პატარა უფლისწული სიმპატიურ ბიძასთან პოზირებს - უგო ბაგრატიონი სასურველ სასიძოდ რჩება

უფლისწული გიორგი ბაგრატიონი 27 სექტემბერს ოთხი წლის გახდა. მასზე ქართული სამეფო კარი დიდ იმედებს ამყარებს. წლების წინ პატრიარქის ინიციატივით და კურთხევით ბაგრატიონების ორი შტო გაერთიანდა.

დავით ბაგრატიონ მუხრანელის და ანა ბაგრატიონ გრუზინსკის ქორწინებას სკანდალები არ აკლდა. გახმაურდა დავით ბაგრატიონის და მსახიობ შორენა ბეგაშვილის სიყვარულის ამბავი, რასაც სამეფო ოჯახის დანგრევა მოჰყვა.

უფლისწულის დაბადების შემდეგ წყვილს ერთად აღარ უცხოვრია. თუმცა ბავშვის გაზრდაში ორივე აქტიურად იღებს მონაწილეობას.

სოციალურ ქსელში ხშირად ჩნდება ფოტოები, სადაც მამა-შვილი ერთად ერთობა. როგორც ჩანს, პატარა უფლისწული მამის მსგავსად ავტორალის დიდი მოყვარულია.

რატომღაც სოციალურ ქსელში გავრცელებულ ყველა ფოტოზე გიორგი ყოველთვის მოწყენილია და შეიძლება ითქვას, ასაკისთვის შეუფერებლად სერიოზულად გამოიყურება.

დავითის ძმა უგო ბაგრატიონი კი ჯერჯერობით კვლავ სასურველ სასიძოდ რჩება. ცოტა ხნის წინ სოციალურ ქსელში ბიძისა და ძმიშვილის ფოტო გავრცელდა და უამრავი ადამიანის მოწონება დაიმსახურა.
წყარო: reitingi.ge