X
  • იცოდით? კბილის პასტით სხეულზე ჩალურჯებასაც გაიქრობთ და ლაქებსაც ამოიყვანთ

    გარდა იმისა, რომ კბილის პასტა თავისი საკმაოდ მრავალფეროვანი შემადგენლობით იცავს ჩვენს კბილებს კარიესისგან, ნადებისა და სხვა მრავალი დაზიანებისგან, გაგიკვირდებათ და, მას ასევე წარმატებით შეუძლია:

    • ვერცხლის გაწმენდა და გაპრიალება.
    დაიტანეთ კბილის პასტა ჯაგრისზე და გულდასმით გაწმინდეთ ვერცხლის ნაკეთობა. ჩამორეცხეთ შემდეგ პასტა წყლით და ხელსახოცით ან პირსახოცით გააპრიალეთ.

    • მცირე ნაკაწრების გაქრობა ტელეფონის ეკრანებსა და საათის ციფერბლატებზე. დოლბანდზე ან ბამბის ფთილაზე მოათავსეთ კბილის პასტის ძალიან მცირე რაოდენობა და ნელი მოძრაობით გადაუსვით გაკაწრულ ადგილს.

    • მანქანის ნაკაწრის პოლირება.

    • ფრჩხილის ზედაპირების გაწმენდა.

    თუ ფრჩხილის საფარი გაგიყვითლდათ, დაიტანეთ კბილის პასტა ბამბის ფთილაზე და ხშირი მოძრაობით გაიწმინდეთ ფრჩხილის ზედაპირი. ბოლოს კი წყლით ჩამოიბანეთ.

    • ჰერპესის და ჩალურჯების მკურნალობა.

    სხეულზე ჩალურჯების დროს კბილის პასტის გამოყენება ხელს უწყობს სილურჯის სწრაფ გაწოვას, ხოლო ჰერპესის დროს მისი გამოყენების შემთხვევაში წარმოიქმნება მშრალი საფარი, რომელიც მალევე ხმება და ძვრება.

    • არასასიამოვნო სუნის გაქრობა.

    თუ სამზარეულოში ბევრი ნიორი დაჭერით ან ლუდი მიირთვით შებოლილ თევზთან ერთად და თქვენი ხელები გაჯერდა მათი არასასიამოვნო სუნით, კბილის პასტა ამ შემთხვევაშიც წარმატებით შეგიძლიათ გამოიყენოთ. ხელების დაბანისას ხელის საპონი, რომელიც ამ დროს შედეგს ნამდვილად არ იძლევა, ჩაანაცვლეთ კბილის პასტით. იგი ნამდვილად გააქრობს სუნს (აქვე შეგახსენებთ, რომ ლუდისა და შებოლილი თევზის სუნისაგან თავად ლუდიც კი გაგათავისუფლებთ. გადაიბანეთ ხელები ლუდით, შემდეგ კი წყლით).

    • ჩაის ლაქის ამოყვანა.

    თუ სამზარეულოს ან ჟურნალების მაგიდაზე ჩაის ღრმა ლაქა გაჩნდა, დაიტანეთ მასზე კბილის პასტა და გაწმინდეთ წყლით.

    • სამოსიდან პომადის ლაქის ამოყვანა.

    დაიტანეთ ლაქაზე პასტა, რამდენიმე მოძრაობით კარგად შეაზილეთ და 10 წუთის შემდეგ ამორეცხეთ.

    • სარკის გაწმენდა. თუ გსურთ აბაზანაში სარკე არ დაიორთქლოს, ამაშიც სწორედ კბილის პასტით მისი გაწმენდა დაგეხმარებათ.

    • კაფელისა და კაფელებს შორის ხაზების გაწმენდა.
    2 225 ნახვა
    26-12-2016, 19:15
    GOGATV