელი შეუსრულდა, საკუთარ მოგონებებში, რომელიც მის იუბილეს ეძღვნებოდა, გამოტყდა, რომ უამრავ პაციენტ ქალთან ჰქონდა ინტიმური კავშირი.

მთელი მისი კარიერის განმავლობაში კროუნთან 150 პაციენტ ქალს ჰქონდა ნებაყოფლობითი სექსუალური კავშირი. თითოეული კავშირი რამდენიმე კვირიდან რამდენიმე წლამდე გრძელდებოდა. ამ აღიარებისთვის სერ კროუნს ექიმის წოდება ჩამოართვეს, მაგრამ ის აგრძელებდა იმის მტკიცებას, რომ პაციენტებთან სასიყვარულო კავშირები - ხშირი შემთხვევაა ექიმების პრაქტიკაში, რადგან ასეთი რომანები ქალებს ეხმარება განწყობის ამაღლებაში და ხელს უწყობს მათ სწრაფ გამოჯანმრთელებას.