უსინათლო ქართველი პიანისტის მსოფლიო დონის წარმატებები და ქველმოქმედება
2 664 ნახვა
"ასეთი ტიპის კონცერტი საქართველოში პირველად ჩატარდა და ეს არის მესიჯი იმისა, რომ შეზღუდული შესაძლებლობები არ არსებობს!"
- ამბობს უსინათლო პიანისტი თამუნა შალვაშვილი. წარმატებული მუსიკოსი ცდილობს, სხვა უსინათლო ხელოვანებისთვისაც ხელსაყრელი პირობები შექმნას საქართველოში.
- წლების წინ, მსოფლიოში აღიარებულმა ქართველმა პიანისტმა - ლექსო თორაძემ გამოგარჩიათ და ფესტივალზე ორჯერ მიგიწვიათ... გარდა ამისა, კიდევ ბევრი წარმატება გქონდათ.
- დაახლოებით ათი წლის წინ, მსოფლიოში გამორჩეულმა პიანისტმა, ლექსო თორაძემ მართლაც, ორჯერ მიმიწვია ფესტივალზე (გერმანია, იტალია) და ეს იყო ჩემი ერთ-ერთი მნიშვნელოვანი წარმატება! იმ პერიოდში თბილისის კონსერვატორიაში, ბატონ ედიშერ რუსიშვილის კლასში ვსწავლობდი, შემდეგ კი სწავლა გავაგრძელე ბოსტონში, ბატონ ალექსანდრე კორსანტიასთან. მოგვიანებით, ბოსტონის კონსერვატორიაში მაქს ლევინსონის კლასშიც ვსწავლობდი. ბოსტონში რამდენიმე საფეხური გავიარე და წლების განმავლობაში, ბევრი წარმატებული გამოსვლაც მქონდა!
- რას უმადლით თქვენს წარმატებებს - ბევრ შრომას, ძლიერ ნებისყოფას, ნიჭს თუ სურვილს? როგორც ვიცი, დედა ყველაფერში გეხმარებათ.
- დედა პროფესიით მუსიკოსი არ გახლავთ, მაგრამ ვინაიდან დახმარება მჭირდებოდა, ბევრი რამ ისწავლა. მუსიკალური სკოლა აქვს დამთავრებული, პროფესიით კი არქიტექტორია. რაც შეეხება ჩემს წარმატებებს: ვფიქრობ, რაც დაასახელეთ, ყველაფერი აუცილებელია წარმატების მისაღწევად და რა თქმა უნდა, მნიშვნელოვანია იღბალიც.
- გქონიათ თუ არა პერიოდი, როდესაც თქვენი პროფესიისგან გაქცევა გსურდათ?
- სირთულეები ხშირად მქონია, მაგრამ საქმისგან გაქცევა არასოდეს მნდომებია. წინააღმდეგობების გარეშე ცხოვრება წარმოუდგენელია! როდესაც ნიჭი გაქვს და გარკვეულ წარმატებას აღწევ, ყოველთვის აწყდები ბარიერს. ვფიქრობ, ერთი კარგი თვისება მაქვს, რაც ძალიან მეხმარება: რაც უფრო დიდია წინააღმდეგობა, მით უფრო მეტად ვძლიერდები და მიზანმიმართული ვხდები!
- ამერიკაში სწავლობთ. იქ ყოფნა თქვენთვის კომფორტულია?
- ამერიკაში თავს ძალიან კარგად ვგრძნობ. ბოსტონი ის ქალაქია, რომელიც ყველას უყვარს, მე კი - განსაკუთრებულად მომწონს იქაურობა. იმდენად თბილი გარემოა, თავი საკუთარ ქალაქში მგონია.
- სამშობლოში დაკვრა ყველა ვარსკვლავისთვის
სულ სხვა პასუხისმგებლობაა. თქვენ რას გრძნობთ, როცა საქართველოში უკრავთ?
