ნაყინის ტორტი შოკოლადითა და კარამელით

მოვასხათ კარამელის სოუსი, მოვაყაროთ შოკოლადი და შაქრიანი თხილი. დავჭრათ ულუფებად და მივართვათ სტუმრებსა და საყვარელ ადამიანებს.

საჭირო მასალა
1 ყუთი ვანილის ნაყინი (500 გრამიანი)
80 გ კაკაოს ორცხობილა (პეჩენია)
1 "სნიკერსი" ან მისი მსგავსი სხვა შოკოლადის ბატონი
1/2 ჭიქა დაფქული (ან დანით წვრილად დაჭრილი) შაქრიანი არაქისი ან თხილი (მე სახლში მომზადებული პრალინე გამოვიყენე)
50 გ შოკოლადი, შავი ან რძიანი
კარამელის სოუსი თავზე მოსასხმელად და შოკოლადის ნატეხები ან ბურბუშელა დეკორისთვის
ფორმა ან რაიმე ჭურჭელი 15-16 სმ დიამეტრით

მომზადება


ნაყინი დავდოთ ოთახის ტემპერატურაზე, ცოტა რომ დარბილდეს.

ამასობაში, დავფშვნათ ორცხობილა, აუცილებელი არ არის ძალიან წვრილად და თანაბრად იყოს, უბრალოდ დავაქუცმაცოთ. ასევე დავჭრათ შოკოლადი და სნიკერსის ბატონი. შეგვიძლია, ორცხობილა, სნიკერსი და შოკოლადი ერთად მოვათავსოთ ცელოფნის პაკეტში და ცომის გასაბრტყელებელი ჯოხით დავჩეჩქვოთ.

თასში გადავიღოთ ნაყინი, ჩავამატოთ დაქუცმაცებული ინგრედიენტები და დაფქული თხილი/არაქისი (ცოტა მოვიტოვოთ დეკორისთვის). მიქსერით ავურიოთ, რომ თანაბრად გადანაწილდეს ყველაფერი ერთმანეთში.

ფორმაში ჩავფინოთ საკვების ცელოფანი, გადავიტანოთ ნაყინი შიგ და შევდგათ საყინულეში. რამდენიმე ზედმეტი ორცხობილა დაგვრცა, ისიც დავფხვნათ და თავზე გადავანაწილოთ, ხელით ოდნავ დავტკეპნოთ. გადმობრუნებისას, ეს ერთგვარი ტორტის ძირი იქნება.

სუფრაზე მიტანისას, რამდენიმე წუთით ადრე გამოვიღეო. შემდეგ გადმოვაბრუნოთ შესაბამისი ზომის თეფშზე და ცელოფანიც მოვაშოროთ. მოვასხათ კარამელის სოუსი, მოვაყაროთ შოკოლადი და შაქრიანი თხილი. დავჭრათ ულუფებად და მივართვათ სტუმრებსა და საყვარელ ადამიანებს.