X
  • ღირს თუ არა ძილის წინ ჭამა - რჩევები ღამით ტრაპეზის მოყვარულთათვის

    ბევრმა იცის, რომ ძილის წინ ჭამა არ შეიძლება. თუმცა მათ, ვინც გვიან ბრუნდება სამსახურიდან და შემდეგ გვიანობამდე უწევს სახლში მუშაობა, შიმშილის გრძნობა ჯიუტად ახსენებს თავს. სწორედ მათ უწევთ წესების დარღვევა და ღამით ჭამა. არსებობს თუ არა ისეთი პროდუქტები, რომლებიც ნაკლებად მავნებელია და ღირს თუ არა ძილის წინ შიმშილის მოთმენა?

    ითვლება, რომ ღამით შიმშილის გრძნობა ირგანიზმში უჯრედების აღდგენას იწვევს, რადგან დღისით აღმდგენ პროცესს ხელს უშლის სტრესი და საკვების მიღება. ძალიან გვიანი და ნოყიერი ვახშამი შესაძლოა გახდეს საჭმლისმომნელებელი სისტემის და მთლიანად ორგანიზმის მოშლის მიზეზი. გარდა ამისა, სავსე კუჭი ხელს უშლის მშვიდ ძილს და შესაძლოა გახდეს უძილობის მიზეზი, რადგან სავსე კუჭი ხელს უშლის ძილის ჰორმონის- მელატონინის გამოყოფას. ის, რომ გვიან ჭამა წონის მომატებას იწვევს, ახალი არ არის და ყველასთვის ცნობილია.

    თუმცა, ეს წესები მოქმედებს 22-24 წელს ზემოთ, ზრდასრულ ადამიანებში, როცა ზრდისა და განვითარების პროცესი დასრულებულია. ბავშვებს, მოზარდებსა და ახალგაზრდებს მეტი ენერგია სჭირდებათ- მათ არ ეკრძალებათ გვიან საღამოს ან ღამით წახემსება.

    როგორ მოვიქცეთ?

    ყველას არ აქვს იმის საშუალება, რომ სრულფასოვნად ისაუზმოს სახლში და ისადილოს სამსახურში, ამიტომაც საღამოს ნოყიერად ვახშმობა უწევს. მოდი გავარკვიოთ, რისი ჭამა შეიძლება ღამით, თუ შიმშილის გრძნობა გაუსაძლისია.

    თუ არ გაქვთ ზედმეტი წონა, არ ზიხართ დიეტაზე და ექიმისგან არ გაქვთ აკრძალვა გვიან ვახშამზე, შეგიძლიათ თავს უფლება მისცეთ გვიან მიირთვათ მსუბუქად გადასამუშავებელი კერძები. მაგალითად, ბლითები, თაფლი, სტაფილო ან მოხარშული ბრინჯი, გოგრა, გამომცხვარი კარტოფილი (ან პიურე ცხიმის გარეშე), კივი, ქიშმიში, კანფეტი, ბანანი.

    ეს პროდუქტები მშიერ ტვინს სწრაფად მიაწვდიან გლუკოზას, დაეხმარებიან მელატონინისა და სეროტონინის გამოყოფაში, რაც მსუბუქი ძილის გარანტიასაც მოგცემთ. გარდა ამისა, ღამით შეგიძლიათ მიირთვათ ბოსტნეულისგან მომზადებული კერძი, დალიოთ ცოტაოდენი თეთრი ღვინო (მშრალი და არა შამპანიური)

    გახსოვდეთ, რომ ამ საკვების მიღება რეკომენდებული არ არის დიაბეტით დაავადებულულთათვის და ჭარბწონიანთათვის. მათ დიეტას მხოლოდ ექიმი უნიშნავს.

    რისი ჭამა არ შეიძლება ღამით?

    არსებობს პროდუქტების ჯგუფი, რომელიც მოქმედებს ჯანმრთელობაზე და შეუძლია მიგვიყვანოს ზედმეტ წონამდე და უძილობამდე. ღამით უკეთესია თუ არ მიირთმევთ: ენერგეტიკულ სასმელებს, კოფეინის შემცველ პროდუქტებს, ალკოჰოლურ სასმელებს (მსუბუქი ღვინის გარდა).

    გამორიცხეთ ვახშმიდან პარკოსნები, რძე (თუ მას ცუდად იტანთ), კომბოსტო და ყაბაყი, მწარე წიწაკა, მაკარონი, პომიდორი და ნაღები. ძილის წინ მოერიდეთ თხილს, ბალს, ქლიავს, მსხალსა და ვაშლს, ფორთოხალსა და გრეიპფრუტს.

    დაიმახსოვრეთ: ნიორი და სხვა სანელებლები მადას აძლიერებს: შესაძლოა, რომ ჭამიდან სულ ცოტა ხანში კვლავ მოგშივდეთ. ხორცეული და თევზი მიირთვით არაუგვიანეს საღამოს ექვსი-შვიდი საათისა.

    საღამოს მადა უფრო აქტიურდება, რადგან დღისით ძირითადად დაკავებულები ვართ საქმეებით და ნაკლებად ვაქცევთ ყურადღებას ორგანიზმის სიგნალებს. ამიტომ იმისათვის, რომ ვახშმად ცოტა მიირთვათ, ჭამამდე ნახევარი საათით ადრე დალიეთ ნაკლებტკბილი იოგურტი, გვირილის ჩაი თაფლით, ნახევარი საათის შემდეგ კი ივახშმეთ. საკვების რაოდენობა, გვერწმუნეთ, იმის ნახევარი იქნება, ვიდრე სხვა დროს, რადგან თქვენ უკვე "მოატყუეთ" ტვინი.

    სასარგებლო რჩევები საღამოს ტრაპეზისთვის

    გაამრავალფეროვნეთ თქვენი ვახშამი, უკეთესია, თუ ის რამდენიმე კომპონენტისგან იქნება შემდგარი - ტვინი "თვალებით ჭამს" და მრავალფეროვნებით უფრო მალე დანაყრდებით.

    ჭამამდე 15 წუთით ადრე დალიეთ თბილი წყალი, ასე თქვენ ნაკლებ საკვებს მიიღებთ. მაგრამ წყალი წვენით არ შეცვალოთ, ის კუჭის სეკრეციას ააქტიურებს. წყალი შეგიძლიათ ჩაანაცვლოთ რძიანი ჩაით ან კეფირით.
    არ მიირთვათ ტკბილეული ვახშმის მაგივრად, არ ჭამოთ ის მშიერ კუჭზე.

    არ დაჯდეთ ჩაის დასალევად ან საჭმელად მხოლოდ იმიტომ, რომ სხვა საქმე არ გაქვთ, დაკავდით რაიმე უფრო სასარგებლოთი.

    ხშირად ჩვენ წყურვილს შიმშილად ვღებულობთ და მეტს ვჭამთ: შეეცადეთ ჯერ წყალი, უშაქრო ჩაი ან კომპოტი დალიოთ.

    ვახშმის დამთავრებისთანავე გაიხეხეთ კბილები - ეს ფსიქოლოგიურად განგაწყობთ იმისთვის, რომ მეტი აღარ ჭამოთ.

    ვჭამოთ თუ არა ღამით - რთული კითხვაა. მაგრამ თუ შიმშილის გრძნობა ძილის საშუალებას არ გაძლევთ, მაშინ შეეცადეთ, რომ თქვენი ვახშამი უფრო მსუბუქი და სასარგებლო იყოს.

    1 647 ნახვა
    GOGATV