- აქ მსმენელი რამდენადაც თბილია, იმდენად კრიტიკულია. თუმცა, რა თქმა უნდა, კრიტიკა აუცილებელია! ჩემ მიმართ ქართველები სითბოს უხვად გამოხატავენ. ძალიან მიყვარს აქ დაკვრა!.. აქვე გეტყვით, შევადგინე და გამოვეცი მუსიკალური ბრაილის სახელმძღვანელო, რათა უსინათლო ადამიანებმა შეძლონ ნოტების შესწავლა ბრაილის შრიფტით. დავაარსე საქველმოქმედო ფონდი "არპეჯიო". ეს ფონდი დახმარებას გაუწევს ნიჭიერ უსინათლო ახალგაზრდებს. დიდი სურვილი მაქვს, საქართველოშიც ჰქონდეთ უსინათლო ადამიანებს საკუთარი ნიჭის წარმოსაჩენად ისეთი კარგი პირობები, როგორიც ამერიკაში აქვთ.
- საქართველოში ძალიან მნიშვნელოვანი კონცერტი გქონდათ.
- დიახ! 30 მაისს თბილისის დიდ საკონცერტო დარბაზში გაიმართა საერთაშორისო ფონდის - "არპეჯიო" მიერ ორგანიზებული კონცერტი "ბგერებით დანახული სამყარო". ეს იყო ჩემი ფონდის მიერ ორგანიზებული პირველი საქველმოქმედო ღონისძიება უსინათლო ადამიანების მხარდასაჭერად. საქართველოში ვარსკვლავური ჯაზტრიო ჩამოვიდა: უსინათლო ჯაზვოკალისტი და პიანისტი, ორი "გრემის" მფლობელი, ახლანდელი მსოფლიო ჯაზის პირველი ლედი - დაიანა შოორი, ბენ ვოლფი და დონალდ ედვარდსი. კონცერტში ასევე, მონაწილეობდნენ: ოპერისა და ბალეტის სიმფონიური ორკესტრი, დირიჟორი კახი სოლომნიშვილი, უსინათლო პიანისტები: იგნასი კამბრა, მე, თბილისის ოპერისა და ბალეტის თეატრის წამყვანი სოლისტი სულხან გველესიანი, პიანისტი ცოტნე ცოცხალაშვილი, იტალიაში მოღვაწე ქართველი სოპრანო მარიკა გულორდავა, პიანისტი ზურაბ კობახიძე, ჩელისტი სანდრო სიდამონიძე. ასეთი ტიპის კონცერტი საქართველოში პირველად ჩატარდა და ეს არის ჩვენი მესიჯი, რომ შეზღუდული შესაძლებლობები არ არსებობს!
წყარო: gzapress.ge
- ამბობს უსინათლო პიანისტი თამუნა შალვაშვილი. წარმატებული მუსიკოსი ცდილობს, სხვა უსინათლო ხელოვანებისთვისაც ხელსაყრელი პირობები შექმნას საქართველოში.
- წლების წინ, მსოფლიოში აღიარებულმა ქართველმა პიანისტმა - ლექსო თორაძემ გამოგარჩიათ და ფესტივალზე ორჯერ მიგიწვიათ... გარდა ამისა, კიდევ ბევრი წარმატება გქონდათ.
- დაახლოებით ათი წლის წინ, მსოფლიოში გამორჩეულმა პიანისტმა, ლექსო თორაძემ მართლაც, ორჯერ მიმიწვია ფესტივალზე (გერმანია, იტალია) და ეს იყო ჩემი ერთ-ერთი მნიშვნელოვანი წარმატება! იმ პერიოდში თბილისის კონსერვატორიაში, ბატონ ედიშერ რუსიშვილის კლასში ვსწავლობდი, შემდეგ კი სწავლა გავაგრძელე ბოსტონში, ბატონ ალექსანდრე კორსანტიასთან. მოგვიანებით, ბოსტონის კონსერვატორიაში მაქს ლევინსონის კლასშიც ვსწავლობდი. ბოსტონში რამდენიმე საფეხური გავიარე და წლების განმავლობაში, ბევრი წარმატებული გამოსვლაც მქონდა!
- რას უმადლით თქვენს წარმატებებს - ბევრ შრომას, ძლიერ ნებისყოფას, ნიჭს თუ სურვილს? როგორც ვიცი, დედა ყველაფერში გეხმარებათ.
- დედა პროფესიით მუსიკოსი არ გახლავთ, მაგრამ ვინაიდან დახმარება მჭირდებოდა, ბევრი რამ ისწავლა. მუსიკალური სკოლა აქვს დამთავრებული, პროფესიით კი არქიტექტორია. რაც შეეხება ჩემს წარმატებებს: ვფიქრობ, რაც დაასახელეთ, ყველაფერი აუცილებელია წარმატების მისაღწევად და რა თქმა უნდა, მნიშვნელოვანია იღბალიც.
