მობი დიკი "ზღვის გულში" ცოცხლდება

ცნობილი რომანის, "მობი-დიკის" და 1820 წლის რეალური ექსპედიციის შესახებ დაწერილი წიგნის მიხედვით შექმნილი ფილმის „ზღვის გულში" პრემიერა საქართველოს კინოთეატრებში უკვე შედგა და საზოგადოების დიდი ინტერესი გამოიწვია. მძაფრსიუჟეტიანი სათავგადასავლო დრამა გამაოგნებელი ვიზუალური ეფექტებით IMAX 3D ფორმატშია გადაღებული და გემის ეკიპაჟზე მოგვითხრობს, რომელიც სამი თვის განმავლობაში შუა ზღვაში, უზარმაზარ ვეშაპზე სანადიროდ იმყოფებოდა.

„ზღვის გულში" ორი ოსკარის მფლობელი რეჟისორის, რონ ჰოვარდის რიგით მე-6 ფილმია, რომელსაც საფუძვლად რეალური ფაქტები და ისტორია უდევს. „
დავინჩის კოდის ", „აპოლო13"-ის , „ბრწყინვალე გონების", "Rush"-ის და სხვა გახმაურებული კინოშედევრების შემქმნელი რონ ჰოვარდი კინოაკადემიამ ფილმისთვის „ბრწყინვალე გონება" წლის საუკეთესო რეჟისორად აღიარა, ხოლო თავად ფილმმა საუკეთესო ფილმის ნომინაციაში კინოაკადემიის უმაღლესი ჯილდო მოიპოვა.

„ზღვის გულში" ამჯერად "მარველის" "თორის" ვარსკვლავი კრის ჰემსოურთი "Game of Thrones"-ის ვარსკვლავებთან - კეტლინ სტარკის, ბენჯენ სტარკის და მეისტერ ლიუვინის როლების შემსრულებლებთან ერთად თამაშობს. ფილმში "ზღვის გულში" გახმაურებული ფილმის „Perfume: The Story of a Murderer"-ის მთავარი როლის შემსრულებელ ბენ უიშოუსაც შეხვდებით.
სათავგადასავლო დრამა, რომელიც "წლის საუკეთესო ფილმის" ნომინაციაში "ოსკარისთვის" იბრძვის, აუცილებლად დიდ ეკრანზე - კინოთეატრებში („კავეა აიმაქსი", „კავეა მოლი" „რუსთაველი" და „ამირანი") უნდა ნახოთ.
წყარო: ambebi.ge