ტრაგიკული "კოცნა": რას ეძღვნება სინამდვილეში როდენის მონუმენტური სკულპტურა

ხელოვნების ისტორიაში ყველაზე კაშკაშა სასიყვარულო იმიჯი როდენის მარმარილოს სკულპტურაა, რომელზეც შეყვარებულები ვნებიანად კოცნიან ერთმანეთს. სკულპტურას მარტივად, "კოცნა" ჰქვია. მიუხედავად იმისა, რომ ქანდაკება ოპტიმისტური, უდარდელი და პოზიტიური განწყობისაა, ალბათ, არ იცოდით, რომ როდენმა წყვილი დანტეს ჯოჯოხეთის დაწყევლილი მრუშების იდეის მიხედვით შექმნა.

სკულპტურა 1880 წლით თარიღდება, როდესაც როდენი 40 წლის იყო. მას უკვე საკუთარი რეპუტაცია ჰქონდა. როგორც დანტეს "ღვთაებრივ კომედიაშია" მოთხრობილი, ფრანჩესკას და პაოლოს ერთმანეთი შეუყვარდათ, არადა ფრანჩესკას ქმარი პაოლოს ძმა იყო, რომელმაც, როდესაც მათი სიყვარულის შესახებ გაიგო, ორივე მოკლა. როდენმა გადაწყვიტა, შეყვარებულები თავიანთი პირველი კოცნის დროს აღებეჭდა.
წყარო: ambebi.ge