- გქონიათ თუ არა პერიოდი, როდესაც თქვენი პროფესიისგან გაქცევა გსურდათ?
- სირთულეები ხშირად მქონია, მაგრამ საქმისგან გაქცევა არასოდეს მნდომებია. წინააღმდეგობების გარეშე ცხოვრება წარმოუდგენელია! როდესაც ნიჭი გაქვს და გარკვეულ წარმატებას აღწევ, ყოველთვის აწყდები ბარიერს. ვფიქრობ, ერთი კარგი თვისება მაქვს, რაც ძალიან მეხმარება: რაც უფრო დიდია წინააღმდეგობა, მით უფრო მეტად ვძლიერდები და მიზანმიმართული ვხდები!
- ამერიკაში სწავლობთ. იქ ყოფნა თქვენთვის კომფორტულია?
- ამერიკაში თავს ძალიან კარგად ვგრძნობ. ბოსტონი ის ქალაქია, რომელიც ყველას უყვარს, მე კი - განსაკუთრებულად მომწონს იქაურობა. იმდენად თბილი გარემოა, თავი საკუთარ ქალაქში მგონია.
- სამშობლოში დაკვრა ყველა ვარსკვლავისთვის
სულ სხვა პასუხისმგებლობაა. თქვენ რას გრძნობთ, როცა საქართველოში უკრავთ?
- აქ მსმენელი რამდენადაც თბილია, იმდენად კრიტიკულია. თუმცა, რა თქმა უნდა, კრიტიკა აუცილებელია! ჩემ მიმართ ქართველები სითბოს უხვად გამოხატავენ. ძალიან მიყვარს აქ დაკვრა!.. აქვე გეტყვით, შევადგინე და გამოვეცი მუსიკალური ბრაილის სახელმძღვანელო, რათა უსინათლო ადამიანებმა შეძლონ ნოტების შესწავლა ბრაილის შრიფტით. დავაარსე საქველმოქმედო ფონდი "არპეჯიო". ეს ფონდი დახმარებას გაუწევს ნიჭიერ უსინათლო ახალგაზრდებს. დიდი სურვილი მაქვს, საქართველოშიც ჰქონდეთ უსინათლო ადამიანებს საკუთარი ნიჭის წარმოსაჩენად ისეთი კარგი პირობები, როგორიც ამერიკაში აქვთ.
- საქართველოში ძალიან მნიშვნელოვანი კონცერტი გქონდათ.
- დიახ! 30 მაისს თბილისის დიდ საკონცერტო დარბაზში გაიმართა საერთაშორისო ფონდის - "არპეჯიო" მიერ ორგანიზებული კონცერტი "ბგერებით დანახული სამყარო". ეს იყო ჩემი ფონდის მიერ ორგანიზებული პირველი საქველმოქმედო ღონისძიება უსინათლო ადამიანების მხარდასაჭერად. საქართველოში ვარსკვლავური ჯაზტრიო ჩამოვიდა: უსინათლო ჯაზვოკალისტი და პიანისტი, ორი "გრემის" მფლობელი, ახლანდელი მსოფლიო ჯაზის პირველი ლედი - დაიანა შოორი, ბენ ვოლფი და დონალდ ედვარდსი. კონცერტში ასევე, მონაწილეობდნენ: ოპერისა და ბალეტის სიმფონიური ორკესტრი, დირიჟორი კახი სოლომნიშვილი, უსინათლო პიანისტები: იგნასი კამბრა, მე, თბილისის ოპერისა და ბალეტის თეატრის წამყვანი სოლისტი სულხან გველესიანი, პიანისტი ცოტნე ცოცხალაშვილი, იტალიაში მოღვაწე ქართველი სოპრანო მარიკა გულორდავა, პიანისტი ზურაბ კობახიძე, ჩელისტი სანდრო სიდამონიძე. ასეთი ტიპის კონცერტი საქართველოში პირველად ჩატარდა და ეს არის ჩვენი მესიჯი, რომ შეზღუდული შესაძლებლობები არ არსებობს!
წყარო: gzapress.ge
