ნატალი კოული 65 წლის ასაკში გარდაიცვალა

მომღერალი ნატალი კოული 65 წლის ასაკში გარდაიცვალა. 40-წლიანი კარიერის მანძილზე მან მუსიკალური სამყაროს უმაღლესი ჯილდო - გრემი, 9-ჯერ დაიმსახურა. ჯაზის ლეგენდის, ნეტ კინგ კოულის ქალიშვილს უდიდესი წარმატება მოუტანა 1991 წელს მამის კლასიკური ჰიტების გადამღერებამ ალბომისთვის "Unforgettable ... With Love."

მომღერალი 1-ელ იანვარს საღამოს გარდაიცვალა ლოს ანჯელესის ერთ-ერთი სამედიცინო დაწესებულებაში. ოჯახის მიერ გამოქვეყნებულ განცხადებაში აღნიშნულია, რომ მომღერალი ავადმყოფობის გართულებამ იმსხვერპლა. ნატალი კოული წამალდამოკიდებულებას და ჰეპატიტს წლების განმავლობაში ებრძოდა, რის გამოც 2009 წელს თირკმლის გადანერგვის ოპერაციაც დასჭირდა.
წყარო: ambebi.ge