2015 წელს დაბადებული პოპულარული ბავშვები

გასული წელი ქართული პოლიტიკის მეთაურებისთვის შეიძლება, ისტორიამ წარუმატებლად შეაფასოს. თუმცა მათთვის გასული წელი მაინც ბედნიერი იყო, რადგან მათ ცხოვრებაში შვილები გაჩდნენ.

თბილისის მერი დავით ნარმანია 28 იანვარს გოგონას მამა გახდა. ელენე დავით გაგუას კლინიკაში დაიბადა.


დავით ნარმანიას და თიკა თინიკაშვილს ელენეს გარდა ორი ბიჭი კოკო და ილია - დენისი ჰყავთ.

პატარა ელენეს ფოტო, რომელიც დედასთან ერთად აქვს გადაღებული, სოციალურ ქსელში პირველად რამდენიმე თვის წინ გამოჩნდა სოციალურ ქსელში და დიდი მოწონება დაიმსახურა. სოციალური ქსელის მომხმარებლები აღფრთოვანებას ვერ მალავდნენ ლამაზი დედა-შვილის მიმართ.

პრეზიდენტის შვილი, თემურ მარგველაშვილი 2 თებერვალს დაიბადა. ის გიორგი მარგველაშვილისთვის მეორე შვილია. პირველი ქორწინებიდან მას უკვე ჰყავს ქალიშვილი, ანა მარგველაშვილი.


რაც შეეხება პრეზიდენტის მეუღლეს მაკა ჩიჩუას, მას ასევე ჰყავს ქალიშვილი მაშო.
თემურ მარგველაშვილთან ერთად გადაღებულ ფოტოებს ოჯახის წევრები სოციალურ ქსელში ხშირად აქვეყნებენ

და დიდ მოწონებას იმსახურებენ.

მაკა ჩიჩუამ პრესასთან ინტერვიუში აღნიშნა, რომ ძიძა ჰყავს, თუმცა გიორგი მარგველაშვილი ბავშვის აღზრდაში ეხმარება.

შვიდ აპრილს პრემიერ-მინისტრ ირაკლი ღარიბაშვილს მესამე ბიჭი შეეძინა. ახალშობილს გაბრიელი დაარქვეს.


რამდენიმე თვის გაბრიელი პატრიარქმა და ბერა ივანიშვილმა მონათლეს.

"დღეს ჩემი გაბრიელი გაქრისტიანდა... ნათლობის საიდუმლოს სამების ტაძარში ვაზიარეთ. ჩემთვის უძვირფასესმა ადამიანებმა მონათლეს - მისმა უწმინდესობამ, სრულიად საქართველოს კათოლიკოს-პატრიარქმა ილია მეორემ და ბერამ...

გაბრიელი ძალიან იამაყებს, როცა მათ გაიცნობს, როცა მოუსმენს... მჯერა, ნათლიებიც იამაყებენ... მინდა, ცხოვრების გზაზე უფლის მფარველობით იაროს"., წერდა პრემიერ მინისტრი "ფეისბუქის" ოფიციალურ გვრდზე.

2015 წელს ქართულ პრესაში ხშირად დაიწერა ქეთა თოფურიას ორსულობის შესახებ. პოპულარულმა ქართველმა მომღერალმა ამერიკაში იმშობიარა. ქვეყნის ერთ-ერთ ყველაზე პრესტიჟულ კლინიკაში. თვითონ მოსკოვში აპირებდა მშობიარობას, თუმცა ლევ გეიხმანმა, რომელიც მილიონერია, გადაწყვიტა, მისი შვილი ლოს-ანჯელესის ყველაზე პრესტიჟულ კლინიკაში გაჩენილიყო.


ამავე სამშობიაროში იმშობიარეს თავის დროზე მადონამ, ბრიტნი სპირსმა, კიმ კარდაშიანმა... იქ მშობიარობა დაახლოებით 30 ათასი დოლარი ღირს.
ქეთამ და ლევ გეიხმანმა შვილს ოლივია დაარქვეს. მშობლები სოციალურ ქსელში ისეთ ფოტოებს დებენ, სადაც ოლივიას სახე არ ჩანს.