ქართულ სილამაზის კონკურში ტრანსგენდერი მონაწილეობს - „ხორციანებს ვანიჭებ უპირატესობას...“

საქართველოში კიდევ ერთი კონკურსი „მის და მისტერ გოლდენ ბრენდი“ ტარდება. სილამაზის კონკურსს საქართველოში სკანდალები არ აკლია, თუმცა ამჯერად სკანდალის მიზეზი ის გახდა, რომ ერთ ერთი მონაწილე ტრანსგენდერია. დეტალების გასარკვევად ჟიურის თავმჯდომარეს სოსო კავკავაშვილს დავუკავშირდით:

-  სოსო, სილამაზის კონკურსებში ჟიურის წევრობის გამოცილება გაქვს?
-  რა თქმა უნდა, მაქვს ჟიურის წევრობის გამოცდილება. გახლდით და გახლავართ მსოფლიო სილამაზის კონკურსების ჟიურის წევრი. ''მის პლანეტა საქართველოს'' და ''მსოფლიო თინეიჯერი მოდელის“ ჟიურის წევრი, აღარაფერს ვამბობ ადგილობრივ კონკურსებზე. ასევე ვარ რამოდენიმე წარმატებული პროექტის ავტორი. რაც შეეხება კონკურსის ჟიურიში ჟურნალისტების ჩართვა განაპირობა კონკურსის წინაპირობამ, რომელიც დაკავშირებული იყო თამო ვაშალომიძესთან, ინგა სიორიძესთან და გიორგი მასხულიასთან. გიორგი მასხულია გახლავთ ამ კონკურსის დამფუძნებელი, რომლის წართმევა მოინდომეს ხსენებულმა პირებმა და გიორგის როგორც ცნობილია, ცილიც კი დასწამეს. ამ თემაზე გიორგი მასხულიამ სარჩელი შეიტანა საქართველოს პროკურატურაში და ამ წუთებში იგი ჩვენებას აძლევს გამომძიებელს. ახლა დამირეკა კონკურსის პროდიუსერმა.

-  როგორც ვიცი კონკურსში ტრანსგენდერი მონაწილეობს და როგორია თქვენი დამოკიდებულება ამ ყველაფერთან?
- „მის და მისტერ გოლდენ ბრენდის“ შესარჩევი კასტინგი იყო ღია და კონკურსზე დარეგისტრირება ყველას შეეძლო. მათ შორის ტრანსგენდერ ადამიანებსაც. პირველად საქართველოში მოხდა ასეთი შემთხვევა, როდესაც ტრანსგენდერი დარეგისტრირდა ამ კონკურსში და პირველ ტურში მიიღო მონაწილეობა. კონკურსის დებულება არ კრძალავს არც ერთი იდენტობის მქონე ადამიანის მონაწილეობას. რაც შეეხება ჩემს დამოკიდებულებას ბუნებით არ ვარ ჰომოფობი ადამიანი, თუმც მე როგორც ამ კონკურსის ჟიურის თავჯდომარე არ მინდა, ეს კონკურსი გახდეს სექსუალური უმცირესობების პროპაგანდის წყარო.

-  როგორ ფიქრობ, აქვს გამარჯვების შანსი?
- ჟიურის ხმათა უმრავლესობით ტრანსგენდერი გა

დავიდა შემდეგ ტურზე, თუმცა ალბათ კრიტერიუმებს ვერ დააკმაყოფილებს. ტრანსგენდრეი მამაკაცი გახლავთ ქალი და იგი ვერც ერთ კრიტერიუმში ვერ ჯდება. ტრანსგენდერის კონკურსში მონაწილეობას მოჰყვა საზოგადოების არაერთგვაროვანი რეაქცია. მმკ-მ (მართლმადიდებელ მშობელთა კავშირი) გააპროტესტა და 30 ოქტომბერს ნახევარ ფინალზე საპროტესტო აქციის მოწყობას გეგმავენ.

ნინო ადამაშვილი (ჟიურის ერთ ერთი წევრი): 

- ნინო, ბოლო დროს რას საქმიანობ?
- ძირითადად ''იმედზე'' ვარ. შალვა რამიშვილის პროექტებში. ასევე ''ტვ 11''- ზეც ვიყავი გადაღებაზე, ასევე ვარ ''მის და მისტერ გოლდენ ბრენდის'' ჟიურის წევრი.

- როგორია შენთვის სილამაზის კრიტერიუმი? რა ნიშნით აფასებ კონკურსანტებს?
- საერთოდ გამხდარი გოგონები არ მომწონს, ცოტა ხორცი მაინც უნდა ჰქონდეთ გამობმული. მაგრამ იმ ოფიციალური პარამეტრებიდან გამომდინარე, რაც არსებობს, მაინც ცოტა ხორციანებს ვანიჭებ უპირატესობას.  

- ასეთები არიან კონკურსზე?
- ყველაფერი შედარებითია, მთლად ჩემი პარამეტრები ცხადია არავის არა აქვს მაგრამ...

- როგორც ვიცი, ტრანსგენდერი მონაწილეობს კონკურსში.
- კი, ნატალია მაჭარაშვილი.



- როგორ ფიქრობ, აქვს გამარჯვების შანსი?
- ცოტა მეეჭვება გულახდილად რომ გითხრათ, მაგრამ ვნახოთ. ისე, არ აქვს ცუდი ტანი.

- კონკურსზე რატომაა ჩაცმული, როცა სხვები საცურაო კოსტიუმში არიან გამოწყობილი?
- არ ვიცი, ნება დართო ორგანიზატორმა. მაგრამ დაგვპირდა, რომ საცურაო კოსტიუმის ტურზე ასე არ გამოვა. ფოტო საჩვენებელი კონკურსის დროსაა გადაღებული.

ჩემი პოზიცია, ისაა, რომ მე ზოგადად ეგ კონტინგენტი დიდად არ მიყვარს. მათ ორიენტაციას ვგულისხმობ. მაგრამ შევეცდები, ობიექტური ვიყო თანაბრად ყველას მიმართ და გული არავის ვატკინო.