ექსკლუზიური ინტერვიუ მებრძოლ ბალი ბეისთან - "მე ეს შანსი უკვე მომეცა და არ გავუშვი..."

- ბურაკ, ხომ ვერ გვეტყვით როგორ გააცოცხლეთ თქვენი გმირები "დიდებულ საუკუნესა" და "ფერიდეში"? მოგიხდათ თუ არა გადაღებებისთვის რაიმე განსაკუთრებული გესწავლათ?

- ორივე სერიალისთვის ბევრის სწავლა დამჭირდა. ორივე მათგანში მოქმედება წარსულში ხდებოდა. იმ დროს ხალხი სულ სხვაგვარი იყო. თანამედროვე გმირის გაგება და თამაში რა თქმა უნდა უფრო მარტივია. ორივე სერიალის გმირი ერთმანეთისგან რადიკალურად განსხვავებულია. ერთი მკაცრი მებრძოლი - ბალი ბეია, მეორე კი სასიამოვნო, მხიარული და კეთილი კამრანი. ორივე როლი თავისებურად განსხვავებულია.

- ვიდრე ეს "ფერიდე" ეკრანზე გამოჩნდებოდა, იყო სხვა ვარიანტებიც, დაიწერა წიგნი.. როგორ ფიქრობთ რატომ არის ეს ისტორია უკვე რამდენიმე ათწლეული, ასეთი პოპულარული?

- ამ სერიალში თამაშობს ქალი, რომელსაც ყველაფრის მიღწევა შეუძლია. როგორც წესი უმეტესად ყველაფერს მამაკაცი წყვეტს, ამ შემთხვევაში კი მთავარ გმირს საკმაოდ ძლიერი ხასიათი აქვს.

- ჯერ კიდევ რა ვერ განახორციელეთ თქვენს პროფესიაში და რა გინდათ გამოსცადოთ?
- ვფიქრობ, ჯერ კიდევ ბევრი მაქვს გასაკეთებელი და წინ ბევრი სამუშაო მელის. ჯერ მხოლოდ 10 წელია ვმუშაობ და მსახიობისთვის ეს მხოლოდ დასაწყისია.

- თქვენ ცნობილი ხართ არა

მარტო როგორც მსახიობი, არამედ როგორც რესტორატორი. რატომ დაარქვით თქვენს რესტორანს თქვენი გმირის სახელი სერიალ "დიდებული საუკუნიდან"?
- ამ სერიალში ძალიან მნიშვნელოვანი როლი შევასრულე, სულთნის პალატების მცველი განვასახიერე. "დიდებული საუკუნის" შემდეგ კი ეს სახელი ძალიან პოპულარული გახდა. ამიტომაც გავაერთიანე სატელევიზიო ისტორია და კულინარია.

- ოჯახში პირველი რესტორატორი არ ხართ..
- მამაჩემი და ბაბუა სწორედ ამ სფეროში მუშაობდნენ. "ბალი-ბეი დონერი" - პირველი რესტორანი არ არის, არის სხვა ფილიალებიც.



- როგორ ფიქრობ მსახიობის პუპულარობა ხანგრძლივი და თავდაუზოგავი შრომის შედეგია, თუ უბრალო შემთხვევითობაა?
- პირველ რიგში ეს შემთხვევითობაა, შანსი, რომელიც ცხოვრებაში ყველა ადამიანს ეძლევა და აუცილებლად უნდა გამოიყენო. მე ეს შანსი უკვე მომეცა და არ გავუშვი.

- რას შეცვლიდით თქვენს გარეგნობაში როლისთვის?
- თუ საჭირო იქნება, ყველაფერს გავაკეთებ, მაგრამ ეს დამოკიდებულია როლზე. როლი არ უნდა ეწინააღმდეგებოდეს ჩემს შინაგან "მეს". ცხოვრებაში კარგი ადამიანი ვარ და მინდა ფილმშიც ასეთად დავრჩე. სერიალში ჩემი ოჯახი, ცოლი და შვილები მნახავენ, ამიტომ მინდა მათთვის სამაგალითო ვიყო.

- რას ეტყოდით თაყვანისმცემლებს?
- ვისურვებდი სერიალები ჩემი მონაწილეობით ბოლომდე ნახოთ. წინ კიდევ ბევრი საინტერესო პროექტი მაქვს, იმედი მაქვს ყველა მოგეწონებათ. მე თქვენ ყველანი ძალიან მიყვარხართ.