უიტნი ჰიუსტონის შვილი აცხადებს რომ დედა გამოეცხადა.

დედის გარდაცვალების შემდეგ მისი ქალიშვილი ბობი კრისტინა ბრაუნი ატლანტაში მდებარე უიტნი ჰიუსტონის სახლში ვეღარ იძინებდა, თუმცა იმის შემდეგ რაც განაცხადა დედის გამოცხადების შესახებ თავს უკვე მშვიდად გრძნობს. ამის შესახებ დასავლური გამოცემა PEOPLE წერს.

ბობი კრისტინამ ოპრა უინფრის პოპულარულ გადაცემაში სტუმრობისას შემდეგი სიტყვები წარმოთქვა: “მე გავიღვიძე და გავიგონე მისი ხმა, რომელიც მეუბნებოდა: კარგი, დროა სახლში დაბრუნდე. როდესაც სახლში დავბრუნდი, თავი კარგად ვიგრძენი, ჯერჯერობით იმ სახლში ვარ, სადაც მე და დედა ერთად ვცხოვრობდით. ხშირად ვეძახი ხოლმე უიტნის, როგორც ადრე, – დედა, მაგრამ, სამწუხაროდ, მისგან პასუხს ვეღარ ვისმენ ხოლმე”- აცხადებს ის.

უიტნის ერთადერთი ქალიშვილი უკვე თავს ბევრად დაცულად და მშვიდად გრძნობს რადგან დედა გამოეცხადა.

კიდევ ერთხელ შეგახსენებთ რომ უიტნი ჰიუსტონი, მსოფლიო დონის ვარსკვლავი 11 თებერვალს ლოს-ანჯელესში, სასტუმრო “ბევერლი ჰილტონში” გარდაცვლილი იპოვეს.