პრინცი ჰარი, რძლის დას, პიპა მიდლტონს ხვდება - სამეფო კარზე მოახლოებული ქორწილი და მიდლტონების სიმრავლით აღშფოთებული ოჯახის წევრები

პრინცი ჰარი და პიპა მიდლტონი ერთმანეთს ხვდებიან. როგორც აღმოჩნდა, სამეფო კარის მემკვიდრეების სუსტი წერტილი ერთმანეთს დაემთხვა. პრინცი ძმების გულები დებმა მიდლტონებმა დაიპრეს. გაიგეთ რა არის მიდლტონების მომხიბვლელობის მიზეზი და როდის შედგება მეორე გრანდიოზული სამეფო ქორწილი.

პრინც უილიამის უმცროსი ძმისა და ქეით მიდლტონის უმცროსი დის რომანი სამი თვის წინ დაიწყო. ამბობენ, რომ პიპასა და ჰარის შორის სიმპათიები, ჯერ კიდევ ქეითისა და უილიამის ქორწილზე გაჩნდა.




ინიციატივა პიპა მიდლტონს გამოუჩენია, რომელიც ცოტა ხნის დაშორებული იყო ფინანსისტ ნიკო ჯექსონზე. ამ ყველაფრის შემდეგ პიპას დრო არ

დაუკარგავს, ჰარის თავად დაურეკა და ჰკითხა შეხვდებოდა თუ - არა. ჰარი დათანხმდა და პიპა მასთან იხმო. წყაროს თანახმად, პიპა პაემანზე მჭიდროდ გამოყვანილ ჯინსებსა და გამჭვირვალე მაისურში გამოცხადდა. რომანტიკული ვახშამი ღამის 3 საათამდე გაგრძელდა, რის შემდეგაც ჰარის მძღოლმა გოგონა სახლში მიაცილა. პიპა აღფრთოვანებული იყო პრინცით, არ მოელოდა, რომ ჰარი ასეთი ყურადღებიანი მსმენელი აღმოჩნდებოდა.

პრინცი ჰარი უმცროს მიდლტონს მეორე დღესვე დაუკავშირდა და მას შემდეგ მათი ურთიერთობა ძალიან სწრაფად განვითარდა. გარკვეული დროის განმავლობაში წყვილი ოჯახის წევრებს რომანის შესახებ არ უმხელდნენ. ყველაფერი კი მაშინ გამოაშკარავდა, როცა პრინცმა უილიამმა, რომელსაც ძმის ბინის გასაღები აქვს, ჰარისა და პიპას ერთად შეუსწრო.



ამ კავშირმა ელიზაბეთ II -ის უკმაყოფილება გამოიწვია. ის ფიქრობს, რომ ბუკინგემის სასახლეში ერთი მიდლტონიც საკმარისია. ამან განსაკუთრებით გააღიზიანა კამილა პარკერ-ბოულზი - კამილა ვერ აიტანს ქეითსა და მის მთელ ოჯახს ერთდროულად.

ჰარისა და პიპას რომანით კი ყველაზე განრისხებული თავად ქეითი აღმოჩნდა: "ის, ელიზაბეთის მსგავსად ადასტურებს, რომ ერთი მიდლტონი სავსებით საკმარისია " - ასაბუთებს წყარო.