როგორ ჩამოიყვანა ფიროსმანის სიყვარულმა ცნობილი იაპონელი დიზაინერი საბჭოთა საქართველოში: აქამდე უცნობი ფოტოსესიის უნიკალური კადრები

1989 წელს საბჭოთა საქართველოში ცნობილი სამოდელო სახლი Comme des Garçons’ Six magazine-სთვის ფოტოსესიას იღებდა. სესია ქალაქგარეთ, თბილისისგან მოშორებით გაიმართა, ფოტოგრაფი ბირმინგემელი ბრაიან გრიფინი გახლდათ, რომელმაც ვიდეოკასეტაზე გადაღებული მასალა "იუთუბზე" ატვირთა და ყველასთვის ხელმისაწვდომი გახადა.

გადაღებული ფოტოები 1988 და 1991 წლების
შუალედში ტექსტის გარეშე დაიბეჭდა და მხოლოდ ენიგმატური ვიზუალით იყო გაჯერებული.

"მოდის ფოტოგრაფი არ ვყოფილვარ, ძირითადად ბიზნეს ჟურნალებისთვის ვიღებდი პორტრეტებს. საკმაოდ ცნობილი პორტრეტისტი ვიყავი, ჯონ მალკოვიჩთან, ჯულიან სანდსთან და სხვა ცნობილ ადამიანებთან ვმუშაობდი. შემდეგ კი მოდის სამყაროში მოვხვდი და მოდელების გადაღება დავიწყე".

თბილისში იმიტომ ჩამოვედით, რომ რეი კავაკუბოს (Comme des Garçons’-ს დამაარსებელი) ძალიან უყვარდა ქართველი მხატვარი ნიკო ფიროსმანი. იდეა იყო Comme des Garçons’-ს ტანსაცმელი ადგილობრივი სამოსის ელემენტებით შეგვეხამებინა. რეი ამბობდა, რომ ეს სესია მისი საყვარელი ისტორია იყო, რაც ჟურნალისთვის გაუკეთებია," - იხსენებს გრიფინი.
წყარო: ambebi.ge