რატომ იზრდება მაკა შალიკაშვილის გოგონა ყოფილი ქმრის მშობლებთან

მსახიობ მაკა შალიკაშვილის გოგონა, მისი ყოფილი ქმრის მშობლებთან იზრდება. მაკა ჟურნალ ''სარკესთან'' გულახდილად საუბრობს ამ თემაზე და ამბობს, რომ მას შვილის სრულყოფილად მისახედად საჭირო თანხები არ გააჩნია.

"არ შემიძლია ვთქვა როგორი დედა ვარ, ერთი კი ცხადია, მინდა, ჩემ შვილს ჰყავდეს რეალიზებული დედა და ჩემით იამაყოს. თინათინი 9 წლისაა, დადის "ენიკიბეკის" სტუდიაში, ასევე - ანსამბლ "ნაბადში" ცეკვაზე. ისიც ხელოვანია, კარგად აზროვნებს. უყვარს ქსოვა. ეს ბებიისგან, მამის დედისგან ერგო წილად. თინათინი მამასთან იზრდება მის მშობლებთან. მათი დიდი დამსახურებაა, რომ კარგ ადამიანად ჩამოყალიბდა.

არ მაქვს საშუალება, რომ შვილს თავიდან ბოლომდე მივხედო. არც ჩემი ქმრის ოჯახს აქვს საშუალება, მაგრამ რაღაცნაირად იჭირვებენ. შვილს რომ კვირაში რამდენიმესაათით ვნახულობ მსაყვედურობს, მაგრამ მეტი გზა არ არის. მე მარტო ვცხოვრობ", - ამბობს მაკა შალიკაშვილი.
წყარო: reitingi.ge