ნინი ნებიერიძე მილიონერ ქმართან ერთად თბილისში დაბრუნდა

უკვე შეიძლება თამამად ითქვას, რომ მოდელ ნინი ნებიერიძის და თემულ უგულავას ქორწინება წლის ქორწინებაა. მსგავსი აჟიოტაჟი ბოლო წლებში არც ერთ წყვილს არ გამოუწვევია.

გაოცების მიზეზი კი საზოგადოებას ნამდვილად ჰქონდა. ბევრს ბიზნესმენსა და მოდელს შორის ასაკობრივი სხვაობა უკვირდა და ამბობდა, რომ 19 წლიანი ასაკობრივი სხვაობა რამდენიმე წელში მათი დაშორების მიზეზი გახდებოდა.

ზოგი ფიქრობდა, რომ მექალთანე უგულავა, მალე სხვა გოგოთი დაინტერესდებოდა და მის უთვალავ რომანებს ითვლიდა.

ამ ყველაფერს კი ისიც დაერთო, რომ ბიზნესმენი ყოფილ მეუღლეს ბაია დავითაიას ოფიციალურად ეყრება და ბაია იმ პირობებით,
რასაც თემურ უგულავა სთავაზობს, კმაყოფილი არაა.

ახალდაქორწინებულმა კრიტიკა იმის გამოც კი დაიმსახურეს, რომ თაფლობის თვე ნიუ-იორკში გაატარა. წყვილს არჩევანი დაუწუნეს და წერდნენ, რომ ნიუ-იორკი არარომანტიკული ქალაქია და თაფლობის თვის ამ ქალაქში გატარება, ცოტა უცნაურია.

თუმცა თავად წყვილი ამერიკაში თავს არაჩვეულებრივად გრძნობდა. ნინი სოციალურ ქსელში მეუღლესთან ერთად გადაღებულ ეროტიკულ ფოტოებს დებდა.

ესეც ბევრისთვის გაკვირვების საგანი გახდა, რადგან მისი მეუღლის, თემურ უგულავას ფოტო მანამდე სოციალურ ქსელში არავის უნახავს. ბიზნესმენის მხოლოდ ახალგაზრდობის დროს გადაღებული რამდენიმე ფოტო იყო საზოგადოებისთვის ცნობილი.

წყვილი რამდენიმე დღის წინ თბილისში დაბრუნდა. როგორც ჩანს, ნინი მოდელობას კვლავ აქტიურად დაუბრუნდა. ''ფეისბუქზე'' ერთ-ერთ დიზაინერთან ერთად გადაღებული ფოტოები ატვირთა და როგორც ყოველთვის ამჯერადაც ბევრი მოწონება დაიმსახურა.
წყარო: reitingi.ge